Iaz zendu zen Joseba Intxausti Jakinen sortzaile eta zuzendari ohiari omenaldi sentitua egin diote bere jaioterrian, Seguran. Lehenik, bere lanarekin egindako ekarpena gogoratu dute Paulo Agirrebaltzategik, Joseba Agirreazkuenagak eta Nekane Goikoetxeak. Hurrenez hurren, bere ibilbide bio-bibliografikoa, ikerketa historikoan egindako ekarpena eta euskararen historia sozialean jarritako mugarriak izan dituzte hizpide. Jarraian, herriko plazan ekitaldi ederra eskaini zaio, ordezkariek, etxekoek eta herriko kultur eragileek osatua. Berak abiatutako bidea jarraitzeko premia eta desioa aipatu dute denek ere.

Atef Abu Saifek idazle eta Palestinako Aginte Nazionaleko Kultura ministro ohiak idatzitako Gazako egunerokoa euskaraz argitaratu dugu Aleka bilduman, Irene Arrarats eta Maialen Berasategiren itzulpenekin. Urriaren 3an aurkeztuko du idazleak bere liburua, Martin Ugalde Kultur Parkean. Berriak zuzenean emango du aurkezpena eta jarraian egingo zaion elkarrizketa irekia. Gainera, arratsaldean hitzaldi bat emango du Donostiako antzoki zaharrean.

Joseba Intxausti Jakinen sortzaile eta zuzendariari omenaldia eskainiko diogu irailaren 14an, larunbata, Seguran. Batetik, bere ekarpenari buruzko jardunaldia egingo da eta jarraian, omenaldi ekitaldia.
10:00etan hasiko da Joseba Intxaustiren ekarpena aletzeko jardunaldia Botikaxar aretoan, eta Joseba Agirreazkuenaga, Paulo Agirrebaltzategi eta Nekane Goikoetxea izango dira hizlari. Jarraian, omenaldi ekitaldia egingo da plazan, 12:30ean.

56ko belaunaldia, Jakin taldea eta Joxe Azurmendi Udako Ikastaroaren baitan, Lorea Agirre Jakineko zuzendariak eta Idurre Eskisabelek belaunaldi hark emandako eredu eta lezioak egungo erronkei begira jarri dituzte, feminismoarekin elkarrizketan.

Paulo Agirrebaltzategi Jakineko sortzaileak ere lehen pertsonan eman du belaunaldi haren lanaren lekukotza.

Haritz Azurmendik, berriz, Joxe Azurmendiren pentsamendua aletu du, Andoni Olariagarekin.

UIKen baitan antolatutako Arantzazun bizi: iragana, oraina eta etorkizuna zer? ikastaroa egin da Arantzazun eta Arantzazu-ren etorkizuna herrigintzarekin eta kulturgintzarekin duen loturatik mahai inguruan elkartu dira Lorea Agirre, Xabier Euzkitze eta Jon Sarasua. 

Gazteen eguneroko kezka eta galderetatik abiatuta, gazteekin euskaraz eta euskaratik, feminismoa, soziolinguistika, kultura eta pentsamendua lantzen duen ikus-entzunezko sorta da Geruzak. Baina baliabide digital hutsetik harago, pentsamendu kritiko eta autonomorako espazio bat sortzea bilatzen du, ikus-entzunezkoen bitartez eta material osagarrien laguntzaz eztabaida eta kultur transmisioa bultzatu nahi dituena. Horregatik, material hori baliatuz gazteak biltzen diren topaguneak pentsamendu kritikoa euskaraz lantzeko baliatzen ari gara. Irailetik aurrera, ikastetxeek ere eskuragarri izango dute bisita antolatzeko aukera, kaixo@geruzak.eus helbidera idatzita.