Joxe Azurmendi Kongresua
Eduardo Apodaka Ostaikoetxea UPV/EHUko Gizarte Psikologia Saileko irakasleak, Euskal Herriaren edo euskal izatearen bizitasuna nola irudikatu edo figuratu den aztertu eta gero, egungo egoera ulertzeko erabilgarriak izan daitezkeen figurazio batzuk proposatu ditu.
Eduardo Apodaka Ostaikoetxea (Bilbo, 1965). Filosofian lizentziaduna eta Soziologian doktorea da, biak Euskal Herriko Unibertsitatean. EHUko Gizarte Psikologia Saileko irakaslea da. Ikergai nagusi hauek ditu: identitatea, psikologizazioa, indibidualizazioa, botere-harremanak, hizkuntzaren psikologia soziala... Hainbat argitalpen ditu aldizkari eta liburu kolektibotan; eta, besteak beste, liburu hauek argitaratu ditu: Komunikazioaren gizarte psikologia (UEU, 2004), Norberaren autonomia krisian (Pamiela 2012, Juan Zelaia Saria 2011) eta Identitatea eta anomalia (Pamiela, 2015).
