Astelehena, 2020ko urriak 19
Gora joan
Menua

Euskara batuak zer behar du?

Arantzazuko Biltzarra ospatu zenetik mende erdi beteko da. Aurrera begira ipintzeko aitzakia zaio Jakini.

2018-05-03

50. beteko dira euskara batuaren sorreratzat jotzen den Arantzazuko Biltzarra ospatu zenetik. Urteurrenak atzera nola aitzinera begitzeko aukera eskaini dio Jakini. Euskara batuaren erronkei, alegia. Horretarako, Irene Arrarats Berriako zuzentzailearen eta Pruden Gartzia Euskaltzaindiako Azkue liburutegiko liburuzainaren gogoetak jaso ditu irratirako egindako erreportaje honetan. Biek ere hartu baitute parte 'Euskara batuak 50 urte. Noranahiko izateko erronka' Jakin monografikoan. Aldizkariak 30 lagunen iritzi eta gogoetak biltzen ditu.

Kultur kontsumoaz 'Zenbat gara? Nondik jo?' jardunaldia antolatu du Jakinek

Maiatzaren 22an egingo da Martin Ugalde Kultur Parkean

2018-04-27

Euskal kulturaren kontsumoaz Siadecok eta Elkarrek osatutako ikerketa aztertuko du Jakinek maiatzaren 22an Martin Ugalde Kultur Parkean. Joxean Muñoz, Arantxa Iturbe, Olatz Osa, Gorka Arrese eta Josu Amezaga adituek hartuko dute parte. Eman izena. Programazioa eskura albistean.

Euskararen jazarpena ukatzen denekoa

Joan Mari Torrealdaik idatzi du 'Asedioa al euskera' saiakera

2018-04-16

XVIII. mendetik gaur egun arteko dokumentazioa bildu du Joan Mari Torrealdaik Asedio al euskera liburuan (Txertoa) errebesionismo espainiarrak euskararen jazarpena ukatzen duela salatzeko. Legeak izan dira horretarako tresna eta legitimitatea emateko argumetu sarea josi dute hainbat intelektualek. Sare hori desegiteko ahalegina da, beraz, saiakera.

Sorginak, emakumea menperatzeko iruditeria

Eskafandrak argitaratutako Silvia Federiciren 'Caliban eta sorgina' saiakera da abiapuntua

2018-04-09

Bazterreko emakume ero, zatar, lizun, jakintsu bezain arriskutsuak. Hala irudikatzen dira sarri sorginak. Emakume horiek torturatu zituzten herritar arruntak zirela jakin arren. Zergatik? ENTZUN sorginen iruditeriari buruz Jakinek Euskadi Irratirako osatu duen erreportajea.

'Euskaltzaletasuna eta feminismoa', hitzaldiak entzungai

Hizkuntzaren eta generoaren arteko gurutzaketa da ikastaroaren ardatza

2018-04-09

Euskararen eta generoaren gurutzaketari erreparatzen dio 'Euskaltzaletasuna eta feminismoa: zer ikasi, hura elikatu' ikastaroak. Gasteizko Oihaneder Euskararen Etxea eta UEUrekin batera antulatu du Jakinek, eta bertako hitzaldiak eta hurrengo hitzorduak daude jarraian eskura.

'Caliban eta sorgina', euskarazko libururik nabarmenena

Nafarroako liburu denden elkarteak saritu du Eskafandra bilduma feministako itzulpena

2018-03-16

Nafarroako liburu denden Diego de Haro elkarteak Silvia Federiciren Caliban eta sorgina saiakera aukeratu du iazko euskarazko lanik nabarmenena. Edurne Lazkanok eta Aitor Arrutik ekarri zuten euskarara Eskafandra bilduma feministarako. Hain zuzen ere, itzulpenaren kalitatea azpimarratu du elkarteak eta saiakeraren "aberastasuna", "sofistikazioa" eta "ahalegin pedagogikoa" nabarmendu du, besteak beste.