Ostirala, 2024ko martxoak 29
Gora joan
Menua

Geruzak: gazteengandik abiatutako hausnarketa

Feminismoa, soziolinguistika, kultura eta pentsamendua gazteen artean lantzeko ikus-entzunezko sorta

2022-12-09

Estreinatu da Askatasuna ikus-entzunezkoa, Durangoko Azokaren baitan kokatzen den Irudienean. Proiektua aurkezteko baliatu da hitzordua eta ekoizleek zein protagonista diren gazteek solasaldia osatu dute proiektzioaren ostean. Eneritz Furyak izan da ospakizuna ixteko arduradun, kontzertu txiki bat eskainiz. Aurrez Desira estreinatu zen San Telmo Museoan egindako ekitaldi eta harrera ospakizunean eta zehazteke daude hurrengo estreinaldiak. Aurkeztu ahala jarriko dira sarean ikusgai eta gainerakoak ikusteko pasahitza eskatu beharko da webgunean bertan.

Liburugintzaren panorama, «egoera diglosikoaren ispilu»

Durangoko Azokan JAKINek gogoeta egiteko elkartu ditu Iratxe Retolaza, Hedoi Etxarte eta Xabier Eizagirre

2022-12-08

Joan Mari Torrealdaik 1976. urtean hasi zuen euskal liburugintzaren azterketa abiapuntu harturik, bertan 45 urtez bildutako datuei tiraka, liburugintzaren panorama aletu dute Xabier Eizagirrek, Iratxe Retolazak eta Hedoi Etxartek Durangoko Azokan egindako mahai inguruan. Bat egin dute «datuak egoera diglosikoaren ispilu» direla baieztatzerakoan.

Metrokoadroka Kolektiboak eskuratu du lehen JMT beka, 'Artxibo biluzia' proiektuarentzat

Kideek 14.000 euroko saria jasoko dute eta 18 hilabeteko epea izango dute proiektua garatu eta jendaurrean aurkezteko

2022-12-07

13 proiektu jaso ditugu, askotariko ikuspegiak biltzen zituztenak; antolatzaileek oso balorazio ona egin dute. Maialen Akizuk, Eduardo Apodakak, Ibai Iztuetak eta Ainara Lasak osatutako epaimahaiak aho batez erabaki du Metrokoadroka Kolektiboaren ‘Artxibo biluzia’ proiektua saritzea.

2022-11-29

Eskafandra Bilduma Feministak Maskulinitateak liburua argitaratu du, R. W. Connell soziologo australiarraren erreferentziazko lana. Ane Garcia Lopez aritu da itzultzaile lanetan eta Euskal Herriko begiradatik liburuak egiten duen ekarpenaz aritu da Euskadi Irratiko kultur leihoko Jakingunean.

2022-11-24

UEUren 1975eko batzar nagusiak Euskal Unibertsitatea nazional, herritar eta euskaldun gisa definitu zuenetik, sarritan azaleratu da horren inguruko eztabaida JAKIN aldizkarian. Horren erakusle, 1977an gaiari eskaini zitzaion monografikoko sarreran Jakin Taldeak idatzia dakar gogora orain, Agirre zuzendariak: «Euskal Herriak bere kinka historiko larrienetan, bere nortasunari eusteko eta bere etorkizuna irekitzeko, bere Unibertsitatearen premia nabari du». Estrategikotasun eta ezinbestekotasun horren jakitun, gaurko begiradatik proposatzen du galdera Agirrek: «unibertsitate (sistema) nazionala lortu da? Herritarra da  unibertsitatea? Euskalduna?». Horri buruz gogoetan jarri ditugu hamabi aditu.