Jakin aldizkariaren 248-249. zenbakia aurkezteko solasaldi irekiak programatu dira, Agora Filosofia Elkartearekin elkarlanean. Filosofiatik ezabatutako emakumeak du izenburu, eta emakumeek filosofiari egindako ekarpena bistaratzeko 11 artikulu bildu ditu. Hain zuzen, Agora Filosofia Elkarteak eta EHUko Filosofia eta Antropologia Fakultateak antolatutako izen bereko UEUren ikastaroa oinarri hartuta.

2021eko kultur balantzea bildu du Jakin aldizkariaren 247. zenbakiak, eta Nora Arbelbidek Lapurdiko udal liburutegi batetik begiratu dio euskal kulturari bere artikuluan. Eskubide kultural eta linguistikoez eta hauen gabeziez ohartzeko parada eman dio bere lanak. Gogoeta horiek garatu ditu Oihana Iguaran Barandiaran kazetariarekin Euskadi Irratiko Jakingunerako egindako erreportajean.

Emakumeek filosofiaren alorrean egin duten ekarpena ezkutuan egon da eta curriculumetik ezabatua izan da. Curriculum berdinzaleagorako bidea urratu nahian antolatu zuten Agora Filosofia Elkarteak eta EHUko Filosofia eta Antropologia Fakultateak Filosofiatik ezabatutako emakumeak ikastaroa UEUrekin. Orduko hitzaldi eta mahai-inguruetan bildutako mamia dakar aldizkari bikoitz honek; hain zuzen, Simone de Beauvoir eta Hannah Arendt Hego Euskal Herrian lehen aldiz Unibertsitatera Sartzeko Ebaluazioa (USE) azterketan derrigorrezko izango direnean. Lorea Agirre JAKINeko zuzendariak hitzaurrean aipatu bezala, «trena iritsiko bada, trenbidea eraiki behar da»; eta bi filosofo hauek curriculumean sartuko diren unean, euskaraturik dauzkagu euren ekarpenak.

Beauvoir eta Arendt ikasgai gisa garatzeko irakasle zein ikasleentzat baliagarri izango den materiala bildu dugu amaieran, JAKIN aldizkariarentzat berria den elkarbide bat lantzeko bokazioz.

2021eko kultur balantzea bildu du Jakin aldizkariaren 247. zenbakiak, eta artikulu nagusia Ismael Manterolak idatzi du. Pandemia edo pandemia oste garai hau abiapuntu gisa baliatuz arteak azken urteetan izan duen bilakaera aztertu du testuan arte kritikari eta irakasleak. Gogoeta horiek garatu ditu Oihana Iguaran Barandiaran kazetariarekin Euskadi Irratiko Jakingunerako egindako erreportajean.

Euskal kulturaren inguruko hausnarketa pandemiari lotua dator, bigarrenez aurten. Kulturgintzako alor desberdinei begira jarri ditu Jakinek 19 aditu, hamaika hitzez eta zortzi irudiz. COVID ondorengo garaiak kulturgintzari dakarkiona irudikatzeko eta hausnartzeko mosaiko zabala osatu dute.

Urtarrilaren 14an beteko dira hamar urte Txillardegi hizkuntzalari, politikari, ingeniari eta idazlea hil zela. Urteurrenaren harira, bere lanaren gaikako antologiako bi liburu aurkeztuko dira urtarrilaren 18an: Txillardegi: euskalgintza eta Txillardegi: intelektuala eta gizartea. Dabilen pentsamendua bildumak lehen euskal pentsalariaren antologia osatuko du bi liburu hauekin. Aurkezpena San Telmo museoan izango da, 19:00etan.