Gizarte mugimenduen elkargune berriak lantzen ditu zenbakiak, UEUrekin eta Usurbilgo Udalarekin elkarlanean antolatutako Jakin Jardunaldiak abiapuntu hartuta.
| PDF 10.89 MB | 14,00 € |
|---|---|
| Papera | 14,00 € |
Gai nagusia sailean, gizarte mugimenduei buruzko azterketa egin dute Mari Luz Esteban, Amaia Agirre Miguelez, Margaret Bullen, Ixone Fernandez de Labastida Medina, Andere Ormazabal Gaston, Josu Larrinaga Arza, Nerea Zuluaga Mauri, Iñaki Barcena Hinojal, Maddi Galdos Areta, Josu Amezaga Albizu, Maddalen Epelde Juaristi, Marina Sagastizabal, Noemi Bergantiños, Iker Iraola Arretxe, Julen Zabalo Bilbao, Marta Luxán Serrano, Marta Barba Gassó eta Miren Guilló Arakistainek.
Azken hamarkadotan gizarteak bizi izan duen krisiari erantzun asmoz, Euskal Herriko gizarte mugimenduen artean sortu diren aliantzak eta ekimen komunak aztertzeko EHUko lantalde zabal batek garatu duen ikerketaren emaitza nagusiak aurkezten dira.
2003tik aurrera Hego Euskal Herrian zabalduz joan diren Emakumeen Etxeetako fenomenoa aztertzen da. Emakumeen Etxeen ezaugarriak eta politika moduak, aliantzak eta mugimendu feministaren eta erakundeen arteko harremanak uztartzen dira.
Euskal Herriko mugimendu ekologistak azken hamarkadan bizi izandako bilakaera aztertzen da, ondorengo dimentsio hauetan arreta jarriz: antolaketan, aliantzetan, tokiko erakundeekin dituzten harremanetan eta aniztasun eta genero ikuspegian.
Korrikaren 2019ko edizioan lekukoaren eramaile izan ziren 4.455 eragileen analisi kuantitatiboa egiten da, horien ezaugarri batzuk aztertuz.
Herri mugimenduek euskal herritartasunaz pentsatzen dutenera hurbiltzen da, zenbait mugimendu sozialetako kideri gai horiez galdetu ostean. Izan ere, ez dago euskal herritartasun ofizialik, baina bai hura lortzeko nazio mugimendu indartsu bat.
2021ean gauzatutako Euskal Herriko gizarte-mugimenduak pandemia garaian inkestaren bidez identifikatutako prozesuak eta aldaketak jasotzen dira eta, horietatik abiatuta, zenbait hausnarketa eta galdera berri plazaratzen dira.
