Ixone Fernandez de Labastida Medina (Gasteiz, 1979). Gizarte Antropologian doktorea da, eta ‘Emakume eta Gizonen Arteko Berdintasuna. Berdintasun Eragileak’ masterra egina du, biak Euskal Herriko Unibertsitatean. EHUko Balioen Filosofia eta Gizarte Antropologia Saileko irakaslea da, eta Lan Harremanak eta Gizarte Langintza Fakultateko dekanordea. AFIT Antropologia Feminista Ikerketa Taldeko kidea da, eta Ikasketa Feministak eta Generokoak doktorego programako irakaslea. Bere ikerketa lerro nagusiak hauek dira: berdintasunerako politika publikoak, bideratutako antropologia eta antropologia feminista eta gizarte langintza.
