Arantxa Iturbe (Alegia, 1964). Irratilaria da. Euskadi Irratian daramatza hogeita hamar urtetik gora, azkeneko dozena, kulturan ari den sortzaile jendearekin elkarrizketan. Idatzi ere egiten du. Ipuinak, batez ere, eta antzerkirako. Lehendabiziko ipuin liburua 1993an argitaratu zuen: Ezer baino lehen (Elkar). Oraingoz azkenekoa, 2017an, Honetara ezkero (Susa). Amatasunaz idatzitako Ai, ama! (Alberdania, 1999) kronika izan zen Agurtzane Intxaurragarekin antzerkiratu zuen lehendabiziko testua mende hasieran. Azkenekoa, Koadernoa zuri (Elkar), 2017an.
