Zenbakia: 213 | Data: 2016
Gai nagusia sailean, Durangoko Azokako ‘Gogoetaren plazan’ 22 kultur sortzailek kulturaren gainean egindako gogoetak jaso dituzte Iñigo Astiz eta Miren Rubiok, eta Durangoko Azokaren beraren balio ukiezinen inguruko ikerketa aurkeztu dute Xabier Landabidea eta Nerea Mujikak. Liburuak sailean, 2014ko euskal liburugintza aztertu du Joan Mari Torrealdaik (1976tik egindakoaren ildo beretik).
IrakurriZenbakia: 212 | Data: 2016
Historia bizia sailean, Kristiane Etxaluz Etxegarai kultur eragile eta ekintzailea elkarrizketatu du Amagoia Gurrutxaga Urangak. Elkarrizketa osatuz, Etxaluz Etxegarairen ibilbideari lotutako alor batzuk jorratu dituzte Asisko Urmenetak (Iparralde eta Hegoaldearen arteko harremana) eta Eguzki Urteagak (euskal errefuxiatuak Iparraldean).
IrakurriZenbakia: 211 | Data: 2015
Gai nagusia sailean, 2015eko kultur balantzea egin dute Danele Sarriugarte, Hedoi Etxarte, Iñigo Astiz, Alberto Barandiaran, Leire Palacios, Jon Eskisabel, Haizea Barcenilla, Josu Goikoetxea, Nora Arbelbide, Iñaki Lazkano eta H28 aldizkari saretirikoko lau marrazkilarik. Gaiak sailean, diglosia kontzeptuaren inguruko diskurtsoak aztertu ditu Daniel Escribanok.
IrakurriZenbakia: 210 | Data: 2015
Gai nagusia sailean, Euskaldunon Egunkaria sortu zela 25 urte betetzen direla-eta, Egunkariaren historia eta ekarpena aztertzen dute Joan Mari Torrealdai, Lorea Agirre, Irene Arrarats, Patxi Juaristi eta Aitor Zuberogoitiak: nola sortu zen, zertarako, eta zer ekarpen egin zion hiztun komunitateari, euskararen normalizazioari, herrigintzaren ekimenari eta ordura arteko hedabideen mapari.
IrakurriZenbakia: 209 | Data: 2015
Gai nagusia sailean, gatazkaren errelatuari buruzko borroka islatzen duten sei eremu –artea, musika, literatura, zinema, feminismoa eta akademia– aztertzen dituzte Xabier Gantzarain, Nora Aurrekoetxea, Laura Ruiz, Josu Larrinaga, Ibon Egaña, Josu Martinez, Zuriñe Rodriguez eta Imanol Murua Uriak. Izan ere, ezinbestekoa da gatazkaren eta kultur diziplinen arteko elkar eragina, trukea eta are performazioa.
IrakurriZenbakia: 208 | Data: 2015
Gai nagusia sailean, euskarak naziogintza eta estatugintza prozesuen baitan duen eta izan beharko lukeen lekuari buruz egiten dute gogoeta Alaitz Aizpuru, Haritz Garmendia, Koldo Izagirre, Unai Apaolaza, Joxe Manuel Odriozola, Jule Goikoetxea, Eduardo Apodaka eta Idurre Eskisabelek. Euskalgintza eta abertzaletasuna, independentzia eta abertzaletasuna, euskara eta independentzia... Banaketa eta krisi hotsak entzuten dira azkenaldian. Euskalgintzak diskurtsoa berritzeko premia duela ere aipatzen da. Galdera berriak agertu dira, berriak edo berrituak, edo zaharrak, baino inoiz baino gardenago formulatuta.
Irakurri