Francoren diktaduraren osteko lehen lehendakaria izan zen Carlos Garaikoetxea. Enpresa munduan eta Nafarroako ikastolen aldeko mugimenduan buru-belarri ibilia zen ordurako. Lehen legealdia gogorra bezain oparoa izan zela gogoan du Garaikoetxeak, dena hutsetik hasi behar zuen gobernuko buru izaki. Bigarren legealdia ezin izan zuen amaitu, ordea; EAJren baitan sortutako krisiagatik dimisioa aurkeztu zuen, eta EA alderdiko hautetsi eta presidente gisa jarraitu zuen politikagintzan.

Bere ibilbideaz luze bezain zabal aritu da solasean Garaikoetxearekin Elixabete Garmendia Lasa kazetaria. Politikari gisa emandako urteez gain, bere senide, zaletasun eta kezkei buruz ere galdetu dio. Solasaldi horien emaitza da elkarrizketa liburu hau: Carlos Garaikoetxea. Lider bat lehendakari.

Lehendakaria gertutik ezagututako zortzi lagunen hitzekin osatu du elkarrizketa: Mirentxu Purroy eta Charo Zarzalejos kazetariak, Pedro Miguel Etxenike fisikari eta lehen Jaurlaritzako Kultura sailburua, Ignacio del Burgo, Patxi Zabaleta eta Koldo Amezketa politikariak, Mari Carmen Garmendia ekonomilaria eta lehen Jaurlaritzako Hezkuntza sailburua, eta Maritxu Uria, Imanol Murua Zarauzko alkate eta Gipuzkoako diputatu nagusi izandakoaren emaztea. Horiek guztiek esandakoekin jaso du Garmendia Lasa kazetariak Carlos Garaikoetxearen lekukotza.

68ko Maiatzetik mende erdia pasa dela eta, bederatzi aditu eta aritu elkartu ditu 'Utopia 68/18. Iruditeria berrien bila' Jakin Jardunaldiak uztailaren 12 eta 13an Usurbilen, UEUren ikastaroen baitan. Hitzaldi guztiak dituzu ikusgai Berria egunkariaren eskutik.

Hizkuntzaren eta generoaren arteko gurutzaketaz jarduteko osatu dugu 'Euskaltzaletasuna eta Feminismoa: zer ikasi, hura elikatu' ikastaroa UEUk, Oihaneder Euskararen Etxeak eta Jakinek elkarlanean. Hilean behin gonbidatu dugu adituren bat Gasteizko Oihanederren egoitzara eta bertan eskainitako hitzaldi eta mahai-inguruak dituzu orain ikusentzunezko bihurtuta. Bost guztira, honako adituekin: Mari Luz Esteban, Miren Artetxe, Amelia Barquín, Lorea Agirre, Idurre Eskisabel, Ane Labaka, Jaime Altuna eta Aizpea Otaegi. Guztien bideoak ikusteko sartu albistean.

Euskal kultur kontsumoaz Elkar Fundazioak Siadeco Ikerketa Elkarteak ateratako argazkia begirada zorrotzez behatu dute Josu Amezaga, Gorka Arrese, Arantxa Iturbe, Olatz Osa eta Joxemari Sorsek Jakinen 226. zenbakian. Datuetatik haratago jotzeko. Beste hainbeste egin du Joan Mari Torrealdaik 2016ko liburu ekoizpenaren ikerketarekin.

Mende erdi pasa da 68ko Maiatzetik. Aukera aparta da egungo aldarri eta gizarte auzi eta eraldaketei erreparatzeko. Bederatzi aditu eta aritu bilduko ditu horretarako 'Utopia 68/18. Iruditeria berrien bila' Jakin Jardunaldiak. Jarraitu zuzenean Berriarekin.

Euskal kulturaren kontsumoaz jarduteko Arantxa Iturbe, Gorka Arrese, Joxan Muñoz, Olatz Osa eta Josu Amezaga elkartu ditu 'Zenbat gara? Nondik jo?' jardunaldiak. Guztien iritziak jasoko ditu hurrengo Jakin aldizkariaren zenbakiak.