Marina Sagastizabal (Gasteiz, 1989). Soziologia ikasi zuen eta arlo honetan ere doktorea da Euskal Herriko Unibertsitatean. EHUko Soziologia eta Gizarte Langintza Saileko irakaslea da, eta Antropologia Feminista Ikerketa Taldeko (AFIT) ikertzailea. Bere ikerketa lerro nagusiak dira: genero desparekotasunak, zaintza lanak eta horiei lotutako gizarte zerbitzuak, parte hartze soziopolitikoa eta herritartasuna. Argitaratutako azken liburua honakoa da: Hiruki gatazkatsua. Etxeko eta zaintza lanak, enplegua eta parte hartze soziopolitikoa (Susa, 2020).
