Ibon Egaña (Urnieta, 1981). Euskal Filologian doktorea da Euskal Herriko Unibertsitatean. EHUko Hizkuntzaren eta Literaturaren Didaktika Saileko irakaslea da. Euskal literatura garaikidea du ikerketa-eremu. Besteak beste, bi liburu koordinatu ditu: Maldetan sagarrak. Euskal gatazka euskal literaturan (UEU, 2006; Edu Zelaietarekin batera) eta Desira desordenatuak. Queer irakurketak (euskal) literaturaz (Utriusque Vasconiae, 2010). Prentsako literatur kritikan jardun du 2001etik eta kritika literarioa hartu du aztergai Izan gabe denaz. Hogeita hamar urte hedabideetako euskal literatur kritikan liburuan (Utriusque Vasconiae, 2014).
