Mikel Urdangarin Irastorza UPV/EHUko filosofia doktoregaiak, krisian irautetik krisian bizitzera, Azurmendiren gizabere kooperatiboa proposatu eta aztertu du, zaurgarritasun, interdependentzia eta erantzukizun kontzeptuen bueltan hainbat autorerekin elkarrizketan jarriz eta horien argitan sakonduz.
Mikel Urdangarin Irastorza (Beasain, 1994). Filosofian graduatua da Euskal Herriko Unibertsitatean, eta ikertzailea eta doktoregaia Joxe Azurmendi Katedraren baitan. Bere ikerketa lerro nagusia subjektu ereduak dira, buruaskitasuna, zaurgarritasuna eta interdependentzia landuz, besteak beste. Zehazki, Joxe Azurmendiren gizabere kooperatiboa eta feminismoetatik mahaigaineratutako subjektu eredu zaurgarri eta interdependentea konparatzen ari da, indibiduo buruaskiari kritika egin eta komunean den subjektua marrazteko.