Martin Orbe (Errigoiti, 1934). Euskal Filologian lizentziaduna da. Gogor apaiz taldeko eta Euskal Herriko Apaiz Koordinakundeko kidea da. Zeanuriko Zulaibar Eskola Profesionaleko irakasle eta zuzendari izan zen (1958-1969). Zamorako 'apaiz kartzelan' preso egon zen 1969-1972 urteetan. Udako Euskal Unibertsitateko zuzendari izan zen (1977-1983). Herria 2000 Eliza aldizkariaren Erredakzio Kontseiluko kidea da. Artikulu ugari argitaratu ditu hainbat aldizkari eta egunkaritan.