Euskal Pentsamendua digitalizatzeko proiektuaren baitan argitaratu berri dira EABko bederatzi emakumeren obra idatziak. Julene Azpeitia, Errose Bustintza, Karmele Errazti, Miren Etxabe, Julia Fernandez Zabaleta, Tene Muxika, Polixene Trabudua, Sorne Untzueta eta Elbire Zipitriaren lanak eskuragarri daude Jakinen webgunean orain. Emakume hauen obraren balioaz eta euskal pentsamendua digitalizatzeko proiektuaz aritu da Lorea Agirre zuzendaria, Jakingunean.
Euskal pentsamenduaren transmisiorako proiektu digitalaren atal berri bat osatzen dute EABko bederatzi idazleek. Eskuragarri eta kontsultagarri dago jada Julene Azpeitia, Errose Bustintza, Karmele Errazti, Miren Etxabe, Julia Fernandez Zabaleta, Tene Muxika, Polixene Trabudua, Sorne Untzueta eta Elbire Zipitriaren obra osoa. Lorea Agirrek azaldu duenez, «lan kualitatibo mardula» da, «apenas egin baita azterketa bibliografikorik garaitsu horretako emakumeen obraren gainean».
Euskal liburugintzaren azterketa soziologikoari ekin zion Joan Mari Torrealdaik 1976an, eta bere heriotzaz geroztik Xabier Eizagirrek hartu du lekukoa. 2019. urteko liburugintzaren azterketa argitaratu berri du eta ondorioen berri azladu du Euskadi Irratiko Jakingunean.
Idurre Eskisabel Larrañagak euskal pentsamenduak eta feminismoak dituzten elkarguneez idatzi du 248-249. zenbakiko bere artikuluan. Elkarri egindako ekarpenetatik, bien arteko bereizketa zalantzan jartzen du, feminismoak egindako ekarpenak dagoeneko euskal pentsamendutzat hartuz. Euskadi Irratiko Jakingunean azaldu du.
Pentsamendu feministan narrasean jarri gaitu Lokatza podcast feministak. Sintonia Mursegok egin du, Lourdes Iriondoren Hala ere kantua oinarri hartuta. Orain, Mursegoren Hala ere kantua Ainara Lasaren irudiekin jantzita sareratu da, entzuleen eskura gera dadin.
Jakin aldizkariaren 248-249. zenbakia aurkezteko solasaldi irekiak programatu dira, Agora Filosofia Elkartearekin elkarlanean. Filosofiatik ezabatutako emakumeak du izenburu, eta emakumeek filosofiari egindako ekarpena bistaratzeko 11 artikulu bildu ditu. Hain zuzen, Agora Filosofia Elkarteak eta EHUko Filosofia eta Antropologia Fakultateak antolatutako izen bereko UEUren ikastaroa oinarri hartuta.
