Filipe Oihanburu dantzari, koreografo eta koru zuzendariaren bizitzan eta jardunean sakontzeko aukera eskaintzen digu elkarrizketak: haurtzaroa Montevideo eta Parisen; 1939an Miarritzera itzulera eta euskara, euskal kultura eta abertzaletasunarekin lehen harremanak; dantzari eta kantari gisa lehen urratsak Olaeta taldean; mundu gerraren azken urteetan, alemanengandik ihesi, ezkutuko egonaldia Parisen; 1945etik 1953ra Oldarra taldean zuzendari artistiko; 1953tik aurrera, 30 urtez, Etorki taldearen zuzendari, mundu osoan zehar euskal dantzetan eta balletean oinarritutako koreografiak eskainiz; militantzia politikoa Frantziako alderdi komunistan, eta Vitry-sur-Seineko kultur etxeko zuzendari; 1968an, Pragako gertakarien ondorioz, komunismoa utzi eta anarkismoranzko iragatea; hainbat irratitan esatari eta aurkezle gisa egindako lana; 90eko hamarkadatik aurrera, Etorburu eta Oyhamburu koruen sortzaile eta zuzendari; hainbat libururen egile, oroitzapenezkoak ez ezik, politika, euskara eta euskal kulturari buruzkoak...