Asteartea, 2024ko martxoak 19
Gora joan

Ur-jauzia liburuak

Bilduma honek euskal pentsamendu garaikidea garatu eta zabaltzea du helburu. Joxe Azurmediren ur-jauziaren metaforak biltzen du bere asmoa. Jakin Fundazioak eta UPV/EHUko Joxe Azurmendi Katedrak lankidetzan osatu dute bilduma, Laboral Kutxaren laguntzarekin.

Jakineko harpidedunek DESKONTUA izango duzue erosketa eskaria honako helbidean eginez gero: jakinkide@jakin.eus

Nazioa eta hizkuntza Humboldten pentsamenduan

Bilduma: Ur-jauzia | Zenbakia: 4 | Data: 2023

Egilea: Iñaki Zabaleta Gorrotxategi

Euskal Herrian nahiko ezaguna da Wilhelm von Humboldt, preseski asko eta begirune handiz idatzi duelako euskal nazioaz eta euskal hizkuntzaz; ohikoa da, horrenbestez, «euskaldunen adiskide» bezala ezaugarritzea. Ospe handiko humanista horren obra, betiere, ugaria, askotarikoa eta balio unibertsalekoa da; alde horretatik, garrantzitsua bezain esanguratsua da nazioak eta hizkuntzak, berez, aparteko lekua hartzen dutela haren pentsamendu orokorrean. Kontzeptu horiek, bestela esanda, oso presente daude haren ibilbide intelektual osoan, zuzenean eta zeharka, halako moldez non gero eta garbiago ikusten duen horiek elkarrekin ulertu behar direla: nazioa, izatez, hizkuntz komunitatea da. Gaurko euskaldunok ere, beraz, asko ikas dezakegu Humboldtekin: oinarrizko printzipio bat ekartzen digu gogora –hizkuntzak barrutik lotzen ditu gizakiak– eta gure arazoaren muina zehazten laguntzen digu –euskal arazoa funtsean nazionala da–. 

Papera 20,00 €
Erlazionatutako albisteak

Humboldten nazioaren eta hizkuntzaren pentsamendua, Ur-jauzira

Jakin 2024-02-21

Ur-jauzia bildumako 4. liburua da 'Nazioa eta hizkuntza Humboldten pentsamenduan'. Iñaki Zabaleta Gorrotxategi aditu eta Joxe Azurmendi Katedraren koordinatzaileak ondu du liburua, «gaurkotasun handikoa» dena egungo eztabaidetan entzuten diren «izaera plurinazionala», edo «nazioen nazioa» bezalako kontzeptuak argitzeko. Euskaldunontzat, Zabaletaren ustez garrantzitsua da hizkuntzaz egindako gogoetez harago, «gizakia bera ulertzeko modu integral bat eskaintzen digulako, gizakia bere kulturarekin eta historiarekin».