Mariano Ferrerren gogoetak Jakinen
Kazetari donostiarra Jakinen kolaboratzaile finko izan zen 90eko hamarkada hasieran
«Komunikabideak askoz haratago doaz gaur egun: ustez deskribatzera edo aztertzera mugatzen diren errealitate horren elementu baldintzatzailea dira. Errealitatearen bilakaera aldaraz dezakete, haren izaera alda dezakete. Berez inoiz gertatuko ez zatekeen zerbait sortarazi ere egin dezakete». Mariano Ferrer kazetari eta adierazpen askatasunaren ekintzailearen hitzak dira, 1994an Jakinen idatzitakoak ‘Komunikabideak erakundeen gatibu’ artikuluan. Bizi osoan zehar izan zituen kezka eta borrokak ardazten zituen bertan. «Gaur egun komunikabideak dira, hiria, osasuna, hezkuntza edo ekologiaren maila berean, arazo garaikide handietako bat».