Euskal kulturaren kontsumoaz jarduteko Arantxa Iturbe, Gorka Arrese, Joxan Muñoz, Olatz Osa eta Josu Amezaga elkartu ditu 'Zenbat gara? Nondik jo?' jardunaldiak. Guztien iritziak jasoko ditu hurrengo Jakin aldizkariaren zenbakiak.
Zer gertatu zen 1996ko udan Irunen eta Hondarribian emakume batzuk alardeetan soldadu gisa parte hartzen saiatu zirenean? Galdera horri erantzuteko asmoz 80 lagunetik gora elkarrizketatu dituzte Maite Asensio Lozano eta Arantxa Iraola Alkorta Berria-ko kazetariek Aleka bildumako Alardeak, ukatutako plazara saiakerarako. Denetarikoak: aldarriaren sustatzaileak, parte hartzaileak, arduradun politikoak, gaia ikertu duten antropologoak… Alarde parekideek sortu duten gizarte hausturan sakondu dute horrela, sorburura joz, bide judizialari erreparatuz, bizipenak jasoz, erakunde eta alderdien jokabideei begiratuz. Guztia galdera honi erantzuteko: hainbeste denbora igaro ondoren, nola konpon daiteke egun alardeen gatazka?
Berria, Elkar eta Jakinen elkarlanari esker osatutako bilduma da Aleka. Seigarren zenbakia du alardeen gatazkaren inguruan hausnarketa bultzatu nahi duen saiakera.
Judith Butler filosofo estatubatuarraren 'Genero nahasmendua' saiakera euskaratu du Ana Isabel Morales itzultzaileak Eskafandrarako. Liburu mugarria da, postfeminismoaren eta Queer teorien oinarria. Gorputzaren, sexuaren, generoaren eta desiraren kategorizazioez hausnartzen du gibelean dauden botere harremanak aztertzeko. Nagore Legarreta argazkilariak ipini dio azala.
Euskara batuaren ekarpen eta erronken inguruan monografikoa osatu du Jakinek, Arantzazuko Biltzarraren 50. urteurrenaren atarian. Horretarako, 30 iritzi eta ikuspegi jaso ditu: Joxe Azurmendi, Joan Mari Torrealdai, Irene Arrarats, Pruden Gartzia, Ander Lipus, Miren Amuriza, Iñaki Goirizelaia, Harkaitz Cano, Sagrario Aleman, Igor Elortza, Gorka Bereziartua, Xabier Euzkitze... eta beste hainbeste.
50. beteko dira euskara batuaren sorreratzat jotzen den Arantzazuko Biltzarra ospatu zenetik. Urteurrenak atzera nola aitzinera begitzeko aukera eskaini dio Jakini. Euskara batuaren erronkei, alegia. Horretarako, Irene Arrarats Berriako zuzentzailearen eta Pruden Gartzia Euskaltzaindiako Azkue liburutegiko liburuzainaren gogoetak jaso ditu irratirako egindako erreportaje honetan. Biek ere hartu baitute parte 'Euskara batuak 50 urte. Noranahiko izateko erronka' Jakin monografikoan. Aldizkariak 30 lagunen iritzi eta gogoetak biltzen ditu.
Euskal kulturaren kontsumoaz Siadecok eta Elkarrek osatutako ikerketa aztertuko du Jakinek maiatzaren 22an Martin Ugalde Kultur Parkean. Joxean Muñoz, Arantxa Iturbe, Olatz Osa, Gorka Arrese eta Josu Amezaga adituek hartuko dute parte. Eman izena. Programazioa eskura albistean.
