Uztailaren 30ean, Martin Ugalde Kultur Parkean, egingo zaio omenaldia Joan Mari Torrealdairi, Andoainen. Bere heriotzaren urteurrenean, bere ekarpena errepasatuko da goizeko jardunaldian eta omenaldi ekitaldia egingo da arratsaldean. Jardunaldira etortzeko izena eman beharko da aurrez, jakin@jakin.eus helbidera idatziz edo 943 21 80 92 telefonora deituz.
Gaur hasi da Usurbilen Jakin Jardunaldia, krisi ekologiko, klimatiko eta sozialaren inguruan, desazkundea beste biderik ba ote den galderari erantzun nahian. Hainbat alorretatik aztertu da krisia, Unai Pascual ekonomialaria, Ane Zabaleta hidrologoa, Elisa Sainz de Murieta geologoa eta Arturo Elosegi (Landareen Biologia eta Ekologia sailean katedraduna) aritu dira, eta bazkalostean Mirene Begiristain (ekofeminismotik), Bizi! mugimenduko kideak eta Urbizi taldekoak. Desazkundearen auziari heltzeko abiapuntu bat izan da.
Lau artikulu bildu ditu Jakinen 244. zenbakiak. Berez artikulu independente eta autonomo izan arren, “elkarrekin elkarrizketan” suma daitezke, Lorea Agirre zuzendariak azpimarratu duen gisan; arte adierazpideei begira txirikordatzen dira “memoria, identitateen eraikuntza, traumaren kontaketa, narrazio edo errelatuen industria…”. Ane Lekuonak arte plastikoei begiratu die, Nerea Arrutik literaturari, Gaizka Arangurenek iruditeria kolektiboa eraikitzen duten ikus-entzunezko adierazpideei, eta Juan Gorostidik musikatik abiatu du begirada. Memoria eta identitateari buruzko azterketa da, beraz, lau artikuluak lotzen dituen haria.
Uztailaren 15 eta 16an Usurbilen egingo den Jakin Jardunaldiko itxiera ekitaldian abestuko du Eli Pagolak, Manex Pagola anaiaren musika oinarri hartuta. Jardunaldian krisi ekologiko, klimatiko eta soziala landuko da, desazkundea beste biderik baden galderaren bueltan. Han zuzen Eli eta Manex Pagolaren kantuek gai hori lantzen dute, Eli Pagola gaian aditua baita.
Horri buruz jardun du Oihana Iguaran Barandiaran kazetariarekin, Euskadi Irratiko Jakingunerako egindako erreportajean.
Krisi garai betea bizi dugu, pandemiaz harago; bat datoz horretan Lorea Agirre (Jakin Fundazioko zuzendaria), Agurtzane
Solaberrieta (Usurbilgo alkatea) eta Kepa Sarasola (UEUko zuzendaria). Gaiari sakon eta zabal heldu nahi izan diote, elkarlanean antolatu duten Jakin Jardunaldian.
Sanagustin Kulturugneak 10 urte Herri Batzordeak Jakinekin elkarlanean antolatu du maiatzaren 28an Azpeitian egingo den kultur artikulazioen inguruko jardunaldia. Enekoitz Esnaola Karrera Herri Batzordeko kidea hizlari arituko da bertan, Azpeitiko kultur komunitate artikulatuaren inguruan. Beste lau esperientzia praktiko ere ezagutu ahalko dira, tartean Ihintza Orbegozo Igartuak azalduko duen Durangoko herri dinamika: Plateruena ta gero zer?
Horri buruz jardun dute Oihana Iguaran Barandiaran kazetariarekin, Euskadi Irratiko Jakingunerako egindako erreportajean.
