Unai Iturriaga Zugaza-Artaza bertsolari gisa da ezagun, baina Jakinen kontrazalak egiten jardun du 7 urtez ZugazArt sinadurapean. 33 artikulu grafiko ondu ditu guztira, hitzetik zein iruditik hausnarketara gonbidatu gaituztenak. Apirilean eman du amaitutzat bide hori, eta agurraren aitzakian kulturaz eta sormenaz ere galdetu dio Oihana Iguaran Barandiaran kazetariak Euskadi Irratiko Jakingunerako egindako erreportajean.

2021eko uztailaren 30a, bere heriotzaren urteurrena «Joan Mari Torrealdairen eguna» bilakatu da, Lorea Agirre Jakineko zuzendariak iragarri bezala. Goizean, bere ekarpen zabala aztertu da jardunaldian eta arratsaldean, omenaldia eskaini zaio Martin Ugalde Kultur Parkeko lorategian.

Uztailaren 30ean, Martin Ugalde Kultur Parkean, egingo zaio omenaldia Joan Mari Torrealdairi, Andoainen. Bere heriotzaren urteurrenean, bere ekarpena errepasatuko da goizeko jardunaldian eta omenaldi ekitaldia egingo da arratsaldean. Jardunaldira etortzeko izena eman beharko da aurrez, jakin@jakin.eus helbidera idatziz edo 943 21 80 92 telefonora deituz.

Gaur hasi da Usurbilen Jakin Jardunaldia, krisi ekologiko, klimatiko eta sozialaren inguruan, desazkundea beste biderik ba ote den galderari erantzun nahian. Hainbat alorretatik aztertu da krisia, Unai Pascual ekonomialaria, Ane Zabaleta hidrologoa, Elisa Sainz de Murieta geologoa eta Arturo Elosegi (Landareen Biologia eta Ekologia sailean katedraduna) aritu dira, eta bazkalostean Mirene Begiristain (ekofeminismotik), Bizi! mugimenduko kideak eta Urbizi taldekoak. Desazkundearen auziari heltzeko abiapuntu bat izan da.

Lau artikulu bildu ditu Jakinen 244. zenbakiak. Berez artikulu independente eta autonomo izan arren, “elkarrekin elkarrizketan” suma daitezke, Lorea Agirre zuzendariak azpimarratu duen gisan; arte adierazpideei begira txirikordatzen dira “memoria, identitateen eraikuntza, traumaren kontaketa, narrazio edo errelatuen industria…”. Ane Lekuonak arte plastikoei begiratu die, Nerea Arrutik literaturari, Gaizka Arangurenek iruditeria kolektiboa eraikitzen duten ikus-entzunezko adierazpideei, eta Juan Gorostidik musikatik abiatu du begirada. Memoria eta identitateari buruzko azterketa da, beraz, lau artikuluak lotzen dituen haria.

Uztailaren 15 eta 16an Usurbilen egingo den Jakin Jardunaldiko itxiera ekitaldian abestuko du Eli Pagolak, Manex Pagola anaiaren musika oinarri hartuta. Jardunaldian krisi ekologiko, klimatiko eta soziala landuko da, desazkundea beste biderik baden galderaren bueltan. Han zuzen Eli eta Manex Pagolaren kantuek gai hori lantzen dute, Eli Pagola gaian aditua baita.

Horri buruz jardun du Oihana Iguaran Barandiaran kazetariarekin, Euskadi Irratiko Jakingunerako egindako erreportajean.