Dabid Anaut Peña (Burlata, 1968). Euskal Filologian lizentziaduna da Euskal Herriko Unibertsitatean. Euskara teknikaria da 1991z geroztik, Bortzirietako Euskara Mankomunitatean, Elhuyar Aholkularitzan eta Leitza, Goizueta, Areso eta Aranoko udaletako euskara zerbitzuan. Euskalgintzako hainbat gunetan eta espaziotan hartu izan du parte, partaide gisa edo hurbileko elkarlanean: Ikasle Abertzaleak, Euskal Herrian Euskaraz, EKB, Oinarriak, Euskararen Unibertsoa, Kontseilua, UEMA, Nafarroako Euskararen Kontseilua... Hainbat argitalpen ditu: besteak beste, Txokotik zabalera (Alberdania, 2006), Hizkuntzaren barrurako atea (UEU, 2012) eta Euskararen kate hautsiak. Hizkuntza zapalkuntzaren memoria (Euskal Memoria Fundazioa, 2013) liburuak, eta baita hainbat artikulu ere Bat, Argia eta Jakin-en.
