| PDF 10.66 MB | 14,00 € |
|---|---|
| Papera | 14,00 € |
Gai nagusia sailean, gorputzak, diskurtsoak eta generoak bertsolaritzan duten lekua aztertu dute Miren Artetxe Sarasola, Irati Majuelo Itoiz, Oihana Arana eta Ainhoa Urien Telletxek.
Bertsolaritza gorputz bidezko performance gisa eta praktika diskurtsibo gisa aztertzen da, eta bertsolariek esateko eta hitzaren bidez eragiteko dituzten baldintzez egiten da gogoeta. Bereziki diskurtso ez-hegemonikoak plazaratzeak sortzen dituen kriki-krakak jorratuz, bertsogintza aztertzeko interpretazio marko baterako aldamioak proposatzen dira.
Bertsoaren eta fikzioaren arteko harremana aztertzen da. Fikzioa sortzerakoan bertsolari-entzule paktuak zein sinesgarritasunak duten eraginari buruz hausnartzen da, baita hizkuntzak eskaintzen dituen baliabideei buruz ere.
Gai-jartzaileei aitortzen zaien boterea, exijitzen zaizkien lanak, haien jarduna eta gorputza entzuleak nola jasotzen dituen... azaltzen da. Eta, batez ere, horrek guztiak gai-jartzailetzaren feminizazioarekin daukan loturari buruzko hipotesiak mahaigaineratzen dira.
Maite Berriozabalekin izandako elkarrizketa testu batera ekartzeko ahalegina egiten da. Autorearen eta bien artean aztertzen dira gai-jartzaileen jarduna, bertso saioetako parte-hartzaileen arteko botere harremanak eta konpartituak diren sentsazio eta hausnarketa batzuk.
