Larunbata, Igandea, 2020ko uztailak 04
Gora joan
Menua

20 idazle eta artista kulturak eman duenari begira

Berri Txarrak taldeko Gorka Urbizu Ruizek bere ibilbideaz hausnartu du kulturari eskainitako Jakinen zenbaki berezian.

2020-01-13

Berri Txarrak taldearen agurra izan da 2019ko kultur mugarrietako bat. Horregatik, Gorka Urbizu Ruiz taldeko musikariaren gogoetak jaso nahi izan ditu Jakinek urteak kultur esparruan eman duena aztertzeko osatu duen 235. zenbaki berezian. Guztira, baina, 20 begirada jasotzen ditu aldizkariak: Beñat Gaztelumendi Arandia, Peru Iparragirre, Eneritz Artetxe Aranaz, Alberto Barandiaran Amillano, Miren Rubio Iturria, Josevisky, Aiora Sampedro Alegria, Antton Olariaga, Leire Palacios Egiguren, Xabier Gantzarain Etxaniz, Txakur Gorria, Maialen Goñi Balentziaga, Libe Mimenza Castillo, Diego Pallés, Eider Eibar Zugazabeitia, Arrate Rodriguez Martin, Loinaz Lekuona Izagirre eta Nerea Unanue Otxoantezanarenak.

Joxe Azurmendiren lan guztiak sarean berariazko bilatzailearekin

Joxe Azurmendiren idazlanak digitalki kontsultatu eta bilatu litezeke Jakinen 'Euskal pentsamendua' atalean

2019-12-16

Joxe Azurmendiren obra osoa digitalizatu eta sarean jarri du eskura Jakinek berariazko gaitegiarekin osatutako bilatzailearekin. Hori dela eta, haren testuak hitz gakoen bidez nahiz gaien eta argitalpenen arabera bilatu litezke. Inoiz baino erosoago, alegia.

‘Bigarren sexua’: Simone de Beauvoir feminista bihurtu zuen saiakera

Irene Arrarats Lizeagak euskaratu du pentsalari frantsesaren klasikoa

2019-11-29

«Emakumea ez da jaiotzen. Egin egiten da». Esaldi ezagun horrek laburbiltzen du Simone de Beauvoirren Bigarren sexua saiakera. 1949an argitaratua, aitzindaria izan zen emakumearen ustezko izatearen naturalizazioa eta zapalketa sistemikoa azaleratzen, ikerlari baten zehaztasun eta sakontasunez.

Vatikanoak debekatutako liburuen zerrendan sartu arren, sekulako hedapena lortu zuen argitaratu eta segidan. Hala ere, benetako aitortza 70eko hamarkadako olatu feministarekin iritsi zitzaion, eta geroztik Mendebaldeko pentsamenduaren eta feminismoaren giltzarrietako bat da. Klasikoetan klasiko.

Eskafandra bildumak euskarara ekarri du Irene Arrarats Lizeaga itzultzailearen lanari esker, eta Iratxe Fresneda eta Nora Alberdik Bigarren sexua(z). Collage film laburra osatu dute, saiakeran planteatutako ildoei helduz. Klasikoa ez ezik, egun ditugun auzietako asko mahairatzen baititu Simone de Beauvoirren saiakerak.

Txillardegi, Simone de Beauvoir eta maitasuna Durangon

Landako guneko Goienkaleko 81. zenbakian izango da Jakinen standa

2019-11-24

Aurten argitaratutako nobedade sorta eramango du Jakinek Durangoko Azokara: Simone de Beauvoirren Bigarren sexua saiakera, Irene Arrarats Lizeagak itzulita; Maitasuna politikoa da Jakin aldizkariaren azken monografikoa; Txillardegi. Batasunaren pentsalaria Miren Rubio Iturria kazetariak idatzitako biografia eta Txillardegiren pentsamendua jasotzen duten hiru liburuki, Alaitz Aizpurua Joaristi filosofoak egindako hautaketarekin; eta, azkenik, Samara Velte kazetariaren ‘Nik sinesten dizut. Bortxaketaren kultura eta sanferminetako kasua’ saiakera.

Joxe Azurmendiren kongresuak 50 aditu elkartuko ditu

Izena emateko epea zabalik dago. Hizlarien artean daude Joseba Zulaika, Miren Azkarate, Joan Mari Torrealdai, Jule Goikoetxea, Markos Zapiain, Alaitz Aizpuru...

2019-11-19

Joxe Azurmendi Otaegi (Zegama, 1941) filosofoaren ekarpen emankorra egungo begiradatik aztertu eta landuko du Jakinek, UPV/EHUk eta Gipuzkoako Foru Aldundiak antolatutako Joxe Azurmendi. Euskal pentsamenduaren ur-jauzia kongresuak. Horretarako, berrogeita hamar aditu elkartuko ditu abenduaren 11tik 13ra Donostiako San Telmo museoan. Parte hartzeko izen-ematea zabalik da: hemen.

Jakin 233-234: 'Maitasuna politikoa da' monografikoa

Maitasunaren ideologia aztertu dute hamaika adituk, eta Joxe Azurmendiren pentsamenduaz idatzi du Haritz Azurmendi Arrue filosofoak

2019-11-12

Maitasunaren ideologiak geure buruak, harremanak eta espazioa nola eraikitzen dituen aztertu du Jakinen 233-234 zenbaki bikoitzak hamaika aditurekin: Mari Luz Esteban, Zaloa Basabe Gutierrez, Irati Mogollon Garcia... Horretaz gain, Joxe Azurmendik naziotasunaren gainean eraiki duen pentsamenduaz idatzi du Haritz Azurmendi Arrue filosofoak.