Asteazkena, 2020ko apirilak 08
Gora joan
Menua

'Erradikalak ginen' ikuskizunaren estreinaldia

Ane Labaka bertsolariak eta Beatriz Egizabal antzerkigileak osatu dute ikuskizuna

2019-05-23

Erradikalak ginen bertso-antzerki ikuskizuna estreinatuko dute Ane Labaka bertsolariak eta Beatriz Egizabal antzerkigileak maiatzaren 27an, Bilboko Kafe Antzokian. ‘Euskaltzaletasuna eta Feminismoa’ ikastaroari amaiera emateko baliatuko dute emanaldia, eta doakoa izango da.

'Maitasuna politikoa da' Jakin Jardunaldiko lekuak beteta

Mari Luz Esteban, Lorea Agirre, Oihane Ruiz, Leire Milikua, Jone Arrazola Maiztegi, Nora Salbotx, Ula Iruretagoiena eta Jone Minerrek hartuko dute parte, besteak beste.

2019-05-15

Maitasunaren ideologiak gure buruak, gure harremanak eta gure etxe eta kaleak nola eraikitzen dituen aztertuko du aurtengo Jakin Jardunaldiak antropologo, arkitekto eta hezkuntza arloko adituekin. Usurbilen egingo da uztailaren 11n eta 12an. 60 lagunekin, jardunaldiko lekuak bete dira.

Jakin 231: Bertsoari neurria hartzen

Bertsolaritzaren inguruan egindako ikerketan sakontzen du Jakinen monografikoak Harkaitz Zubiri, Jone M. Hernández, Miren Amuriza, Andoni Egaña eta Maialen Lujanbiorekin

2019-05-12

Bertsozale Elkarteak eta EHUko Harkaitz Zubiri eta Xabier Aierdi soziologoek burututako ikerketa soziologikoa abiapuntu hartuta, bertsoari neurria hartu nahi izan dio Jakinek monografikoarekin. Harkaitz Zubirik berak laburbildu ditu ikerketako datuak eta bertsolaritza gizarte mugimendu bezala definitzearen arrazoiak. Jone M. Hernández García antropologoari ikerketako generoaren atalari begiratzeko eskatu diogu. Eta, azkenik, Miren Amuriza, Andoni Egaña eta Maialen Lujanbio bertsolariak gonbidatu ditugu norbere esperientzatik jarduteko, Miren Rubio Iturria kazetariak gidatutako mahai-inguru sakonean.

'Nik sinesten dizut', bortxaketa kulturaren erradiografia

2016ko sanferminetako erasoaren harira, bortxaketa kulturaren gaineko liburua osatu du Samara Velte kazetariak

2019-05-05

2016ko sanferminetako talde bortxaketa abiapuntu hartuta, indarkeriaren eta bortxaketaren kulturaren inguruko erradiografia osatu du Samara Velte kazetariak Nik sinesten dizut Aleka bildumako liburuan. «Ez da kronika liburu lau bat», zehaztu du egileak. «Helburua da bortxaketaren kultura deitzen zaion hori aletzea, ulertzea eta deszifratzea; hain zuzen ere aldatzeko». Aditu, eragile nahiz kazetariak elkarrizketatu ditu horretarako.

Joxe Azurmendi Kongresua egingo da abenduan Donostian

Komunikazio proposamenak bidaltzeko epea zabalik da

2019-03-21

Joxe Azurmendi. Euskal pentsamenduaren ur-jauzia kongresua antolatu dute elkarlanean Jakinek eta EHUko Hezkuntza, Filosofia eta Antropologia fakultateak Joxe Azurmendi filosofo eta jakinlariaren ibilbide eta pentsamendua aztertzeko. 2019ko abenduaren 11tik 13ra egingo da Donostiako San Telmo Museoan.

Jose Ramon Etxebarria, hegaldi luzeko 'txepetxa'

Irakasle, fisikari eta euskaltzalearen urratsei segika osatu du elkarrizketa Miren Rubio Iturria kazetariak

2019-03-06

Gure historia hurbilari leku egiteko Jose Ramon Etxebarriaren elkarrizketa sakona jaso du Jakin aldizkariaren Historia bizia sailak. Zentral nuklearren borroka, euskarazko materialaren idazketa, Espainiako erregearen kontrako Gernikako protesta, EHUko pankartako mugimendua... ezinbesteko memoria ariketa.