Adierazpen askatasunak politikagintzan, erlijioaren eremuan eta komunikazio sareetan dauzkan mugei buruzko eztabaidaz egiten da gogoeta. Blasfemia eta iraina erabiltzen dira mugatzaile, baina, hondoan, botere kontua da askatasuna edo askatasun eza.
Gai nagusia sailean, umorearen izaera politikoaz egin dute gogoeta Iñigo Aranbarri, Uxoa Anduaga, Unai Iturriaga, Laura Mintegi, Mario Zubiaga eta Edorta Aranak. Auziari lotutako gako nagusiak jorratu dituzte: umorea eta identitatea (‘gu’ eta ‘bestearen’ eraikuntza); umorea eta boterea; umorearen ertzak eta mugak; adierazpen askatasuna, zentsura eta autozentsura...
