Aitor Aurrekoetxea (Portugalete, 1968). Filosofian lizentziaduna eta doktoregaia da Euskal Herriko Unibertsitatean. EHUko Balioen Filosofia eta Gizarte Antropologia Sailean Estetika irakaslea da. Arte kritikaria ere bada. Hogeita hamar artikulu inguru idatzi ditu hainbat aldizkaritan. Prentsarako kolaborazioak ere egin ditu. Filosofia, artea, historia eta bibliografia arloekin erlazionatutako bost saiakera liburu idatzi ditu –Estetika modernoaren inguruan hainbat hausnarketa euskaraz (Hiria, 2011), besteak beste– eta beste bost liburu kolektibotan parte hartu du. Hiru ikerketa proiektutan aritu da. Arte komisario lanetan ere ibili da.
