Balendin Lasueni
elkarrizketa
M I E L A . E LU S T O N D O
Idazlea eta argazkilaria
Idazlea da. Hainbat lan eta artikulu argitaratu zituen euskarazko zenbait aldizkaritan. Anaitasuna eta Zeruko Argia-n,
esaterako. Bestalde, historia eta etnografia gaiak landu izan
ditu euskaraz eta gaztelaniaz idatzi dituen berrogeitaka liburuxkatan.
Musikazalea da. Zaldibarko Koral Elkartea eratu zuen
1945ean eta bertako zuzendari izan zen berrogei urtez, 1985
arte. Ondoren, antzerki taldea, dantzariak, etnografia taldea
eta beste antolatu zituen. Aurretik, kirol elkartea 1942an eta
mendizale taldea urte bat geroago. 1967an, berriz, eskoletako guraso eta adiskideen elkartea ere fundatze lanetan jardun
zuen. Hango lehenengo lehendakaria izan zen. Ekintzailea da.
Gerediaga elkarteko lehendakari izana da, erakundea sortu
berritan, 1966tik 1972ra bitartean.
Politikari izana da. Herriko alkate izan zen 1976tik 1983ra,
eta Bizkaiko batzar nagusietako kidea bi legealditan (19791982 eta 1983-1986 aldietan). «Bergarako alkateak» taldekoa izan zen 1976tik 1979ra eta Durangaldeko Mankomunitateko lehendakaria urte berorietan.
167
uztaila-abuztua
2008
BALENDIN LASUENI ELKARRIZKETA
Eusko Jaurlaritzaren Kultur ordezkaria izan zen Bizkaian hamabi urtez, 1983an hasi eta 1994an erretretan sartu zen arte.
Enpresaburu izan da. Berrizko «Manufacturas Lasuen» lantegiko ugazaba izan zen erretiroa hartu eta fabrika alabaren
esku utzi arte.
Eta, beti, Balendin —ez Valentin—, Lasuen Solozabal da,
1924an Zaldibarren (Bizkaia) jaioa. «Valentín nintzen jaio nintzenean. Aitaita Valentin zen, nire aitabitxia. Haren izena daroat.
Aukera etorri zenean, aldatu nuen izena. Valentín utzi eta Balendin naiz harrezkero. Lehenago ere banuen izena aldatzeko
gogoa, baina eragozpenak zeuden. Eta ez Balendin izenarekin
bakarrik. Gure semeari Aitor izena jartzeko ere badakit zelako
gorabeherak ibili genituen, historiako kontuak adierazi behar
izan genizkion erregistroan bertako idazkariari, Navarro Villosladaren Amaya o los vascos en el siglo VIII nobelaren aipuak
ekarri, loratu bat eman eta horrela lortu genuen. Aitor giristino izena ez zela eta beste izen bat eman behar geniola esan ziguten. Santa Zezilia eguna zen —ni musikaria naiz, edo musikazalea, behintzat—, eta Aitor Zezilio jarri genion».
Irakurzale, euskaltzale eta abertzale da umetatik. Etxean zuten
dendara salgai heltzen ziren egunkarietatik irakurriz zaletu zen
letretara. Eibarren mekanika ikasketak egin eta lanbidearen jabe egin zen. Soldadutzara orduko ugazaba zen bere tailerrean,
baserritar nekazaleen traktoreentzako kabinak eta esekiduradun aulkiak egiten. Lanak azoka profesionaletara joateko bidea eskaini zion eta urtean behin baino gehiagotan zen atzerrian. Era horretako bidaia baten karietara, Parisen, Jose Antonio Agirre lehendakariari joan zitzaion, agurtzera. «Noiz etorri
behar duzu Euskal Herrira?», Balendinek, eta «Zuek gura duzuenean!», Agirrek.
Aipagai ditu bere garaian izan diren kultur berpizkundeak
eta, besteak beste, gerra ostekoa. Zaldibarren, eginahalak eta
bi egin zituen Balendin Lasuenek herria kultura aldetik suspertzen, mugimendua eratzen, aski bakarlari lanetan.
Egunkari bidez jakin zuen Gerediaga elkartearen sorreraren
berri eta «Hauxe duk nirea!» esan eta bertako partaide zen
34
MIEL A. ELUSTONDO
handik berehala. Urte eta erdira, berriz, elkartearen lehendakari zen. Gogoan ditu lehenengo azokak. «Liburuak azokan
nork erakutsiko, bila ibili ginen. Gaur alderantziz da». Sortzaileetako izanagatik ere, Balendinek begirakune kritikoa egina
dio Euskal Herrian den liburu eta disko azokarik handi, ezagun
eta jendetsuenari. «Uste dut gauzak hobetzeko probak egin
behar badira, egin behar direla. Sarrera kobratzea izan liteke
bat, nire iritziz».
Herriko alkate izan zen, Franco hil ondoko lehen alkatea Zaldibarren, eta Bergarako mugimenduko partaide. Bizkaiko ordezkaria izan zen bertako «batzar txikian», hau da, batzorde
iraunkorrean. Uste duenez, oraindik ere ez da Bergarako alkateen mugimenduari buruzko historia behar bezala idatzi. Berak, esaterako, gogoan ditu bukaeran izan ziren saltsa-saltsorumak, ahaleginari erreka joarazi ziotenak.
Hamaika lanetan trebatu eta zaildutako euskaltzale fierra.
2007an Urrezko Luma jaso zuen Bilboko Liburu Azokan, euskal
kulturaren alde bizi guztian egin duen lanaren merezimenduzko aitortza. Lanean da oraindik, 84 urte beterik. Zaldibarko historiaren atal berriak idazten ari da aspaldi. Hogeita seigarren liburuxka —«koadernoa», Balendinek berak darabilen hitzaren
arabera—, eta horretan segitzeko gogoa, asmoa eta adorea
ditu. «Ez dut atsedenik hartu nahi. Horrela nabil ni gustura!».
Apal, eskuzabal, gizabidetsu hartu gaitu telefonoz berba
egin dugunetan, Zaldibarren izan garen guztietan... Han izan
dugu beti Balendinen emazte Gregori Azpitarte, kafesnea eta
etxeko gaileta fin eta ezin goxoagoak eskuzabal eskainka.
Elkarrizketan, berriz, galderari lotu eta jardun ohi du erantzun luzamendu gabekoetan. Nekez egin dio galderari itzuri
edo ihes. Izatez gero, bere esku ez dauden arloetan: «Hori goi
mailako politika da», esan izan du orduan.
35
BALENDIN LASUENI ELKARRIZKETA
Heldu natzaizu herrira, Balendin. Zaldibarrera etorri naiz eta han
non jakin dudan Zaldua duela herri honek benetako izena.
Bai, bai... Errepublika garaiko kontua da. 1932 arte Zaldua
izan zen herriaren izena. Urtebete lehenago, udalak herriaren izena aldatzeko erabakia hartu eta Madrilera bidali zuen
eskaria, ondo dokumentatuta. Urte osoa behar izan zuten
Madrilen espedientea aztertu eta herriko udalak erabakitakoa onartzeko. Zaldua zena, Zaldibar izango zen aurrerantzean.
Zer dela eta, izen aldaketa?
Bainuetxea eta dorretxea dauden parajea «Zaldu ibar» dira, Zaldibar. Dorreak Zaldibar zuen izena, eta bainuetxea
ere Zaldibarko bainuetxea zen. Izen horixe hartu zuen, Zaldu ibarren zegoen eta. Gero, Zaldibarko bainuetxea gora eta
Zaldibarko bainuetxea behera hasi ziren, eta baita Zaldua
herriko Zaldibarko bainuetxea esaten ere. XIX. mendean
ireki zen hemengo bainuetxea eta indar handia hartu zuen.
Fama handia. XX. mendean, berriz, itxi egin zuten, medikuntzaren aurrerakuntzak bainuetxe asko ixtea ekarri zuen
eta. Kontua da nahaste handia zegoela bazterretan, bateko
Zaldua eta besteko Zaldibar. Azkenean, bainuetxearen izenak gaina hartu zion herriaren izenari eta udalak erabaki
huraxe hartu zuen: Zaldua barik Zaldibar da harrezkero gure herriaren izena. Niri, orain, pena ematen dit...
Zure berri ez duenari, zer esanez adieraziko zenioke nor den Balendin Lasuen? Nola aurkeztuko zenuke zeure burua?
Inora joan, edo telefonoz igual, eta horixe esateko ohitura
baino ez daukat: «Balendin Lasuen Solozabal naiz, Zaldibarkoa». Galderagileak nire gainean besterik jakin gura badu, zera guztia esaten diot.
Zer da «zera guztia»?
Datorrena. Oraintxe probatuko dugu elkarrizketa honetan... Urtebetetik hona besterik esateko ohitura ere hartu
36
MIEL A. ELUSTONDO
dut. «Kaixo, Balendin! Zelan?». «Urte askorekin, baina ondo», erantzuten dut orain.
Urte asko, diozu. 1924an jaioa, baina itxura oneko zaitugu
oraindik.
Oso ondo nago osasunez eta burutik. 84 urte egin ditut
ekainaren lehenengoan. Itxura ona? Ez dakit zein den sekretua, ezta sekreturik badagoen ere. Gurean denetarik
egon da. Aita 44 urterekin hil zitzaigun eta ama, ostera, laurogeita hamabostekin. Aldea!
«Balendin Lasuen Solozabal, Zaldibarkoa», zure aurkezpen txartela. Elkarrizketa lantzen lagundu didan Roman Berriozabalek
zelan aurkeztu zaituen jakin dezazun gura nuke.
Ea, bada.
«Balendin, Euskal Herrian diren zaldun gutxi horietako bat da.
Jantzia, dotorea, edukazio onekoa, kultura zabalekoa... Egon,
egoten daki. Entzun ere, entzuten daki. Azalpenak ere patxadaz
eta soseguz ematen ditu. Orekaduna. Zatitu beharrean, batzen
dakiena. Positiboa. Zaldun euskalduna. Euskaldun gorbataduna».
Hitz handiak dira. Romanek esan badu...
Gezurrik ez da hitz horietan.
Ez, gezurrik ez. Ez dut uste... Loreak bai, badira!
Lehenengo urteak
Zaldibarren jaio eta hazi zen Balendin Lasuen Solozabal. Familiaren epelean igaro zuen haurtzaroa, etxeko dendan eta
herriko batzokiaren inguruan, harik eta gerrak orduko bizimodu dena zapuztu zuen arte. Beste euskal herri askotan bezala, ez zen giro izan Zaldibarren. Hildako eta desagertuak. Gosetea eta miseria gorria. Gerra ostean bertan, Balendin artean
hamabost urteko mutil gaztea zela, aitaren heriotza. Etxean
lagundu beharra, batetik, eta ikasi gura, bestetik, uztartu behar izan zituen. Eibarren Mekanika ikasketak egin eta soldadu
37
BALENDIN LASUENI ELKARRIZKETA
tzan zen laster —bi urteko luzamenduak eta gero—, eta bere
enpresaren jabe egin zen itzuli zeneko. Bizi berri baten garaia
heldu zitzaion...
Bost neba-arreba izan zineten zure familian...
Neu lehenengoa, zaharrena.
Gerra aurrean jaioa, esan dugunez.
Bai. Kaminoko Etxebarri etxean jaio nintzen. Bost urte
neuzkala, aita-amek denda erosi zioten izekori, amaren
ahizpa bati, horrek Eibarrera joan behar izan zuen-eta bizi
izaten, familiarekin. Eliza ondoko denda erosi zuten, plazan
dagoena. Handik hogeita bosten bat metrora dagoen etxe
batean jaio nintzen, baina laster joan ginen dendako etxera.
Gogoratzen naiz, bost urte neuzkala, aitak eskolara lagundu
zidala, eliza ondoan zegoen eskolara. Aitak eskutik oratuta
eraman ninduen. «Bihartik aurrera zeu bakarrik etorriko
zara, etxetik hurbil zaude-eta». Holakoren bat esan zidala
egingo nuke. Eskolara hasi eta ez nuen kurtso osoa egingo,
baina hilabete batzuk bai, behintzat. 1929a zen, eskola berriak egiten ari ziren, oraintxe dauden leku berean. Neskentzako eskola, komunak bitartean, mutilen eskola, eta mutilen komunak gero. Eta lorategi txukun bat ere bazeukan bi
eskolen artean, iturria eta arbolak. 1930ean inauguratu ziren eskolak eta sei urte bete baino lehen hasi nintzen eskola berri haietara. Hilabete batzuk egin nituen maisuarekin.
«Tuertoa» esaten genion, begi biak diferenteak zeuzkan
eta... Erdi jolas, erdi eskola izango zen hura. Ez dakit pozik
joan nintzen, baina ez behintzat batzuk ikusten ziren moduan, negarrez, amarekin etxera buelta egin gura eta. Horrelakorik ez. Joan behar zela, eta joan.
Aita gazterik hil zitzaizuen. Etxeko giroa aldaraziko zuen haren
hutsuneak...
Bai, oso. Aita, esan dizut, Berrizen jaio zen. Zaldibarrera
etortzen ei zen ofizioa ikasten, armagin. Gogoratzen naiz
38
MIEL A. ELUSTONDO
errebolberrak egiten zituela etxe aurreko tailer batean.
Sei-zortzi bat gizonezkok egiten zuten lan han. Eibartik etortzen zen materiala eta hemen ajustatu eta akabatu. Batzuek
baskula doitzen zuten, beste batzuek, txispa esaten zitzaiona. Aitak eta beste batek, errebolberra. Forjatu eta mekanizatuta etortzen zen armazoia; danborra doitu, disparua ipini eta lan horiek egiten zituzten. Oraindik gogoratzen naiz
errebolber txorta bat, sokan lotuta, zintzilika. Mandatari batek Eibarrera eramaten zituen, probalekura. Ugazabak handik jaso eta amaitzen zituzten: pabonatu, nakarrezko piezak
jarri eskulekuan... Umetako gogorapenak! Aita nik hamabost urte egin aurretxoan hil zen, eta aita hil eta hiru bat hilabetera jaio zen bosgarren umea. Etxean neu nintzen nagusiena...
Denda zenuten etxean.
Aitak egiten zuen hango lana. Amak, gela bat zuen han
alboan. Jostuna zen eta neska gazteei josten-eta erakusten
zien, oihalak ere saltzen zituen. Argazkiak ere baditut garai
hartakoak.
Aita hil eta, zu, etxeko nagusia...
Eta eskolan ikasten! Herriko eskolan ez nuen denbora askorik egin. Hamar bat urte arte-edo ikasiko nuen han. Gero,
Zaldibarren bazen abade bat eskola partikularrak ematen zituena. Fenomenoa zen matematikan. Bertoko eta herritik
kanpoko jendea gertatzen zuen batxiler egiteko. Hantxe, eskolan, eta amari dendan laguntzen ibili nintzen gerra amaitu arte-edo. Gero Eibarrera joan nintzen, ofizioa ikasten.
Abertzaleak zineten etxean?
Aita-amak abertzaleak ziren, bai, nabarmentzen ez baziren ere. Denda zeukaten eta, denda batean, denekikoa egin
behar duzu, baina disimulatzen ere ez ziren ibiltzen. Ikusi
egiten da hori. [Horman esekita dituen argazkiei begiratu
die. Agirre, Leizaola, Garaikoetxea, Ardanza eta Ibarretxe le
39
hendakariak ageri dira bertan, eskaintza eta guzti.] Nahiz
eta gure etxean horrelako irudirik ez egon, sentimendua
bai, bazegoen. Nik diot etxeko girotik dudala euskaltzaletasuna. Aita-amek beti abertzale botoa ematen
zuten. Zortzi urte inguru neuzkala, batzokira
joaten hasi nintzen domeketan. Plazatik hurre
zegoen batzokia, eliza ondoan, eta han irratia
zegoen. Orduan irratia leku gutxitan zegoen,
baina batzokian bai! Athleticen partiduak-eta
ematen zituzten eta domeka arratsaldeetan
partiduak entzuten joaten ginen. Horrekin batera, dantzari hasi nintzen. Zazpi urterekin hasiko nintzen, ze zortzi urte neuzkala egin nuen
lehenengo dantza. Ibaiondora joan ginen, Getxoko Arenas futbol taldearen zelaira, dantzara. Arenas, Real Union eta horiek ziren orduko
taldeak. Bada, Arenasen zelaira joan ginen gu,
dantzan.
Zortzi urte inguru
neuzkala, batzokira joaten hasi nintzen domeketan.
Athletic-en partiduak eta entzuten
genituen irratiz
Noizko kontuak dira, Balendin? Zein urtetan gara?
1932an izango zen hori, nik zortzi urte neuzkala. Urteak
ekainean egin eta San Inazio egunean bi mila dantzarik egin
genuen dantza Getxoko Ibaiondo futbol zelaian. Bozgorailuak jarri zituzten; txistulariak, berriz, tribunan.
Gerra aurreko denboretan bi mila haur Getxon biltzea aintzakotzat hartzekoa da, inondik ere.
Gehienak batzokietako haurrak ziren. Errepublika garaian
hasita abertzaleen giroa oso handia zen. 1931n etorri zen
Errepublika, eta 32rako Zaldibarren batzokia geneukan. Ez
zen alderdiaren jabegoa izango, baina hara joaten ginen, batzokira. Antzerkia eta dantza, bietara egiten genuen. Garai
hartan bi mila haur biltzea gauza handia iruditzen zaizu, ezta? Bada, hurrengo urtean San Mamesen izan ginen, bi mila eta bostehun ume, dantzan. Ez zen gauza perfektua izango, baina haren esangurak bai, balio du.
40
BALENDIN LASUENI ELKARRIZKETA
“ ”
MIEL A. ELUSTONDO
Baten batek lan egin zuen ume horiek denak biltzeko...
Bai, bai. Francoren ostean guk egin genuen antzera, orduan ere beste batzuek egin zuten lana. [Beste argazki bat
erakutsi dit. Neska-mutil koadrila handia ageri da bertan.]
Sukarrietan da, 1932an. Hortxe nago ni, lore koroa batekin,
dantzari. Zaldibarko batzokiko jendea inguruan... Omenaldi bat zen, eta hantxe, Sabino Aranaren hilobian utzi genuen koroa. Horrela.
Zer etorriko zen giro horretatik, Franco izan ez balitz?
... Beste historia bat.
Abertzaleak ez ezik, errepublikarrak ere baziren sasoi hartan
Zaldibarren...
Bai. Mila biztanle inguru izango zituen orduan Zaldibarrek. Gehienak, abertzaleak. Errepublikarrak ere baziren,
baina gutxi. Karlistak ere baziren batzuk, baserrietako etxejaunak gehienbat. Oker ez banago, 1933an, Errepublikak lege bat egin zuen baserrietan bizi ziren errenteroak babesteko. Ordu arte, baserrietako ugazabei komeni ez bazitzaien,
nahiko erraz botatzen zituzten maizter zeudenak. Lege hura eta gero hori ezin izan zen egin, arrazoi handiren bat tartean ez bazen. Lege hura zela eta ez zela, ordu arte nazionalista izandako batzuk karlista egin ziren.
Jo dezagun zure gaztarora. Dendara, lehenengo.
Denetarik saltzen zen, egunkariak, jatekoak, ontziak, perfumeak, abarketak, arropak... Denetarik. Herri txikietako
dendak horrelakoak izaten ziren sasoi hartan.
Han zaletu zinen zu egunkarietara, ala?
Bai. Berton irakurri nituen lehenengo egunkariak. Hala
ere, guk egunkariak dendan, Franco sartu eta gero eduki genituen. Aurretik Zaldibarren ez zen egunkaririk saltzen.
Harpidetza eginda zeukanak beste inork ez zeukan egunkaririk. Gure aitak Donostiako El Día hartzen zuen, adibidez.
41
BALENDIN LASUENI ELKARRIZKETA
Gero Eguna izan zena. Beste batzuek Euzkadi hartzen zuten, edo La Gaceta del Norte... Baina, beti, harpidetza bidez.
Postariak ekartzen zituen, goizean. Franco sartu eta gero,
gure etxera egunkaria eskaintzen etorri ziren, eta nik horretan egiten nuen lan dendan, egunkariak saltzen. Eta badiotsut, egunkariak irakurtzen ere orduantxe hasi nintzen.
Zertzuk irakurtzen zenituen?
El Pensamiento Navarro etortzen zen, eta La Nueva España... Gaceta-k lehengo izenarekin jarraitzen zuen. Euzkadi
zenak El Correo Español - El Pueblo Vasco izena hartu zuen.
Donostian La Voz de España zegoen... Hantxe idazten zuen
Basarrik. Harremanak ere izan nituen harekin, lehenengo
denboretan.
Egunkari asko, baina denak kolore batekoak...
Joera batekoak denak. Aurretik, bakoitzak bere tankera
zeukan. La Gaceta del Norte karlistena zen. Euzkadi, abertzaleena. El Pueblo Vasco, ostera, abertzaleak ez zirenek ere
erosten zutena. Gero, La Nueva España-eta hasi ziren. Orduantxe hasi nintzen ni egunkariak irakurtzen. Gerrako
kronikak jarraitzen nituen, Teruelgo bataila-eta. Beti eduki
dut historia eta kulturarako zaletasuna. Hemeretzi, hogei
urte inguru nituela hainbat autore klasiko irakurri nituen...
Gerra aurretik jeltzaleek bilkura handi bat egin zuten Durangon.
Han izan omen zinen...
Orduantxe abertzaletu nintzen zeharo! Bene-benetan. Zaldibarko batzokiko bi bururekin joan nintzen Durangora. Patxo eta Bitor Garitarekin. Trenean joan eta trenean etorri. Aitak esan zidan: «Patxoren eta Bitorren ondotik ez alde ere
egin!». Aita amorratua zen irakurtzen eta egunkarietatik jakin zuen batzar hura zegoela eta jende asko ibiliko zena. Itzela! Trenak geratu barik egun guztian, ordu erditik ordu erdira edo ordubetetik ordubetera. Joan nintzen Durangora. Gogoratzen naiz zelai handi bat, orain Ezkurdi frontoia dagoen
42
MIEL A. ELUSTONDO
atzeko aldean. Zelai izugarri bat. Tribuna bat jarri zuten, arbola adarrekin eta berdez antolatuta. Gu txikiok, tribuna aurre-aurrean geunden, zelaian jarrita. Hunkigarria izan zen
mendigoizaleak etorri zirenean. Alderdikoak ziren gehienak,
itxura denez. Ez zirenak ere egongo ziren, baina abertzaleak,
behintzat. Mendigoizaleen mugimendua oso indartsua izan
zen. Bilbo aldetik etorri ziren, gehienak bortzegiekin, prakabarrenak galtzerdietan sartuta... Meza izan zen lehenengo eta,
meza ostean, mitinak. Ez dakit mitinak zeinek egin zituen,
edo zer esan zuten, horrelako akordurik ez daukat, baina goiz
guztia hunkituta pasatu nuen. Sekula hainbeste jende, batera,
ez nuen ikusi ordu arte! Eta zortzi urte nituen! Izugarrizkoa.
[Egun hartako argazkia erakutsi dit. Jendetza ikaragarria ageri da.] Egun hartan bertan, 1932ko irailaren 4a zen, era horretako hiru kontzentrazio handi egin ziren Euskal Herrian:
Zangozan, Usurbilen eta Durangon.
43
Bost urte nituela
Bitor Garitaonandia ezagutu nuen.
Urteetara, hari plazan monumentua
ipintzen ibili
nintzen
“ ”
Bai. Hori, batetik, eta bestetik, antzerkia, batzokian egiten genuena. Zaldibarko seme Bitor
Garitaonandia, abade izan zen. Donostian bizi
izan zen eta Zeruko Argia-ko zuzendari. 1929an
hil zen, eta nik ezagutu nuen! Bost urte neuzkanean! Esan dizut plazan bizi ginela, eliza ondoan. Behe batean geneukan denda. Lehenengo solairuaren erdia ere guk erabiltzen genuen.
Bigarrenean, Zaldibarko parrokoa bizi zen.
Kanpotik abaderik etortzen bazen, han bazkaldu, afaldu, lo eta denak egiten zituen. Eta hantxe ezagutu nuen Bitor Garitaonandia. Bost urte nituen eta ideia bat baino ez daukat. Don Benito Zaldibarko parrokoarekin, beste abade bat, txikitxoagoa: Bitor Garitaonandia. Urteetara, neu ibili nintzen hari
plazan monumentua ipini genionean. Francoren denboran.
Zelan pasatu genuen orduan ere!
Durangon egin zen batzar hartako berotasunak zeharo abertzaletu zintuen, beraz.
BALENDIN LASUENI ELKARRIZKETA
Bitor Garitaonandiari monumentua egiteko ere penak eta nekeak
izan zenituzten?
Bai. Monumentua egin genuenean, orduko garairako propaganda izugarria eginda geunden gu. Ameriketan zeuden
zaldibartar denei idatzi nien, diru laguntza emango ote zuten galdetuz, monumentua egiteko. Eta egin genuen eta ipini zen. Baina Francotarrak, zelako elementuak! Nahiz eta
monumentuaren kontu hura Koral Elkarteak antolatuta
egon, komisio bat sortu nuen eta hango presidente... alkatea
ipini nuen! Alkate frankista. Kontzejalen bat ere uste dut
bazegoela komisio hartan baina, bestela, neuk gertatutako
pertsonak, koralekoak-eta. Propaganda egin, programa atera, ekitaldia prentsan iragarri —meza kantatua, Bitor Garitaonandiaren motete batzuk meza denboran abestu, meza
ostean diskurtsoak, monumentua bistaratu...—, eta hilabete
lehenago eroriei monumentua egiten hasi ziren «eurak». Bitorrena plazan dago, elizako atearen parean, eskuin aldera.
Euren monumentu hura ezkerraldean jarri nahi zuten. Gure publizitatea aprobetxatu nahian haiek! Bazekiten euren
monumentua ez zela herriaren sentimendukoa, baina zelan
edo hala jartzeko, huraxe aprobetxatu behar! Egundoko diskusioa izan genuen! Batean, batzar batean, mahaia ukabilez
jo eta esan nuena esan nuen. Ez zitzaien gustatu.
Zer esan zenuen?
... Atzeratu egin behar izan genuen monumentuaren inaugurazioa. «Suspendido». Bertan behera utzi zuten gure monumentua. Esan ziguten Bitorrena egiten zen egunean bertan bestearena ere egin behar zela. Nik, ezetz: «Ez. Inondik
inora ez!». «Zergatik?». «Gauza bi ezberdin direlako». «Zer
ezberdin?». «Bata, herriko semea, musikaria, autoritatea izan
dena kulturan. Haren omenaldia gertatu dugu meza eta guzti. Zuek, gerra denboran hil ziren gizon batzuena egin duzue, baina alde batean hil zirenena bakarrik, ez denena!». Jakina, bost lagun ziren, muertos por Dios y por la patria (Jain
44
MIEL A. ELUSTONDO
Orain modan dago
memoria historikoa. Nik, denbora
hartan, gerrarengatik hil ziren zaldi
bartar guztien
izenak bildu nituen
“ ”
koaren eta aberriaren alde hilak). Eta besteak? Zerrenda aspaldi egin nuen nik. Orain modan dago memoria historikoa
eta kontu hori. Zaldibarren gerra denboran eta
gerrarengatik hil ziren denen izenak bildu nituen nik denbora hartan. Nahiz bando batean
ibili, nahiz bestean ibili, hil ziren guztien izenak. Alkate sartu nintzenean, Franco hil eta lau
bat hilabetera, lehenengo egin nuen behar bat
horixe izan zen: oroitarri bat gertatu, euskaraz
eta erdaraz, gutxi gorabehera zera esaten duena: «1936tik 39ra egin zen gerra zibilean gerrako arrazoiengatik hil ziren guztien alde». Erorien monumentua kendu eta harri huraxe jarri
nuen. Batetik, ez nion irizten plaza toki egokia
denik gerran hil ziren batzuei —batzuei— omenaldia egiteko. Ez dakit pertsona batzuek zelan
hartuko zuten hori, baina zuzen egin nituen tramite guztiak,
eta lege aldetik behar ziren bedeinkapen guztiekin, hilerrian
oroitarria jarri eta plazakoa kendu nuen.
Bitor Garitaonandia. Haren antzerki lanik ere eman zenuen zuk,
txikitan...
Bai, batzokian, ni txiki nintzela. Bitorrek lau bat obra
zeuzkan teatrokoak. Guk bi egin genituen, Iziartxo eta Aitona ta billoba. Ekintza bikoak ziren. Akordatzen naiz. Batean
egiten genuen agertokira irten, egon han apur batean, eta
irten. Beste buelta batean egiten genuen kantatu. Akordatzen naiz zelan kantatzen genuen: «Itsasoan laino dago,
Itziartik Debaraino...». Hori kantatzen genuen tipleok. Hortik etorri zitzaidan zaletasuna. Umeentzako giro polita zen
batzokikoa: dantzan, eta antzerkiak egiten.
Jose Antonio Arana Martijak ere horiexek aipatu zizkidan iaz.
Alegia, Gernika alderdian ere koru-dantzak ziren euskaldunek
diktadura garaian erabili zituzten arnasbideak.
Nik uste dut bazeudela gizon-emakume argiak mugimendu
hura martxan jarri zutenak. Merituko pertsonak ziren. Herri
45
BALENDIN LASUENI ELKARRIZKETA
guztietan saiatu ziren, baita karlisten herrietan ere, Durangon, Ermuan... Elorrion, aldiz, ez. Alderdia, euskaltzaletasuna eta euskara bultzatzeko oso modu egokia ziren batzokiak.
Lan hori egin zuten... Euskara esan dut, baina guk ez genuen
premiarik, euskaraz bakarrik egiten genuen eta... Nik esango
nuke lehenengo euskal mugimendua Primo Riveraren garaian
piztu zela, edo Primo Rivera baino lehen. Bigarrena, gerra ostean, Francoren denboran. Mugimendu hori, Zaldibarren,
neuk hasi nuen: koralaren bidez. Koral Elkartea ondo ikusita
zegoen herrian: elizkizunetan kantatzen zuen, Eguen Santuko prozesioetan miserereak... Kantu ederrak denoi gustatzen
zaizkigu. Bestetik, ezin izan dut behin ere disimulatu —eta
disimulatzen ahalegindu ere ez naiz egin—, zein pentsaeratakoa naizen, baina uste dut ondo ikusia beti izan naizela.
Gerra
Hamabi urte zituen 1936ko gerra etorri zenean. Adinak, gerraren kontzientzia garbia izaten lagundu zion. Memorian iltzatuta ditu orduko gertakariak ez ezik, baita barne-barneko
sentimenduak ere. Horietarik batzuk ondu dituen idazlanetan
jaulki ditu. Beste batzuk gordean daramatza oraindik, garaia
heldu ez delakoan, edo bestelako lanen bati ekin diolako.
Gerra garaian Zaldibarren den Okilloko leizean gertatua ekarri dugu akordura, lehenengo. Okilloko koba Ganguren mendiaren hegal batean da, Santa Mariñezar esaten zaion parajean.
Sarrera oso du txikia, 60 bat zentimetro zabal, bi metro luze.
Leizearen luzera, berriz, 50 metro inguru. Zaldibarren jakina denez, gerra garaian bertan ezkutatuta izan ziren zenbait lagun.
Okilloko leizeak gorderik duen gerrako historia hartu dugu
atal honetako elkarrizketa abiapuntu.
Okillon ezkutatuta egon zen jendearen istorio-historiaz jakin
nahiko genuke...
Kobazulokoa ez da zeharo herrian kontatzen den bezala.
Bertsio zabalduena kontatuko dizut lehenengo, jakin deza
46
MIEL A. ELUSTONDO
zun, Zaldibarkoa izan barik ez duzu jakingo eta... Gerra zibilean Zaldibarko zenbait pertsona eta Madrilgo mutil gazte bat han ezkutatu ziren. Madrildar hura armadako kapitain baten semea zen. Haren familia hemengo bainuetxera
etortzen zen eta Zaldibar hotelean egoten ziren, ostatuan.
Herrian laster zabaldu zen hainbat pertsona mendian ezkutatuta zeudela, kobazuloan. Milizianoek jakin zuten, eta
haien bila joan ziren, eguna argitu baino lehen. Kontua da
ordurako kobazuloa hustu egin zutela han zeudenek. Afariaren hondarrak baino ez omen zituzten laga han. Okilloko zuloko haiek Elgetatik Bergarara joan ziren, ihesi. Hurrengo egunetan zalaparta handia egon zen herrian, eta
hainbat lagun Elorriora eraman zituzten, deklarazioa hartzeko.
Hori da, orduan, Okilloko koban gertatua...
Bertsio bat, behintzat. Zabalduena, nahi baduzu. Madrilgo gazte hark egunerokoa idatzi zuen, eta hura ere irakurrita daukat. Hor bigarren bertsioa ageri da. Eta, oraindik
gehiago, nik, neure aldetik, beste xehetasun batzuk ere jakin
ditut, eta hor hirugarren bertsioa edukiko genuke.
Hiru bertsio ezberdin dira?
Zeharo bat ez datozenak, behintzat. Egunen batean zer
edo zer idatziko dut horren inguruan. Hiru bertsioak agertuko ditut, baina oraindik ez da sasoia. Tartean gertakari larriak izan ziren. Haiek hilda daude, baina saltsan sartuta
ibili ziren batzuen senideak bizirik dira, eta hobe oraingoz
ez agertzea. Baina esan dizut, egunen batean osatuko dudala Okillon gertatu zena.
Zuek herritik alde egin zenuten...
Gurasoak Zaldibarren geratu ziren. Guk, umeok Mallabira alde egin genuen, neskamea hangoa zen eta. Haren baserrian egon ginen, Zengotita Goikoan. Zengotita Goikoa,
Zengotita Beitia, Zengotitabengoa eta Zengotita Ugarte ba
47
BALENDIN LASUENI ELKARRIZKETA
serriak zeuden han. Gurasoek hemen giro eskasa zegoela
pentsatu zuten eta bidali gintuzten hara. Hemen asturiarrak, milizianoak eta beste zebiltzan, eta neskamearen baserrira bidali gintuzten han lasaiago ibiliko ginelakoan, baina
dena alderantziz gertatu zen, su handia hantxe gertatu zen
eta. Teilatuan kanoikadak jo ere bai, Elorriotik. Intxorta
apurtu eta hona zetozela.
Orain baino lehen, honela kontatua duzu garai hartakoa: «Elorrio ingurutik kanoiekin tiro egiten zuten eta bataila izugarria
izan zen handik kilometro erdira. Auzo bateko baserri batean,
portalean, ospitale militarra antolatu zuten, eta hura izugarria
izan zen: hildakoak, soldadu zaurituen aieneak, denak odolez
beterik... Nik hamahiru urte nituen, baina ez dakit gaur egun
balorerik izango ote nukeen horrelakorik ikusteko. Gero, Elgetako frontea apurtu zenean, hemen ere bataila handia izan zen».
Hura nobedadea zen, odola eta larridura hura. Eta han zer
mugimendu zegoen ikusi gura nuen. Zengotitatik gora, Zengotita Gaina esaten zaion mendi bat dago. Errotak ipini dituzte han orain. Trabakuatik ondo-ondoan ikusten dira...
Hor bataila itzela egon zen. Hortik jaisten zituzten Zengotitako baserriko ate aurrera hildakoak eta oso
gaizki zeudenak. Erreketeek hor deskuidua eduki zuten. Elorriotik kanoiarekin botaeran, behar
baino atzerago bota zuten eta besteen tropei bota beharrean, eurenak jo zituzten. Besteak ere
harrapatuko zituzten, baina gehienak eurenak.
Entzunak izango dituzu Xenpelarren bertsoak: «Ez
naiz ni gerraren zale...». Gerra probatu ez duena
prest da gerrarako. Probatu duenak ez du gerrarik
nahi.
Ez, gerra negargarria da. Txarrena da gerrazaleek eurek bakarrik ezin dutela gerra egin,
gerra nahi ez dutenek ere joan behar izaten dutela. Zoritxarrez, horrela da.
“ ”
48
Txarrena da gerrazaleek eurek baka
rrik ezin dutela
gerra egin, gerra
nahi ez dutenek
ere joan behar
izaten dutela
MIEL A. ELUSTONDO
Zer diozu gerra osteko goseteaz?
Gerra denboran bertan hasi zen hori. Erreketeak Zaldibarren sartu eta egun bira etorri ginen Zengotitatik etxera. Gogoratzen naiz menditik bueltan, bidean, eskuko bonbak,
errebolberrak, pistolak... ikusi genituela, milizianoak hanka
egin eta botata lagatakoak. Traba egingo zieten. Neskameak
esaten zigun: «Horiei begiratu ere ez, eta are gutxiago ukitu!». Haren ondoan etorri ginen etxeraino. Hemen, erreketeak harro. Guk ogi beltza jaten genuen... Ogia ere ez zen hura, ogi iluna, arto kolorekoa baina arto gusturik ez: «ogi baltza». Erreketeak, berriz, ogi zuria partitzen zebiltzan, ugaritasuna erakusten. Eurak heldu zirenetik zelako aldea zegoen
erakusten! «Zuek eduki duzuen miseria-eta, ikusi gurekin
zelan zaudeten!». Harropuzkeria irizten nion horri. Horrela
zen. Baina hori ere amaitu zen, apurka-apurka. Francoren
denboran errazionamendua zegoen. Nik dendatik dakit hori, zelan kartillak zeuden. Hor egon zen momentu bat, Espainiako gerra amaitu eta mundu gerra hasi bitartean... Orduantxe eskasia, eta gosea. Dirurik ere ez, diru gutxi... Gure
etxean ez zen horrelakorik igartzen. Aukera handirik ez zegoen baina egunero jaten genuen, behintzat. Denda geneukan eta hobeto manejatzen ginen. Baina batzuek txarto pasatu zuten, bai Errepublika denboran eta bai Franco denboran. Errepublika denboran zera gertatzen zen: Errepublikak
zeuzkan lurretan hartzen zen jeneroa ugari egoten zen: arroza, esate baterako. Baina patatarik ez zegoen. Porru-patatak
jan beharrean, porru-arroza jaten genuen. Ez zegoena ez zegoen. Francoren denboran agertu ziren estraperloa eta horiek. Orduan, pagatuz gero, ogi zuria ere egoten zen. Gaztea
izan arren sekula ere ez nion ondo iritzi kontu horri. Eta gosea, eta krisia lanekoa... garai estua izan zen.
Nola egin zuen aurrera jendeak?
Liburuxkaren batean aipatzen dut: Zaldibar —eta beste herri batzuk ere bai—, ondo portatu ziren. Gipuzkoa aldetik,
49
BALENDIN LASUENI ELKARRIZKETA
Eibartik batez ere, jendea etorri eta bertan geratu zen. Zergatik? Asko, Zaldibarko baserritarren bezeroak zirelako, hemengoen esnea eta ortuariak erosten zituztelako eta haien ezaupidea eginda zutelako... Gu, Errepublika denboran, etxean ginen... lau neba-arrebak, aita eta ama, eta beste sei Eibarko lehengusu-lehengusinak eta izeko-osabak. Hamabi. Denok ez
genuen gurean lo egiten, lekurik ez geneukalako, baina batzuk alboko etxean, beste batzuk bestean... Eskuzabal portatu zen hemen jendea. Gu umeak ginen eta ez dakit zer egingo genuen, baina gure gurasoak eskuzabalak izan ziren.
Eskasia, krisia, gosetea... garai iluna, inondik ere.
Bai, garai iluna. Beste gauza bat akordatzen naiz, mutiko
nintzela, gerra aurretik erromeriak zirela jaietan eta domeka guztietan, frontoian edo plazan, eta neska-mutilek dantzan egiten zutela. Gero, etorri zen gerra denbora —hiru urte, hilabete batzuk falta—, domeketan erromeria egiten bazen ere, mutilik ez zen ikusten, neskak bakarrik, neskak elkarrekin dantzan. Mutilek, hamabost edo hamasei urtekoek,
zeudenek, euren arrebekin edo ezagutzen zutenarekin egiten zuten dantzan. Sasoiko neskek mutikoekin egiten zuten
dantza. Ez zegoen adineko mutilik! Bai Errepublikarekin,
denbora labur batean, eta bai gero, gerra garaian. Ez zegoen
alaitasunik. Erromeria haiek ez ziren guk umetan lehenengo ezagutu genituenak. Jendea triste! Batzuek, etxekoren bat
edo familiakoren bat kartzelan. Beste batzuek, gerran. Notiziak? Bada, eskutitzak. Eta eskutitzak ere zabalik etortzen
ziren, ez ziren itsasten; zentsura pasatu behar zuten. Tristea
zen, tristea.
Gerrarekin, kito ordu arteko mundua, ala? Kito batzokiak, dantzak eta gainerakoak.
Akabo ziren, orduan, denak. Ez dantzaririk, txistulariak
ere soldadu —euretatik bat gerran hil zen; bestea gaixorik
hil zen, etxean—, oso garai tristea. Eskolak ere ez zuen jarraitu. Errepublikarekin bai, baina erreketeekin ez.
50
MIEL A. ELUSTONDO
Eskolarik ez, baina ikasi zenuen...
Gerra denbora orduko, eskola partikularrera pasatuta
nengoen. Hemen berton, Zaldibarren. Abadea, eta haren familia, gure dendara etortzen ziren, eta nik uste dut berak
bultzatuta hasiko nintzela partikularrera, herriko eskola
utzita. Amak kontatuta dakizkit horiek. Abadea tematuta
zegoen, eskola partikular hartara joan nendin. Batxilergoa
ikasten ari zirenak etortzen ziren hara; batez ere matematika gainditzen ez zutenak. Eibartik, Gernikatik, Bilbotik,
Durangotik... etortzen ziren Zaldibarrera, ikastera.
Harrigarria.
Augusto Unceta?
Bai.
Gernikako Astrakoa. Intimoa zen. ETAk hil zuen.
Badakit, bai. Gogoratzen naiz.
Elkarrekin eskola horretan ibilitakoak gara. Augusto, gai
nera, abadearen etxean berton zegoen apopilo...
Zure ikasketak-eta, ari ginen.
Aitak nire izena emanda zeukan hemengo lantegi batean,
«Forjas de Zaldibar», famatua. Orain ez dago. Hemengoa
utzi eta Iurreta aldean dago orain. Garai hartan ofizio estimatua zen trokelgile lana. Aitak forja lantegian eskatuta zeukan niretzako txanda. Premia zenean, ni han beharrean hasteko. Baina hangoa noiz izango zen ez genekien eta, bien bitartean, zer edo zer gura nik! Amari esaten nion: «Eibarrera
joango nintzateke, eta han mekanika ikasi». Eibarren, gainera, familia geneukan, eta errazago zen. Eta haraxe hasi nintzen, Eibarrera. Han, bostak eta erdietan tailerretik irten,
osabaren etxera joan, apur bat garbitu, eta akademia batera
joaten nintzen: ordubete egiten nuen marrazketa lineala
ikasten, eta beste ordubete, kultura orokorra. Bi urte egingo
nituen horrela. Hamazazpi urte nituenetik hemezortzira bi
51
BALENDIN LASUENI ELKARRIZKETA
tarte. Horretan nintzela, aitak eskatuta zeukan txanda heldu
zen forja fabrikatik. Eta Eibartik Zaldibarrera etorri nintzen,
mekanika apur bat ikasita, marrazketa lineala ere bai, eta
kultura orokorra. Nahiz eta kultura orokorra Zaldibarren
bertan ikasita nengoen, eskola partikular hartan...
Forja fabrikan hasi zinen...
Ez fabrikan bertan. Han behar egiten zuen trokelista bat
bere kontura hasi zen, beste lagun batekin sozio. Nik mekanika nozioak nituen eta oso ondo moldatu nintzen haiekin.
Geroago, nik ere neure kontura sortu nuen enpresa. Soldadutzara joateko luzapena eskatu nuen. 21 urterekin joan beharrean 23rekin joan nintzen, mutil handia eginda! Eta soldadutzara baino lehen enpresa sortuta nengoen.
Enpresaren jabe, 22 urte zenituenean...
Bai. Trokelgile ofizioa ikasi nuen, bi lagun etorri zitzaizkidan, eurekin sozio hasteko. Nik baietz. Teknika alderdia
neuk egiten nuen. Beste bat, langilea zen. Hirugarrena, administraria. Soldadu egon nintzen bi urteetan elkarrekin
egon ginen. Urte bitik, hamahiru hilabete baimenarekin egin
nituen. Hilabete egiten nuen Burgosen, eta hilabete Zaldibarren. Soldadutzan bertan, enpresarako lanak egiten nituen:
krokisak, planoak... Postaz hona bidali eta horrela. Baina ez
nion gure lanari aurrerabiderik ikusten: eutsi besterik ez genion egiten. Eta 1950ean neure enpresa ipini nuen: «Manufacturas Lasuen». Alemaniako lizentziaren jabe egin nintzen
eta nekazaritzarako produktuak egiten hasi nintzen, traktoreen jarleku esekiduradunak, traktore kabinak...
Zer du inguru honek? Hainbeste enpresa txiki izan da hemen
hauetan...
Lehendik dator hori. XX. mendean arma tailer txiki asko
zegoen hemen. Zaldibarren, baita baserri batzuetan ere. Lau
baserritan bai, behintzat. Hori, gerra aurretik! Eta Zaldibar
arma zonaldeko azkeneko herria da! Arrasaten hasten da zo
52
MIEL A. ELUSTONDO
naldea: Arrasate, Soraluze, Elgoibar, Eibar, Ermua eta Zaldibar. Horixe zen arma zonaldea. Tailer txikitan asko egon da
hor. Batzuk txispagintzan, beste batzuk baskulak doitzen...
Horrela. Ez hori bakarrik. Mutiko nintzela, eta ez hain mutikotan ere bai, lisatzeko burdinak, estufa modukoak... etxetresna elektrikoak egiten ziren hemen. Gerra aurretik bi tailer zeuden Zaldibarren. Esan nahi dut zure tailer kontu hori
ez dela berria. Gerra aurretik dator. Eibarren eragina ere
izango da; arma tailer txikiak irekitzea, esan nahi dut. Dena
bertan Eibarren egin beharrean, hainbat lan inguruko herrietan egiten zuten. Eibarren ofizioa ikasi eta norberaren
herrian ireki tailerra egiten zuen jendeak. Hala ere, Eibarren
egingo zuten lanik inportanteena, azkeneko doitzea, alegia...
Zaldibarko Koral Elkartea
Labayru Ikastegiko buru Ander Manterolak honela idatzia
du Zaldibarko Koral Elkartearen gainean: «Abesbatza hau, hirurogei urtean, herriko kultura eta baita kirol esparruaren suspergarri izan dogu. [...] Gaur egun urrin gelditzen jakun 1945
hartan, hain zuzen be orduko sasoian 21 urte eukazan Balendin Lasuen gaztearen ekimenez, Zaldibar Koral Elkartea eratu
eta taldearen lehenengo ekitaldia San Andres eguneko Meza
Nagusian izan zan, herriaren jai nagusian». Gerra osteko euskal mugimendua Zaldibarren Balendin Lasuenek hasi zuen, koruaren bidez. Korua, dena den, egiazko kultur elkartea zen.
Urte askoan Zaldibarko herrian egin izan ziren, eta egiten diren, hainbat kultur ekintza Koral Elkartearen eraginez egin ziren. Ekimen zerrenda luzea osatu zuen elkarteak: solfeo, txistu, piano, gitarra, trikitixa eskola, antzerkia, dantzak, Olentzero, Agate deuna, errege kabalgata, abesbatza eta musika kontzertuak, marrazki, margo, argazki eta etnografia erakusketak, aurresku eta trikitixa txapelketak, eskulan eta idazlan
lehiaketak... Horrekin batera, elkarteak herriko hainbat pertsona ospetsuri omenaldia egin zien eta, bestalde, behartsuei
53
BALENDIN LASUENI ELKARRIZKETA
laguntzeko ekitaldiak ere antolatu zituen. Koruari berari dagokionez, Zaldibarren eta Bizkaian egin izan ziren abesbatza
emanaldietan ere parte hartu ei zuen.
«Ez dago zalantzarik. Gerra amaitu ostean Koral Elkartea herriaren kultur motorra izan dala, eta gaur egun be kultur lana egiteko eta jarraitzeko erreminta baliotsua dala». Zuk idatzia da.
Hala izan da.
Askotariko ekitaldiak gorabehera, musika izan da behinen. Musika, lehenengo, zure zaletasunetan, kultur mundura bideratu
zintuena...
Aspalditxoan naiz musikazalea. Bost urte ikasi nuen musika. Baina hori baino lehenagoko kontuak ere badira. Zaldibarko organistaren semea, Felipe Zabala, gerran hil zen.
Koruko zuzendaria zen. Nik, haren aitarekin —hau da, organistarekin—, ikasi nuen solfeoa eta zuzentzen ere bai,
apur bat. Eta parrokiko korua zuzentzen hasi nintzen. Nire
gogoa zen elizako kantuak bakarrik barik, bestelakoak ere sartzea, kontzertuak emateko. Baina, orduan ere bazen lege bat, Vatikanokoa, eta
haren arabera emakumeek korura ezin zuten
igo. Gizonak, eta mutikoak; tipleak-eta. Koruan, mezak kantatzen genituen. Tipleak baneuzkan, baina neskekin koru mistoa egin eta
kanpora atera nahi nuen, kontzertuak ematen.
Elizan, kontzertuak ere ezin ziren eman! Kantu erlijiosoak bai, baina bestelako musikarik
ezin zitekeen han erabili. Eta nik hori nahi
nuen, bestelako musika ere bai! Parrokian, elizako koruaz jarraitu eta, handik aparte, korua
osatu gura nuen, nahiz eta bateko eta besteko
korukoak denak pertsona berak izan, gehienak
behintzat. 65 laguneko korua eduki nuen, neska eta mutil.
Kontzertuak ematen genituen, antzerkia egiten... Durango,
Elorrio, Markina, Berriz... inguruan ibili ginen.
“ ”
Koruan, kantu
erlijiosoak bai,
baina bestelako
musikarik ezin zitekeen han erabili.
Eta nik hori nahi
nuen, bestelako
musika ere bai!
54
MIEL A. ELUSTONDO
1950ean ireki zenuen zeure tailerra eta, aldi berean, taldeak eta
ekintzak antolatzen ari zinen: korua ez ezik, kirol taldea, mendizale taldea...
Bai, bai... 40 urtez-edo egon naiz koruan zuzendari, adibidez. Egunez enpresan beharra egin, afaldu eta afalostean
entsegua. Astean hiru entsegu. Eta kirol taldea... Zein urtetakoa da?
1942koa.
Hemezortzi urterekin sortu nuen. Pilota eta mendia, biak
egiten genituen...
Korua, 21 urte zenituela antolatu zenuen, soldadutzara baino
lehen. Gerra osteko giroa tristea izanagatik ere!
Bai. Lehen esaten hasi naiz baina ez dut amaitu. Lehenengo kultur errenazimendua Primo Rivera aurretik izan zen,
eta Primo Rivera agintean egon zen denbora guztian iraun
zuen, Errepublika arte. Mugimendu izugarria izan zen. Nik,
Zaldibarren, bigarren errenazimendua —horrela esan nahi
baduzu—jarri nuen martxan koru mistoa eratu nuenean.
Eta kontzertuak ematen hasi ginen. Antzerki taldea ere sortu nuen. Horiek jarri nituen martxan, egunez lanean eta
gauez entseguak eginez. Eta ezkondu eta gero ere, berdin.
1951n ezkondu nintzen eta ezkondu ostekoa da koruarekin
egin dudan etaparik garrantzitsuena. Esan behar dut jende
baliotsua eduki dudala beti nire inguruan.
Politika jarduna guztiz galarazita zegoen, bistan da.
Bai, jakina. Gure taldeen izenak ere halakoxeak ziren: «San
Bizente parrokiako dantza taldea». «Halako parrokiako korua»... Kamuflajea zen dena. Guk, Zaldibarren, koralaren
izenean egiten genuen dena. «La coral de Zaldibar organiza
la cuarta edición de exposición de etnografía», «Grupo de
teatro de la coral»... Dena horrela, kamuflajea beti. Gerediagako presidente egon nintzen denboran ere, zerbait antolatu, programa gobernu zibilera bidali baimena eskatzen eta
55
BALENDIN LASUENI ELKARRIZKETA
kantak itzultzeko esaten zizuten. Itzulpena ere halakoa izaten zen, komenentziaren araberakoa! Komeni ez zena kendu eta aurrera. Helburua baimena lortzea zen.
Garai honetan, Jose Antonio Agirre ezagutu zenuen...
1955ean egon nintzen Agirre lehendakariarekin Parisen,
Eusko Jaurlaritzak han zuen egoitzan. Bere bulegoan agurtu nuen.
Zertan zinen zu Parisen?
Urte batzuetan joan nintzen hara. Urrian, Automobilaren
aretoa izaten zen. Urrian. Francoren Arraza egunean egon
nintzen lehendakariarekin. Orduantxe urtean Citroenek
Marrazoa modeloa atera zuen. Azoka ireki zen egunean Luis
Mariano ere han zegoen. Hantxe ezagutu nuen. Gero, haren
opereta bat ikusten ere joan nintzen. Esan nahi dut hainbat
bider joan nintzela hara. Enpresa sortu eta nekazaritzarako
gauzak egiten hasi nintzenean nekazaritza azokara ere joaten nintzen Parisera; urtero. Italiara ere bai, Bolognara. Nobedade gehienak azoka horietan agertzen dira eta joan egiten nintzen. Eta, ahal bazen, kontzerturen batera joaten nintzen, operaren bat ikusi, politikariren bat bisitatu... Horretan saiatzen nintzen.
Zer gomuta duzu Jose Antonio Agirreri egin zenion bisitaz?
Oso ondo hartu ninduen. Galdera infantila egin niola ere
gogoratzen naiz. «Noiz etorri behar duzu Euskal Herrira?»,
nik. Eta haren erantzuna: «Zuek gura duzuenean». Esan gura zuen euren aldetik ezin zitekeela ezer egin, hemen egin
behar zela eurak hona etortzeko bidea! Horrela ezagutu
nuen. Eta haren hiletara joan ginen, jakina. Gorpua ikustera joan ginen. Monzonen jauregitxo batean eduki zuten. Iskanbila ere izan zen hara joan ginenean. Itxura, Bilboko polizia sekretu bat infiltratu zen han, zer zegoen edo zeintzuk
bildu ziren ikusteko. Nik handik aurrera nobedadeak izan
nituen... Lehen bizi nintzen etxe baten alboan, guardia zibi
56
MIEL A. ELUSTONDO
letako sarjentu bat bizi zen. Hark zer edo zer aditzera eman
zidan, erdi berbetan, baina ulertzeko moduan. Iparraldean
ibiltzen nintzenean-eta, alegia, bazekitela non ibiltzen nintzen. «Kontuz ibili!» edo horrelako gomendioa egin zidan.
Bazekiten zertan ari zinen: korua, dantza taldea eta gainerakoak... Zu Zaldibarren ari zinen, beste hainbat lagun beste zenbait herritan...
Bai, baina ez dakit zenbateraino. Ni neure
munduan sartuta nengoen, hementxe, Zaldibarren. Baina, horretarako, herriak ere eduki
behar du... zer bat. Pertsona batek bakarrik ez
du hori egiten. Pertsona motorra izan liteke,
baina herriaren sentimendua ere... behar da.
Ez nuke konparaziorik egin gura, baina Berriz,
gure alboko herria, oso diferentea izan zen.
Hemen beste maila bat egon da, sentsibilitate
handiagoa, eta nik hori aprobetxatu nuen, gaztetan saiatuta.
Bakarrik ari zinen edo bazenuen laguntzailerik?
“ ”
Pertsona batek
bakarrik ez du
mugimendua egiten. Herriak ere
behar du... zer bat
Laguntzailerik... Laguntzaileak denak izaten dira modu batera edo bestera. Nik taldetxo langile eta leiala nuen alboan.
Koruaren zuzendari egon nintzen denboran beti edukitzen
nuen bigarren bat, nik ezin banuen bestek jarraitzeko.
Benetako kultur elkartea zen Korala. Askotariko ekitaldien artean, hitzaldiak antolatzen ere jardun zenuen...
Lehenengo hitzaldia 1954an antolatu genuen. Energia nuklearrari buruz berba egin zuen kimika ingeniari batek.
Handik bi urtera, beste hitzaldi bat, Santi Onaindiak egin
zuena, Kirikiñoren lanen gainean. 60ko hamarkadan hitzaldiak ugaritu egin ziren. 1969an ez zen hitzaldi bat izan, ziklo bat baino. Orduan, Zaldibarren izan genituen Rikardo
Arregi, Juan San Martin, Gabriel Aresti, Joan Mari Torrealdai, Abel Muniategi eta Patxi Uriarte. Handik aurrera, ia urtero izan genuen norbait, hitzaldiak ematen. 1975ean hasi
57
BALENDIN LASUENI ELKARRIZKETA
ta, berriz, etnografia erakusketak egin genituen eta Joxe
Miel Barandiaran, Juan San Martin, Ander Manterola eta
beste batzuk izan genituen Zaldibarren... Hitzaldiak oso
gauza inportantea izan ziren koralarentzat. Eta etnografia
erakusketak ere bai.
Etnografiari buruzkoak dira zure lanetako asko...
Bai... Hemen inguruan egiten ez zen gauza zen etnografia
erakusketak. 1975ean lehenengoa egin genuen, eta gero hurrengoak. Eta gero eta hobeak! Laugarrena izan zen ederrena. 1981ean egin genuen. 700 elementu baino gehiago erakutsi genituen, etxeko altzariak, era askotako apaingarriak,
artisau lanak, zeramika, kobre, brontze eta burdinazko ontziak, liburuak, agiriak, jantziak, armak... gauza mordoa. Herriko eskolan egin genuen, eraikineko bi solairuetan, zortzi
geletan. Kanpoko aldean, berriz, ortu eta soroan beharra egiteko tresnak ipini genituen: goldeak, areak eta horrelakoak...
Gogoan duzu erakusketa, inondik ere.
Bai, oso ederra izan zen eta. Erakusketa irekitzerakoan,
Ander Manterolak egin zuen hitzaldia. Amaieran, berriz,
Euskalerriaren Adiskideen Elkarteko buruak, Juan Ramon
Urkixok.
Gerediaga elkartea
Gorago esana dugunez, Gerediaga elkartearen lehendakari
izan zen Balendin, kultur elkartea sortu eta lehenengo urtea
bete orduko. Gerediagan beste dimentsio bat hartu zuen Lasuenen kultur egarriak. Urte asko lehenagotik Zaldibarren Koral Elkartearen bidez egiten ari zen lan eskergak tamaina eta
oihartzun handiagoak izango zituen Durangaldeko elkarte
sortu berri haren bitartez. Gerediaga sortu zela jakin bezain
laster elkarte hartan bere izena eman guran zen Balendin Lasuen. Baita eman ere. Handik urtebetera Gerediaga zuzentzea
egokitu zitzaion...
58
MIEL A. ELUSTONDO
Gerediaga elkartea sortu zenean ez zinen bakarrik ari izan. Nola izan zenuen elkartearen berri?
Ez dakit zer egunkari izango zen. La Gaceta del Norte, uste dut. Irakurri nuen Durangon elkarte berri bat sortu zela,
euskal kultura, liburuak, pintoreak... laguntzeko, euskal kulturaren alde lan egiteko. «Hauxe duk nirea!», pentsatu nuen.
Eskutitza idatzi nion elkarteari, esanez zer poz hartu nuen
albiste harekin, beti sentitu izan nuela horrelako zerbaiten
gogoa, eta bazkide izateko eskatzen nuen. Leopoldo Zugaza
izan zen hura sortzeko motorra. Gero, harekin egon nintzen, eta esan zidan: «Esa carta la voy a conservar en mi casa» (Eskutitz hori etxean gordeko dut). Badakizu, euskaltzalea da baina euskaraz ez zekien. Handik denbora gutxira,
lehenengo batzar nagusia egin zen. Elkarteak esaten zuen
Durangaldeko antzinako merindadeko herriek parte hartuko zutela bertan, eta gura zuten, sinbolikoki, herri bakoitzak pertsona bat izendatuta eduki zezala zuzendaritzan.
Orduan han ziren Arrate Salazar, Jose Luis Lizundia eta bata eta bestea. Ni Zaldibarko ordezkari legez izendatu ninduten zuzendaritzan. Presidente, Durangoko neska bat zen,
Kontxita Astola. Hasi eta urte eta erdi ingurura, ez dakit elkartean zer pasatu zen, ez elkartean bertan, zuzendaritzako
kideen artean baino. Euren artean zer edo zer gertatu zen
eta Kontxita Astolak utzi egin zuen. Ni lehendakariorde
nintzen orduan eta, automatikoki, lehendakari izatera pasatu nintzen. Zuzendaritza berriztatzeko hauteskundeak egin
genituen eta berriro aukeratu ninduten. Sei-zazpi urte inguru egingo nituela uste dut. Sasoi hartan, enpresan ere martxa handian sartuta nengoen, ardura handia ere baneukan.
Gerediagan, berriz, zuzendaritza zegoen batetik, eta batzar
txikia, bestetik; batzorde iraunkorra, esaten dena, edozein
momentutan, edozein tokitan bildu eta behar diren erabakiak hartzeko. Nik Berrizen daukat enpresa, eta nire enpresara etortzen ziren batzar txiki horiek egitera. Etxera ere bai,
sarritan. Neure emazteak ere esan izan du inoiz: «Zenbat
59
kafe eman ote ditut nik Gerediagarendako!».
Neure bulegoan egiten genituen batzar txiki
haiek, arratsaldeko bostetan, zazpietan, edo eurei ondo zetorkienean. Gero, askotan, lanean
jarraitzen nuen enpresan. Horrela egiten genuen lan.
Gerediaga elkartea Durangoko liburu eta disko
azokaren sinonimo da parte handi batean. Baina
Gerediaga hori baino gehiago da, ala?
Bai, bai... Egia da liburu azoka Gerediaga
sortu eta urtean bertan egin zela, baina elkarteak egin zuen lehenengo-lehenengo egintza,
margolan erakusketa bat izan zen. Garain egin zen, Valentin
eta Ramon Zubiaurreren etxean. Euren obren erakusketa
antolatu genuen, Santiago egunarekin. Zubiaurretar haiek
Garaikoak ziren. Tira, Ramon Madrilen jaio zen, baina Valentin Garain. Haren aita, Valentin Maria, musikaria zen,
eta Espainiako erregearen kapera zuzendaria. Kargu handia, gero! Beraz, erakusketa hura egin genuen lehenengo,
eta liburu azoka gero, domu santu egunez. Margolarien alde saiatu ginen Gerediagan hasierako denboran. Baziren
margolari eta eskulturagileak lanean, Gaur izeneko taldean,
eta beste batzuetan, lurraldez lurralde. Guk, Gerediagan,
haiek denek elkar ezagutu eta harremanak edukitzen saiatu
ginen. Akordatzen naiz batzarra egin genuela Garaiko ganbaran —leku ikusgarria da, handia, zabala...—, eta hantxe
bildu ziren asko.
Ardi txakurren lehiaketa ere egiten zenuten...
Eta oraindik ere egiten da! Eta ezpata dantzari eguna. Urtero-urtero egiten da, herriz herri. Hau da, merindadea osatzen
duten hamaika herrietan dabil eguna, txandaka. Antzerki topaketa ere antolatu genuen. Argitalpenak ere baditu Gerediagak, Durangaldeari buruz... Liburu azoka baino gehiago da
Gerediaga elkartea. Mugimendu izugarria izan da...
60
“ ”
Emazteak esaten
du: «Zenbat kafe
eman ote ditut
nik Gerediaga
rendako!»
BALENDIN LASUENI ELKARRIZKETA
MIEL A. ELUSTONDO
«Izan da», ala «da»?
Da. Azoka esaten da, baina uste dut lehenengo azokan hamaika stand eduki genituela, eta ez eurak etorri zirelako, bila joan ginelako baizik. Borondate ona zeukaten, bai, baina
pentsatu ere egiten zuten: «Hauek ze saltsatan sartu behar
gaituzte orain!». Orain alderantziz da.
Egia al da Durangoko azokaren ideia Andoni Esparzak eman ziola Leopoldo Zugazari, hau liburu batzuk argitaratzeko-edo laguntza eske joan zitzaionean Andoniri Elorriora?
Baliteke. Andoni Esparza beste motor bat izan zen. Gero
Iruñera joan zen eta ez dut aspaldi ikusi. Haren anaiarekin
bai, izaten naiz...
Nola ikusten duzu, gaurtik, orduko gogo hura?
Nik esango nuke orain akomodatu egin garela. Denetik
dago. Lehengo intentsitatearekin lan egiten duen jendea ere
badago oraindik, baina askok nahiago du erraz bizi. Kulturan, motelaldia dago. Gazteek ez ezik, nagusitxoago direnek ere euren ardurak dauzkate, seme-alabak eta beste.
Baina guk ere bageneuzkan horrelakoak. Hala ere, horren
gainetik ere, beste kezka bat geneukan, orain ez dagoena.
Orain jendea errazago bizi da. Dirurik ez zaio inori sobratuko, seguruenera; alde horretatik jendea nahiko estu dabil:
lana egin, seme-alaben gero eta gastu handiagoak... Bestalde, uste dut jende asko erosokerian bizi dela. Abertzaleak
izango dira, bai, baina ez daude guk egin genuen esfortzuaren tamainakorik egiteko prest. Egia esan, nik ez dut esfortzu kontsideratzen egindakoa. Pozik egin dut egin dudana,
eta berriro uste dut egingo nukeela. Bizimoduak molde berriak hartu ditu. Jende asko, lanetik irten eta gimnasiora,
edo igerilekura joaten da... Guk ez geneuzkan bideak bilatu ditu jendeak. Guk beste ardura batzuk geneuzkan: gure
herriko arazoak, politika, euskara, kultura, artea, liburutegia, erakusketak...
61
BALENDIN LASUENI ELKARRIZKETA
Ardura horietarik batzuk administrazio, erakunde, eskola, euskaltegi eta bestelakoen bitartez bideratuta daude...
Eta uste dugu egitekoak horien esku utzita nahikoa dela.
«Kobratu egiten dute, asko gainera!», pentsatzen dugu, eta
egin dezatela lan eurek.
Zer gertatu da euskararen erabilerarekin, Balendin?
Jaurlaritzak baditu euskara eta kultura laguntzeko departamenduak, jendea, dirua... baina ez dakit zer emaitza izango dugun. Inoiz, eskolara joan izan naiz, herriko jaiak zelan
ziren aditzera emateko. Umeak zirikatzeko ere aprobetxatzen nuen: «Ikusten dut zuek euskaraz ederto dakizuela,
baina kalean ikusten zaituztet eta erdaraz sumatzen zaituztet. Hori zergatik egiten duzue? Zer dela-eta?». Askok gurasoak erdaldunak dauzkate, euskaraz ez dakitenak. Badakit
haiek etxean ez dutela euskaraz egingo. Ez dakienarekin
ezin euskaraz berba egin, baina kalean, dakitenen artean,
euskaraz ez egitea? Kostatuko da horri buelta ematea. Itxura, ezin dute asmatu zelan konpon litekeen hori.
Hori bera gertatzen da Durangoko azokarekin? Jende lamada
bai, baina erdara asko, eta egunpasa eta molde berriko erromeria eguna. Zuk esana da, azokaren gainean: «Ni ez naiz inor ezer
esateko, [Gerediagako] bazkide soila naiz, baina argi dago azoka topaleku bilakatu dela, urtean ikusten ez ditugunak han ikusten ditugu, eta batzuetan, familia osoak umeentzako orga eta
guzti ikusten ditudanean, zalantzak izaten ditut. Argi dago jende asko joaten dela doan delako, baina ez daukate interes handirik. Hala izan behar da? Ez dakit».
«Jende asko egon da», esaten dute gero. Urte batzuetan,
onar liteke. Baina uste dut gauzak hobetzeko probak egin
behar badira, egin behar direla. Sarrera kobratzea izan liteke bat, nire iritziz. Senar-emazteak, orga esku batean; bestean,
beste ume bat, korridorearen zati handi bat hartzen dutela.
Joaten dira mostradorera, denak hantxe, begira, liburu
apartatu guran —eta ondo dago—, baina... Ez dut batzarre
62
MIEL A. ELUSTONDO
tan ezer esateko aukerarik eduki, baina Gerediagak pentsatu beharko lukeela uste dut.
Uste dut zuk esana dela, lasaitasun eta patxada handiagoak
nahiko zenituzkeela Durangoko azokan.
Bai. Dudarik gabe.
Liburuzale
Zaldibarko etxean eta Berrizen ditu liburuak. Zazpi bat mila.
Etxeko langelan bistan dira bi mila liburu. Haiek inguraturik bizi da, gustura, eta gustuko lanean, herriaren historiari dagozkion askotariko alderdiak lantzen eta sakontzen.
Liburuz hornituriko bulegoaren alderdi batean, Sabino Aranaren argazkia, orain artean izan diren lehendakari guztienak,
eta etxekoenak. Berrizko fabrikan ditu etxean ez dituen milaka liburuak: bost bat mila liburu. Bestalde, museoa ere badu
han, baserritarrek erabili ohi zituzten lanabesak, pilotarien
erremintak, historia duen ikurrina eta beste...
Liburuzalea zaitugu...
Bai, gazte-gaztetatik.
Gurasoen dendan egunkariak irakurtzen zenituen garaitik?
Baliteke. Lehenengo, egunkariak irakurri nituen eta, gero,
hemezortzi-hemeretzi urterekin, klasikoak. Hemen ditut orduan irakurri nituenak: Milton-en El paraíso perdido, Shakespeareren Tragedias, Platonen Diálogos, Fausto Goetherena, Homeroren Ilíada... eta musikaren gaineko asko. Hemezortzi bat urte nituela hasi eta soldadutzara bitartean irakurri nituen. Soldadutza ere ondo aprobetxatu nuen nik. Apur
bat ingelesa ikasi, bi ekintzako antzerki bat euskaraz idatzi...
Antzerki lana idatzi zenuen euskaraz?
Bai. Gipuzkeraz idazteko ohitura hartu nuen Bitor Garitaonandiaren lanak irakurriz. Haren jarraitzaile legez jardun nuen.
63
BALENDIN LASUENI ELKARRIZKETA
Ez nuen zure antzerki lanaren berririk batere...
Garbiñe zuen izena. Bi ekintzako obra, gipuzkeraz idatzia... Ez nuen argitaratu, baina prest neukan antzezteko.
Pertsonaiak ere izendatuta neuzkan, zeinek zein jokatuko,
baina ez nuen gauzatu.
Zergatik ez?
Lanpetuta ibiliko nintzen garai hartan! Badakizu, pentsa
tutako dena ezin izaten da egin!
William A. Douglass antropologoak behin esana datorkit gogora: «Erakutsidazu liburutegia eta esango dizut nor zaren». Zer
den zure etxeko liburutegian jakin gura nuke... Ikusten ditut liburukote batzuk, bai, Auñamendi, Harluxet eta Lur entziklopediak, Orotariko Euskal Hiztegia, Hermes bilduma...
Nire liburutegiak, gehiena, euskal gaiko liburua dauka.
Hori, batetik. Bestetik, klasikoak: euskal klasikoak, klasiko
unibertsalak, musikagileak, operagileak, sinfoniagileak...
Artea, etnografia... Denetarik. Niri dena gustatzen zait.
Gauza asko gustatzen zaizkit niri... Hor gozatzen dut. Ez
naiz ibiltzen «halako egunetan, klasikoak. Bestelako hauetan, musikariak». Ez, datorren eran hartzen dut liburu bat,
edo beste bat, eta irakurtzen dut.
Zure idazlanetan historia gaiak landu dituzu, batik bat.
Ume-umetatik neukan zaletasuna. Historia eta geografia.
Horixe izan zen nire ikasgairik gogokoena. Ume-umetatik
izan ere. Ez dakit nondik etor litekeen zaletasuna. Baliteke
gure aitari zor izatea. Gure aitak sei urte egin zituen Ameriketan, AEBetan. Hura handik etorri zenean ni artean jaio gabea nintzen. Mutiko nintzela, berriz, hango kontuak galdetzen genizkion, zer egiten zuen eta bat eta beste. Berak, zer
estatutan egon zen esaten zigun, zelan batean egon zen lehenengo eta gero beste batera pasatu zen, eta azkenean Idahon
egon zena. Horrela, kontatzen. Esaten zuen, beraren anaia bat
soldadutzara joateagatik joan zela bera Ameriketara. Itxura,
64
MIEL A. ELUSTONDO
Historia eta
geografia izan
dira mutikotatik
nire ikasgai
gogokoenak
“ ”
orduan «kuotako soldaduak» zeuden, eta modu hartan soldadu joan behar zuen anaiari ordaintzen joan zen gure aita
Ameriketara. Sei urte han egin eta heldu zenean guardia zibilak zain zeuzkan etxean, soldadutzara eroateko. Uste dut hogeita hiru urterekin etorri zela, eta etorri eta bertan egunean
Salamancara soldadu eroan zuten. Hiru urte
egin zituen. Aurretik armagin ikasita zegoenez,
soldadutzatik etorri eta armagin jarraitu zuen.
Gero, amarekin ezkondu, denda erosi eta gainerakoak. Ez dakit aitak kontatzen zituenetatik
etorri zitzaidan zaletasuna, baina kontua da historia eta geografia izan direla mutikotatik nire
ikasgai gogokoenak. Eta begira, hor nabil, aztertzen, idazten eta publikatzen. [«Herriko Kondaira Koadernoak» bildumako ale bat du mahaian,
bere aurrean. Bildumako 26. zenbakia da, azalean ageri duenez. Lehen froga itxura du, azken
bertsioa argitaratu aurrekoa.] Oraintxe egiten
ari naizen ikerketan, esaterako, dorretxea eta inguruko etxeak aztertzen ari naiz. Bertan, bi leinuren historia
dakart. Batetik, Garitaonandia leinua. 1520raino heldu naiz.
Zortzi belaunaldi osatu ditut. Zortzigarren belaunean leinua
agortu egiten da. Gizonezkorik ez leinuari segida emateko,
eta kito. Emakumezkoa zen maiorazkoa, Garitaonandia abizena zuena, Zabala batekin ezkondu zena. Bigarren adar horretatik, bost belaunaldi gehiago ere aztertu ditut: guztira hamahiru belaunaldi, familia horretakoak. Abadeak, mojak, alkateak, juezak... denetarik agertzen da hor.
Hala liburu txikiak nola handiak, bilduma osoak eta ale solteak
dituzu zure langela eta liburutegian. Ondoan behar dituzu liburuak, inondik ere.
Bai, bai... Liburuak, eta loreak.
Loreak?
Lorezalea naiz.
65
BALENDIN LASUENI ELKARRIZKETA
Ohitura zaharrak, dantzak, antzinako jantziak... Etnografia lan
handia egin duzu. Mundu baten galera erakusten dute zure
idazlanek...
Pasatu den mundu bat, ezta? Aldakuntza itzela gertatu da
urte gutxian... Laurogeita lau urte egin berri nago eta gogoan
dauzkat urte horiek denak. Gehienak, behintzat. Eta aldatu
ere zelan aldatu den mundua! Ama laurogeita hamabost urte eginda hil zen. Aita, berrogeita laurekin. Amak kontatzen
zituenak entzun eta konturatu nintzen zelako aldakuntzak
ikusi zituen. Orain, berriz, neu pentsatzen hasten naiz eta
horixe esaten dut, alegia, neuk ere zenbat aldakuntza ikusi
ditudan! Amaren aitak, aitaita Domingok, esaten ei zuen, urpekoa asmatu zutela-eta, gustatuko litzaiokeela ikustea. Interesa zuen, nonbait. Bada, esaten ei zuen: «Bai, hori gauza
handia dok, baina airekorik ez juek asmatuko!».
Kar, kar, kar...
Amak kontatuta, hori. Eta guk ere, zelako aldakuntzak ikusi ditugun! Bai ohituretan ere, jakina! Gure ume denboran,
gazte denboran, etxeetan ez zegoen irratirik ez bestelakorik
eta, orduan, berba asko egiten zen. Afalostean, egunero, kontua kontatu, bromak egin eta horrelakoak: gurasoekin berba!
Gurasoen sentimenduak eta ibiltzen zituzten ardurak ikusten genituen. Gaur egunean, alde batetik presaka bizi da jendea; beste alde batetik, hor da telebista... Ikasi eta ikusi, bai,
baina etxekoekin harremana, ez. Eta horrela, gizartea aldatuko da. Badoa aldatuz. Badakigu izugarrizko aldakuntzak izango direla, baina zein arlotan eta zein mailatan... Hori ezin liteke asmatu. Herenegun, gure ilobari esan nion. «Zer, jakin
dituzu kurtsoko notak?». Berak, gehienak baietz baina bi edo
hiru jakitea geratzen zaiola oraindik. IVEF ikasten ari da eta,
nik: «Eta horiek jakitera noiz zoaz Gasteizera?». «Aitaita, horiek Internetetik jakiten ditut!». «A, banekien, banekien!».
Nola ikusten duzu zure umetako Euskal Herria eta oraingoa, tradizioari dagokionez?
66
MIEL A. ELUSTONDO
Gaur gehiago daki gazteak tradizioari buruz. Hein batean,
ikasketak egiteko aukerak eduki ditu, eta bitartekoak ere
bai. Baina sentimenduari dagokionez, ez dakit. Guk euskara, euskal zaletasuna, aberria... sentitzen genuen moduan...
Gazteak gauza asko dauzka, egiteko. Nik uste dut konpromisorik ez hartzeko joera duela gaur eguneko gazteak. Asmorik ere ez. Ez dute loturarik nahi.
«Sagarrak daude ustelak / mikaztu dira upelak / lehengo aldera
orain gara gu / abertzale txit epelak». Horra Joseba Sarrionandiaren kopla. Horrela ote da, Balendin. Lehengo aldean, abertzale epelak oraingoak?
Bai, dudarik barik. Abertzale epelak. Bai, bai, bai... Sutsuagoak ginela esango nuke. Benetan maite genituen gure ohiturak eta gure gauzak. Oraingoak baino zintzoagoak izan
ginen politikan, kulturan eta bestelakoetan. Gaur egun, gazteak... Kontatuko dizut. Lehengo batean, arratsaldean, andrea eta biok pasieran, eta neskato bi. Pozik zetozen eta
«Zer, gaur ez daukazue eskolarik, ala?». «Ez, orain oporretan gaude». «Notak zelan?». «Ondo, ondo». Horrelako kontuak. Eta gero: «Pentsatu dut erdaraz berbetan ibili zaretela». Eta, «Bai...», irribarre txiki bat eginez, haiek. «Baina
zuek badakizue euskaraz». «Bai, jakingo ez dugu, ba!». «Egizue gehitxoago. Ez dakizue ze polita den. Eta, gainera, entzun dut egin dituzuen hitz gutxiak eta oso polito egiten duzue». Poza hartu zuten, baina gero, alde egin zutenean, ez
jakin, ezta? Guk euskaltasuna barrutik sentitzen genuen.
Lehen, nire ume denboran, erdaraz ez genekien... Nik apur
bat bai, etxera Bilbotik-eta etortzen ziren saltzaileak erdaldunak zirelako. Bergaratik-eta etortzen zirenak, berriz, euskaldunak ziren. Beti eduki nuen aukera hori, berbetan eta
harremanetan aberasteko... Saltzaileetako bat Karlos zen.
Urtean bi edo hiru bider etortzen zen, kutxa handiak zekartzan, gauzak erakusten. Aurretik postal bat bidaltzen zuten:
«Karlos joango da, halako egunetan, goizeko zortzi eta erdietako trenean. Har ezazu, faborez». Goiz guztian han iza
67
BALENDIN LASUENI ELKARRIZKETA
ten genuen, bata erakutsi, bestea erakutsi, eskariak egin...
Gurasoak ere saiatzen zitzaizkigun: «Bihar Karlos dator. Ea
zelan agurtzen duzuen!... Ea, esan zuk, Balen: ‘¡Hola, Carlos! ¿Cómo está usted?’. ‘Muy bien, gracias. ¿Y tú?’». Akabo!
Hor amaitzen zen gure erdara. Besterik ez. Berba gehiago
esaten bazuen...
Noiz sartu da gaztelaniaren sitsa Zaldibar bihotzean?
Eskolan ez zen euskararik egiten. Eskola erdaraz ikasten
zen. Erdaraz ziren liburuak eta denak. Adibidez, geografia
eta historia zalea ni —esan dizut—, eta : «A ver, Valentín, la
lección 33: América del Sur» (Ea, Balendin, 33. ikasgaia:
Hego Amerika). Eta han esaten nuen nik, erretolika! «Muy
bien» (Oso ondo). Bai, esaten nuen, baina zer esaten nuen
jakin barik. Ikasgaia buruz ikasita! Hego Amerikan zenbat
nazio ziren, zeintzuk ziren, errekarik handienak eta bat eta
beste. Horrela.
Eskola gaztelaniaz jaso arren, euskaraz segitu zenuten lagunartean, jolasean, etxean... Noiz jabetu zen gaztelania euskararen
eremuez Zaldibarren? Noizdanik izan duzu neskatoei «Egizue
euskaraz» esan —ia erregutu— beharra?
Gerra ostean. Gerra ostean euskara galarazita egon zen, badakizu. Gainera, atentzioa deitzen zizuten. «¡A ver si hablas
en castellano!» (Ea gaztelaniaz hitz egiten duzun!). Batzuetan, «en cristiano». Laster, 50eko
hamarkadan, kanpoko jendea hasi zen sartzen.
Hemen tailerrak zeuden eta lanera etorri ziren. Denbora hartan etorritako batzuek euskaraz ikasi zuten. Orduko lagun bat daukat
gaur egun Bartzelonan bizi dena. Santanderretik etorritakoen umea zen: Migel Corral
San Emeterio. Alfan egiten zuen behar, Eibarren. Alfan berton egin zuen prestakuntza eta
Bartzelonara joan zen bizi izatera, makinak
konpontzen, saltzen, erabiltzen erakusten...
“ ”
68
Denbora hartan,
kanpotik etorritako
umeek euskara egi
ten ikasi zuten
MIEL A. ELUSTONDO
Han bizi da, eta lehen berba egiten zuen modu-moduan,
berdin, egiten du orain euskara. Oso ondo, trabatu eta geldiunerik-eta barik... Horrekin esan gura dut denbora hartan, kanpotik etorritako umeek, gehienek ikasi zutela euskara egiten. Baina, gero, 60ko hamarkadan, enpresak gehitu
ziren, kanpo jendea ere gehiago etorri zen eta, jakina, euskara kalean entzun ere ez.
... Arantzazuko batzarrean izan zinen 1968an...
Bai. Gerediagako lehendakari nintzen ni orduan. Gordeta
daukat orduko «familia argazkia».
Hantxe ikusi zaitut zu...
Lizundia eta biok joan ginen. Ni presidente eta Lizundia
idazkari. Harremanak genituen Rikardo Arregirekin eta
beste askorekin... Kongresu horren aurretik, Juan San Martin, eta Imanol... Zelan zen hura... Eibarkoa...
Laspiur.
Imanol Laspiur! Arantzazukoa baino lehen, batzar bat egin
genuen Ermuan, Gerediagak antolatuta —Jakin-en dago jasota (1968, 31-32 zenbakia)—, euskara batuari buruz. Badiotsut, kongresu aurretik egin genuen, euskara batuaren premia aztertzeko. Lehenengoetan, pena ematen zidan batuak,
baina laster konturatu nintzen haren premia geneukala. Iparraldera sarri joaten nintzen, eta ezin ulertu! Zuberoan, batez ere, tutik ere ez! Behin, joan nintzen pastorala ikustera,
hartu nuen liburuxka eta hari esker ondo jarraitu nuen. Orduan konturatu nintzen euskara batuak, urte gutxian, zelako
bentajak zituen. Lehenago, Euskal Herriko beste jende batzuekin ezin genuen elkar ulertu. Gaur egunean, bai. Tira,
gaur egunean ere, bizkor egiten badute, frantses doinua gogor sartzen badute, gehiago kostatzen zaigu, baina ulertu
egiten da. «Hau premiazkoa da!», esan nuen Iparraldera hasi nintzenean. Baina euskara batua ikasi arren, euskalkiak jarraitzea ere komeni zela iruditu zitzaidan. Eta hor ere saltsa!
Gerediagan eta leku guztietan, saltsa!
69
BALENDIN LASUENI ELKARRIZKETA
«Saltsa» diozunez, argi plazaratu ziren Arantzazuko gomendio
eta norabideak. Larresororen izenean argitaratu ziren liburu
biak —Euskara batua zertan den, batetik, eta Sustrai bila, bestetik—, gogoan hartzekoak izan ziren. Barruko eztabaidaren kronikarik ez dut irakurri nik.
Bergarako alkate taldearen historiaren antzera. Tira, orain
dela urte bi liburu bat atera zen Bergarako taldeari buruzkoa. Irakurri nuen, eta balekoa. Baina pobrea iruditu zitzaidan. Liburu horrek ez ditu azaltzen han erabili genituen
gaiak, azal-azaletik ez bada, behintzat. Dena dela, hor dago,
konstantzia bat. Bada, Arantzazurekin, berdin. Barruko demak, hango aurpegi ilunak, haserreak... Nik ez dakit. Ez
naiz filosofoa eta ez dakit horiek azaltzea komeniko litzatekeen, baina urteak joan dira, denok ere helduak gara, eta
ondo izango litzateke zer gertatu zen adieraztea.
Ezagutu zenuen Josu Arenaza?
Bai. Ez daukat haren berririk. Denbora batean sarri egoten ginen elkarrekin. Nire anaia gazteagoa isilpeko lanak
egiten zebilen eta hura gehiago egoten zen Josurekin...
Juan San Martinek zioen Josu-eta euskara batuaren kontrako
paperak botatzen ibili zirela...
Oraintxe esanean... Ahaztuta eduki dut. Bai, bai... Nik pena hartu nuen Augustin Zubikarai eta beste batzuek —eta
oraingo Zer aldizkarian ari direnek, Euskerazaleak elkartekoek— bide hori hartu zutenean... Dena dela, denbora ere
pasatu da ordutik hona eta uste dut hango haserreak-eta baretu direla. Tira, beti egongo da baten bat minduta oraindik;
beti izaten da baten bat. [Eskuera duen mahaiko egutegi takoari heldu dio]. Begira hau, egutegia. Augustin Zubikaraik
egiten zuen, BBKren laguntzaz. Bizkaiko diputazioak egiten
du orain. Bi urtean-edo subentziorik ez zuten izan, euskararen araudiaren barruan ari ez zirelako, eta diru nahikorik ez
zegoelako. Orain berriz argitaratzen da... Niri ere gonbita
egin zidaten, orduko denboran, haiekin batera joateko. Nik,
70
MIEL A. ELUSTONDO
ezetz: «Zuek gura duzuen moduan lan egiteko libre zarete
baina ni beste era batera lanean hasita nago eta ez dut gura
hor sartu. Zuengatik sentitzen dut baina ez». Augustin Zubikarai eta beste batzuk ziren han orduan.
Augustin Zubikarai-eta. Euskararen alde lan handia egindako
jendea..
Lan handia, bai. Gizon garrantzitsua izan zen Augustin
Zubikarai. Hark Ondarroa aldean-eta, etnografia aldetik, baserriei buruz-eta... zenbat liburu egin ote zituen! Eusko Jaurlaritzaren Bizkaiko kultur ordezkaria izan nintzenean han
etortzen zitzaidan, liburuentzako diru-laguntza deialdia izaten zenean, eta beti ekartzen zizkidan bere liburuak. Lehenengo legealdian elkarrekin egon ginen Bizkaiko batzar nagusietan. Gaixorik egon zenean ere hainbat bisita egin nizkion... Eta maite ditut haren etxekoak, seme-alabak-eta. Jende ona. Zelako aita, halako seme-alabak!
“ ”
edukiko
Bilbon euskara
gehiago egingo
balitz, ez genituzke
oraingo ardurak
Zer leku izan behar du euskarak gure herrian?
Orain arte, euskara eta gaztelania zen hemen. Denbora batean, frantsesa ere esaten genuen. Orain, ingelesa ere esaten dugu. Nik uste dut hurrengo belaunaldiak horiek laurak
berdin-berdin egingo dituela; jende gazteak,
eskolatuak, behintzat. Uste dut herri txikietan
euskarak presentzia handiagoa izango duela.
Bilbon gehiago kostatuko da. Hori izango litzateke ona, Bilbon euskara gehitzea. Bilbon orain
baino gehiago egingo balitz, ez genituzke
oraingo ardurak edukiko. Euskara geroan zer
izango den ez ginateke ibiliko.
Immigrazioarekin batera, hainbat hizkuntza ere heldu dira gure
parajera. Atzerriko hizkuntza sarriago entzuten da zenbait lekutan, euskara bera baino...
Parisen ere bai, Parisen ere hizkuntza gehiago entzuten dira, frantsesa bera baino. Herri handietan normala da hori.
71
BALENDIN LASUENI ELKARRIZKETA
Horri dragarik ipintzea alferrik izango da. Immigrazioak,
gehiago ala gutxiago, kontrolatua edo ez kontrolatua, baina
jarraituko du, dudarik gabe. Egia da hizkuntza txikiak, gureak legez, arrisku handiago izango duela beti, gutxitzeko edo
galtzeko. Baina hori gure eskuetan dago. Erabiltzen badugu,
ez da galduko. Eskoletan ikasiko dute, egin edo ez egin dago
gorabehera. Hor formularen bat bilatu ahal bada... Nire iritziz, hor talde bat beharko litzateke —ez dakit zenbat lagunekoa—, baina arazo hori, bakarrik, aztertu eta erabakitzeko.
Erabileraz ari zara, noski.
Bai. Euskararen erabilera aztertu eta bultzatuko duen taldea. Sail bat horrexetarako bakarrik. Eta beti gaiaren jarraipena eginez: zelan doan, zein neurritan gehitzen den... baina beste lanik hartuko ez duen saila, gero!
Etnografia
Etnografia lanean da 2000. urtean erretiroa hartu zuenetik.
Oraindaino arte, 25 ale ditu argitaratuak «Herriko Kondaira
Koadernoak» izeneko bilduman, Zaldibarko historiaren gainekoak denak. Hona nola aurkeztu zuen Labayru Ikastegiko zuzendari Ander Manterolak Balendin Lasuenen lana, 18. koadernoaren atarikoan: «Irakurleak esku artean dauan argitalpen honegaz, Herriko Kondaira Koadernoak bilduma bere 18.
zenbakira heldu da. Orain arte argitaratutakoetan, 600 bat
orrialde guztira, Zaldibarreko monumentu, pertsona ospetsu,
familia, ofizio eta heziketa, kirol edo kultur erakundeen barri
emoten da zenbakiz zenbaki.
«Balendin Lasuenek, bildumaren sortzaile eta bilduma osotzen daben koaderno guztien egileak, antxinako hainbat argazki berreskuratu ditu etxeetako album eta koadroetatik, argitalpen bakotxean aztertzen dituan gaiak ilustretako. Zeregin
honetan meritu handiko beharra egin dau, argazki honeek benetako agiri historiko bihurtuz; izan be, zehatz-mehatz identifikatu ditu argazkiotan ageri diran leku eta pertsonak, kontu
72
MIEL A. ELUSTONDO
handiz azaldu ditu argazkietako gertakari edo ekintzak, bai
eta egun eta lekuaren barri zehatza be emon dau.
«Berba gitxitan esatearren, testu idatzia ilustrazino egokiz
hornituta dakarskun koaderno honeetan, egileak argi eta garbi erakutsi eta aituarazoten dausku Durangaldeko lurralde
edegian lekututako euskal udalerri honetako bizitza eta kultura [...]».
Idazle ere bazaitugu... 2000tik hona 25 lan argitaratu dituzu
«Herriko Kondaira Koadernoak / Cuadernos de Historia local»
bilduman. Lehenengo alearen aurkezpenean hauxe idatzi zenuen: «Zaldibarko Bainuetxeak izeneko ale honegaz emoten jako hasiera Elizate honetako bizilagunei era erraz batean herriko
kondairari buruzko gaiak laburki azaltzeko egitasmoari. Hogeita zortzi bat orrialde inguruko Koadernoak izango dira, gai bakarrekoak, elebitara idatziak, euskaraz eta gaztelaniaz»...
Pozik nago koaderno sistema aukeratu nuelako. Kultur
ordezkaritzan ari nintzela erabaki nuen. Neure buruari esaten nion: «Hamabi urte daroat behar honetan, jubilatzera
noa... Zer egingo dut jubilatzen naizenean?». Eta besteak
beste, banekien, gehiago barik, herriko historia idatziko
nuela, jendeak jakin dezan nondik gatozen, nora goazen
ikus dezagun. Esaten nuen: «Tomo bat edo bi eginez gero...». Baina beldur nintzen irakurtzeko zaletasun txikia
daukagula ikusirik. «Zelan egin?». Eta bat-batean asmatu
nuen: «Faszikuluetan egingo dut, sartu argazkiak, marrazkiak... errazago izango da horrela!». Nire gaztetako aldizkari bat akordatu zitzaidan: La Estampa zuen izena, txarto ez
banago. Antzerkiari buruz, zinemari buruz... apur bat denetik ekartzen zuena. Paper merkean egindakoa zen, berdexka kolorekoa. Hark ere argazkiak zituen, asko... Eta hura gogoan, faszikulua sartu zitzaidan buruan. Baina faszikulu izena ez zitzaidan gustatzen jende artean erabiltzeko.
Gehiago gustatzen zitzaidan «koaderno» berba, sinpatikoagoa egiten zitzaidan. Eta halaxe asmatu nuen izena: Herriko
Kondaira Koadernoak. Eta hasi nintzenetik ez dut ezer ere
73
BALENDIN LASUENI ELKARRIZKETA
aldatu formatua. Lehenengo aleak erakutsi zidan bidetik
jardun dut, berdin-berdin. Jendea ere pozik dago, eta hortxe
jarraitzen dut. Lantzean behin nire marrazkiren bat sartzen
dut, eta aurrera.
Deigarri zait zu bakarrik jardutea lan honetan. Laurogeita lau urte eta bakarrik, koadernoak idatzi eta idatzi... Neke behar du, ala?
Ezta pentsatu ere! Pozik ni!
Artxibo lan handia behar da zu egiten ari zaren lana egiteko...
Bai, sarri joaten naiz artxibategietara. Gehienbat, Deriokora. Lana zelan den. Etnografia lanetarako, Deriokoak asko laguntzen du. Elizbarrutiaren artxiboetan familia izenak,
bataioak, ezkontzak eta heriotzak agertzen dira. Donostiakora ere joaten naiz. Bergarara ere bai, han ere artxibategi
ona dago eta. Beste artxibategi mota bat, foru diputazioena... Elizbarrutietakoak Derion eta Donostian dauden legez,
udalenak ere hor dira, eta derrigorrezkoak dira.
Zeu bakarrik joaten zara? Zelan moldatzen zara batera eta bestera joateko?
Bilbora trenez joaten naiz. Donostiako apaiztegira, autoz...
Ale bakoitzak babesle bana du. Enpresak dira batzuetan, Zaldibarko udala bestetzuetan...
Udalak laguntzen duenean, 1.300 ale egiten ditugu. Udalari, dagokion alearen gaineko informazioa ematen diot:
zein gai, honenbeste orrialde, honenbeste argazki... Egindako ikerketaren laburpena ere kontatzen dut udalari aurkezten diodan zera horretan. Gero, aurrekontua ere eransten
diot. Deitzen didate udaletxetik eta: «Balendin, konforme
zure aurrekontuarekin. Gertatu alea gabonetarako». Inprentarekin edizio lana egiten dut, maketazioa eta gainerako denak, eta prest dagoenean, udaltzainek banatzen dute. Ostera, enpresek babesten dituzten aleak neuk banatzen ditut
etxez etxe, bi iloben laguntzaz. Batak 24 urte ditu, besteak
19. Enpresen kasuan, 1.000 ale egiten ditugu.
74
MIEL A. ELUSTONDO
Hiruron artean Herriko Kondaira Koadernoak banatzen duzue...
Bai. Eta lanpetuta dabiltzanean, neuk bakarrik ere bai. Lagunek bakarrik ikusten nautenean koadernoak banatzen,
esaten didate: «Deitu, bada, geuk banatuko dizkizugu!».
Nik, ezetz: «Trankil, emakumeak, niri ez zait eraztunik jausiko lan hau egiteagatik. Mila esker. Premia denean eskatuko dizuet laguntza. Bestela, egingo dut neuk!». Horrela.
Kulturan jarduna zaitugu. Politikan ere bai. Zer dugu euskaldunok premiazkoago, politika ala kultura?
Demokrazia berba
asko erabiltzen
dugu, baina
ekintzetan ez gara
demokrata, hasi
berriak gara
“ ”
Biak. Biak dira beharrezkoak. Nire iritziz, kategoria galtzen
ari da politika. Bata bestearendako errespetu gutxi, edozer
gauza esaten da... Horrek, nire ustez, esan gura du politikari
dagokionean oraindik ere amantaletan gaudela.
Demokrazia berba asko erabiltzen dugu, baina
ekintzetan ez gara demokrata. Hasi berriak gara, eta nahiko lotsabakoak sarritan... Baina zure
galderara itzuliz, behar, biak behar ditugu, politika eta kultura. Batez ere kultura, hala ere. Familia bateko kideak izan behar dute politikak
eta kulturak, lotura larregi barik, bakoitza bere
lekuan, baina bata bestearekin harremanetan.
Eta, badiotsut, nire iritziz, nagusiena kultura da,
politikaren gainetik. Politika ere behar da, jakina. Herriaren gobernua da politika, eta horrek
ere bere maila behar du, orain daukana baino
goratxoagokoa, aberatsagoa.
Politikaz arestian esan duzun hori, kategoria galtzen ari dela,
alegia. Ibarretxe lehendakariari berari horixe irakurri berri diot,
kexa horixe. Askorik merezi ez duen arloa omen politika...
Ez nekien Ibarretxek horrelakorik esan zuenik... Esaten
dute lehengoa beti hobea izan zela. Nik Agirre lehendakaria
ezagutu nuen... eta maila handia nabari zitzaion gizon hari.
Europaren sortzaileetako bat izan zen. Gazterik joan zitzaigun hemendik... Nik ordu erdi egin nuen harekin eskuz es
75
BALENDIN LASUENI ELKARRIZKETA
ku berbetan Parisen 1955ean, berak eskaini eta eman zizkidan liburuak ere irakurri nituen eta, horrela, haren bidea
jarraitu nuen. Errepublika garaian Justizia ministro izan zena ere oso maila handikoa izan zen... Lizarrakoa...
Manuel Irujo.
Bai, harekin ere egon nintzen. Agirrerekin egon eta hurrengo egunean egon nintzen Irujorekin. Inglaterra y los Vascos liburua eman zidan, berak sinatuta. Gizon handia hura
ere. Gehiago ere ezagutu ditut, jakina. Bestalde, neuk ere banuen senide bat Izquierda Republicana-n. Osaba. Solozabal.
Gobernadore zibila izan zen Nafarroan eta Araban... Orduko gizonak —geroko Guimón eta—, maila handiko pertsonak ziren. Nahiz eta norberaren alderdikoak izan ez, nahiz
eta haiekin bat ez etorri, maila zuten: edukazio eta tratu
ona... Gu, izan ere, arrapalada batean etorri gara demokraziara, gerra zibil baten ostean, berrogei urtean makilakadak
hartuta, eta uste dut horrek zerikusi handia daukala oraingo
politikarien jokaerarekin. Esate baterako, lehengo batean, ez
aspaldi, Espainiako Berrikuntza ministroak, Garmendiak,
Euskal Herriari egin dion eskaintza: lehenengo mailako berrikuntza agentzia Euskal Herrian jartzeko prest ei dago, baina baldintza batekin, ez dezagula eska haren transferentzia.
Zeinen buruan sartzen da, ordea, «eskaintza» hori? Ministro
batek esana! Horrelako mailako politikariak asko dira, gure
artean, eta denean. Horregatik esaten dut benetako politikaren hasierako mailan gaudela hemen. Bigarrenera, hirugarrenera heldu orduko, oraindik badaukagu zer ikasi.
Ederra litzateke uste izatea oraingo garaian hasierako maila hori
egin dugula, eta ondoren datozenek bigarrena eta hirugarrena
egingo dituztela. Mundu bat gero eta hobea egingo dutela, alegia.
Hori entzuten dudanero, Piarres Xarritonek behin esan zidana datorkit gogora, hau da, ondoko belaunaldiek ez dutela aurrekoek
egindako okerretatik ikasten, are gehiago, haiek beren bekatuak
egin nahi izaten dituztela. Ezinezko da urratsik aurrera egitea...
76
MIEL A. ELUSTONDO
Esango nuke Xarritonek arrazoi duela. Gurpil zoroa da
mundua...
Politikari
Herriko alkate izana, Bizkaiko batzar nagusietako kide, Eusko Jaurlaritzaren kultur ordezkaria Bizkaian... EAJko kide da
aspaldidanik, eta min du alderdiak izan zuen haustura historikoa. «Sinistu ezinda geratu ginen alderdiko denok. Hala uste
dut nik. Hura gertatu zenean kultur ordezkari lanean ari nintzen, Bilbon, eta Garaikoetxea lehendakariaren argazkia, berak eskaini eta izenpetua nuen horman eskegita... Kendu ezinda egon nintzen haustura gertatu eta lehenengo egunetan.
Jaurlaritzan kargudun izandako batek esan behar izan zidan:
‘Hori kendu egin behar zenuke!’. Horrela kendu nuen. Min
egin zidan hausturak. Zatitzekoa baino, batzekoa izan naiz ni.
Zaldibarko batzokian ere zati bi egin ginen. Gutxiago ziren alde egin zutenak bertan geratu zirenak baino. Ni haiei ere joan
nintzaien: ‘Har dezagun patxada apur batekin. Ahalegindu
gaitezen konpontzen, oraindino konpon liteke eta’. Baina ez.
‘Nik hartuta daukat erabakia’, esan zidan batek. Asko sufritu
genuen. Batzuek, behintzat, asko sufritu genuen».
Zaldibarko alkate izan zinen 1976tik 83ra. Franco hil osteko garaian. Jakin nahiko nuke zerk bultzatu zintuen lan horietan sartzera...
Hara, bazen une bat... berezia. Nik ez neukan gogorik. Baneukan beste zereginik bestela ere. Dena dela, herriaren kalterako egoera iritzi nion orduko hari. Franco hilda zegoen,
baina giroa bera zen. Sistemak, legeak eta osterantzekoak,
berdintsuak. Udaletxean baziren bi teniente alkate, bata Pedro Garita, pilotari profesionala, eta bestea Estanis Garitaonandia. Hamaika lagun ziren udalbatzan —edo bederatzi,
sasoi hartan, ez nago seguru—, eta joera bi zeuden; ez joera politikoak, pertsonalak baino. Aurrekonturik onartu ezinda zebiltzan, bi urtean. Alkatea gobernadore zibilari joan zi
77
BALENDIN LASUENI ELKARRIZKETA
tzaion, salaketa eginez. Nonbait, bost lagun «disidente» gertatu ziren: traba egiten zuten, ezer ez zuten egiten uzten. Pertsona bat zen, batez ere, buru. Saltseroa, eta pertsona ona
ere... Alkateak ahalmena zuen, zinegotziak hiru udalbatzarretara huts eginez gero, hura kargutik kentzeko. Gobernadoreari berri eman baino ez zuen egin behar zinegotzia kargugabetzeko. Bost disidente haiek hiru batzarretara ez omen
ziren joan eta gobernadoreak kendu egin zituen. Horiek
errekurtsoa sartu zuten, eta hor zebiltzan, itzuliko ote ziren,
edo ez. Bitartean, aurrekonturik ez, udalbatzarrik ere ez zegoelako. Horretan, Franco hil eta lasterrera, dekretu bat
onartu zen. Dekretuak gomendio bat egiten zuen, hamar urte zeramaten alkateei beren postua uzteko eskatzen zien,
beste nor edo nori aukera emateko.
Horrela heldu zitzaizun gonbita...
Bai. Pedro Garita eta Jorge Artamendi zinegotziek egin zidaten gonbita. Haiek zera ikusi zuten, itxura, nigan: industri gizona, Koral Elkartearen zuzendaria, munduan ibilitakoa, zenbait elkartetako kide —Gerediagako presidente,
besteak beste—, herriko jaiak ere geuk, koralak, antolatzen
genituen udaletxeak emandako diruaz... Horrela. Gonbita
jaso eta pentsatu nuen: «Herria horrela ez dago ondo, ez aurrekontu eta ez ezer. Egin ditzadan bi edo hiru urte...». Eta
baietza eman nien. Alkatetzarako aurkeztu nintzen. Sasoi
hartan udalbatzarrak erabakitzen zuen alkatea nor izendatu;
zinegotziek beste inork ez zuen parte hartzen botazioan. Bi
lagun aurkeztu ginen. Saltseroetako bat —teniente alkate
zen Estanis Garitaonandia—, eta biok. Nagusitu egin nintzen, eta alkate izendatu ninduten. Gero, «maniobra» batzuk egin behar izan nituen.
«Maniobra» batzuk?
Bai. Gobernadoreak kargugabetu zituen zinegotziek errekurtsoa sartu zuten, esanez ez zituztela hiru batzar huts
egin. Berez, deialdi bat bitan egin zutela eta, legearen ara
78
MIEL A. ELUSTONDO
bera, bitara ez zirela agertu. Nik arriskua ikusten nuen:
«Hauek berriz itzultzen badira, akabo. Saltsa dago atzera
ere». Eta Madrilera joan nintzen, Fragarekin hitz egitera.
Nik ministroarekin eskatu nuen hitzordua, baina zuzendari orokorrarekin egon nintzen. Zertara nindoan esan nion,
kargugabetutako haiek itzultzeko aukerarik ba ote zen jakiteko. Zuzendari hark, ezetz edo: «Aukera txiki bat, bai, baina aukera bat besterik ez». Ni ez nengoen lasai: «Hara, alkatetza hartuko dut, kargugabetutako horiek atzera ez
itzultzeko baldintzapean. Bestela, oraintxe emango dizut
dimisioa». Hori ere ez zuten nahi. Deitu zion ondoko bulegoan ari zen abokatu bati, beste bati ere egin zion kontsulta... Han zebilen mugimendua! «Baldintza horixe, eta kito.
Nahi baduzue, bai, eta bestela, dimititu egingo dut». Beraiek ere ez zuten asmatzen zer formula erabili errekurtsoak
aurrera egiteko modurik ez edukitzeko. Neuk eman nien
soluzioa: «Nahi izanez gero, erraza duzue: isiltasun administratiboa. Sar ezazue errekurtsoa kutxatila batean, giltza
galtzen utzi, inork ez jakiteko moduan...». Horrelaxe izan
nintzen alkate. Zazpi urte egin nituen. Bada, zortzi-hamargarren urtean edo, errekurtsoak irabazi egin zuen... Ordurako, erabakiak ez zuen batere indarrik, udal hauteskundeak ere eginda zeuden eta. Lehenengo hiru urteak era
hartara aukeratuta egin nituen, eta ondoko laurak, ostera,
hauteskundeak irabazita. Lehenengo agintaldi hartan, kargugabetutako bost haien ordez beste hainbat neure konfiantzazkoak izendatzeko ahalmena neukan, legez. Halaxe
egin nuen, neure sokako bost lagun hartu nituen, eta formidable egin genuen lana.
Alkatetzarako gonbita egin zizutenean gogoan zenuen Zaldibarko desgobernua. Dena dela, zeintzuk izan ziren zure alkate
asmoak? Nolako herria gura zenuen?
Orduko denboretan defizit handiak zeuden. Kaleak, hirigintza arauak, azpiegitura planak... Lehenengo, errazena
egin nuen: kale izenak aldatu. «18 de julio» eta horietakoak,
79
BALENDIN LASUENI ELKARRIZKETA
denak kendu. Uste dut «Elizondo» eta «Aldatza» kale izenak
izan ezik, beste denak geroko batean asmatutakoak zirela.
Horiek kendu eta berriak ipini nituen. Batari, «Euskal Herria», besteari «Autonomia», eta gainerakoei, autobidea egikeran galdu ziren baserrien izenak ipini genizkien: Azkorra, Bekoetxe... Udaletxean, bestalde, aurrekontua orekatu
behar da: sarreren zerrenda, batetik —hau da, bilduko den
dirua—, eta gastuak, bestetik: gastu finkoak, langileenak batik bat. Lehenengoari bigarrena kendu eta izango duzu
proiektuetan gasta zenezakeen dirua. Denbora hartan hiru
milioiko aurrekontua ei zen, eta lehenengo urtean bertan
seira igo nuen, zergak eta gainerako prezioak zuzenduta.
Horrela hasi ginen.
Kale izenak aldatzea, zure lehenengo egitekoa.
Eta lehenengo-lehenengo obra, berriz, «saltsero» haiek
udalean zeudela gertatu zuten proiektu bat. Errepide nagusiaren azpian, zubipeko pasabidea egitea. Hainbat istripu
gertatu izan ziren kaminoa gurutzaeran eta proiektua eginda zegoen. Aurkitu nuen, atera nuen gordeta zegoen lekutik, aurrekontua ere zehaztu —milioi bat pezetakoa, orduan—, eta harexekin hasi nintzen. Herri lanetako departamendura joan, han ingeniari batzuekin ezaupidea egin eta:
«Hauxe gura nuke egin. Proiektua gertu daukagu, lehen
udalak onartuta; lurrak ere jabeek zubipeko hauxe egiteko
eskainita...». Ingeniari haiek lagundu zidaten eta, obra amaitukeran bateko Urkixo kondea eta besteko diputatua ekarri
nituen eta egin genuen inaugurazioa. Afaria egin, diskurtso
eta guzti eta aurrera. Horrela egin genuen lehenengo obra
hura. Milioi bateko aurrekontua neuk abalatu nuen. Kreditu bat aterata. Bi urtean amortizatu genuen.
Alkate izan zinen eta, lehenengo egiteko nagusia, obra.
Lehenengo, ikusi egin behar da zeren premia dagoen.
Obrak ez dira beti etxeak egitea. Errekari bidea eman behar
zaio, zubiak berriztatu, uriolak direnean izaten diren kalteak
80
MIEL A. ELUSTONDO
galarazteko neurriak hartu... Horiek denak egin genituen.
Horiek ere obrak dira...
Askotariko obrak gorabehera, zergatik ez, adibidez, liburu zaletasunaren aldeko kanpaina, gurasoen eskola edo kultur kutsuko
ekimenen bat, zeu giro horretakoa izaki? Zergatik dira beti lehenengo obrak?
Zuk esan dituzun kultur gauza horiek denak egin genituen. Gerediagan nengoela, diputazioaren laguntzarekin,
udal liburutegia egin genuen. Ez Zaldibarren bakarrik, baita Otxandion ere, esaterako. Alkate sartu aurretik eginda
utzi nuen liburutegia. Eskolak ere egin genituen... Bazegoen
premia. Gasteiza joan nintzen, Jaurlaritzara. Inaxio Oliveri
zegoen sailburuorde. Harengana joan nintzen, alkate nintzela. Aurretik ezagutzen nuen, ez dakit zertatik baina. Joan
nintzen eta esan nion: «Aurreko legealdian ere egitekoak zineten Zaldibarko eskola, eta oraindino eskaka gaude». Erakutsi nion dokumentazioa eta plana. «Inaxio, ni ez noa hemendik zure baietza hartu arte. Ez dut hemendik alde egingo!», esan nion. Bada, tranpatxoa egin zuen. Donostian,
Amaran eskola egiteko proiektua zeukan, baina asmoa agertu barik oraindino. Haren hurrengoa, Zaldibarkoa. «Inaxio,
mesedez!», nik, eta berak: «Gero ez inori esan zer erabili
dugun hemen». «Ez, ez, emazteari ere ez diot esango, eta
udaletxean ere ez dut esango!». Halaxe. Amarakoa hurrengo urterako utzi zuten eta gurea egin zuten urte hartan. Bi
solairuko egoitzan, lau bat gela behean eta beste lau goian
egin genituen. Eskola ederra, eta martxa!
Gaur egun zelan ikusten duzu Zaldibarko udalaren jarduna?
Zuk esan duzuna, apur bat. Edo apur bat baino gehiago...
Zementu larregi! Berba hori lehenengoz Benidormen [Alacant, Espainia] esan nuen. Joan gara emaztea eta biok eta
hango etxe eta hango zementua! Orduantxe esan nuen: «Zementu larregi ikusten dut hemen!». Horrelako berbaren bat
esan nuen... Beti kontu eduki nuen hori, eta ez horrela pen
81
tsatu dudalako beti, bakarrik horregatik ez, ahal ere izan behar da. Gainera, etxeak-eta ez ditu udalak egiten; hark baimenak eman besterik ez du egiten, eskatzen duenari, eta
baldintza jakin batzuen azpian... Neurriak, kaleen zabalerak, altuerak, zenbat metro kubiko bolumenekoak eta horiek. Nik hori beti zaindu nuen.
«Hazi bai, baina tamainan». Herriek hazi behar dute, baina gehiegikeria gabe. Politika horri jarraitu nion. Orain, berriz, alderantziz egiten dute: etxea eta etxea! Eta sentsibilitate txikia kultur gaietan. Eta ez da Zaldibarren kasua
bakarrik. Afan hori da, biztanle gehiago eta
hau eta hura. Ni alkate egon nintzenean, sekula eduki duen biztanle gehien eduki zituen
Zaldibarrek: 3.313. Harrezkero, gutxiago. Gaur
egun ez dira 3.000. Eta, hala ere, begira zenbat
etxe egin den! Zer arraio, nola da hau! Lehen
ere ez zuen inork kalean lorik egiten, ni alkate nintzela.
Zeuden etxeetan moldatzen ziren. Urtean sei bizitzako etxe
bat-edo egiten zen. Eta egiten zenean, gauza handia zen!
Oraintxe bizi garen etxe hau amaitzen zegoela sartu nintzen
ni alkate. Gogoratzen naiz, hiru edo lau ezkonberri: «Etxea
ordainduta daukagu, eta zuek ez duzue bizigarritasun baimena ematen!». Esan nien: «Bai, konprenitzen dut, baina ez
dut baimen hori emango, harik eta etxearen bueltako kaleak,
espaloiak-eta, amaitu arte». «Mesedez!». «Hara, baimena
ematen badut, bi hilabete baino lehenago etorriko zarete zuek
etxearen buelta amaitu barik dagoela esanez». Eta hala egin
zen: amaitu, eta baimena. Etxearen promotoreei ere esan
behar izan nien: «Epe bat jarriko dizuet, eta berba eman behar didazue obra egingo duzuela: etxeak amaituta daude,
baina etxe ingurua ez. Ez duzue kobratuko hori egiten ez
duzuen bitartean». Handik bi edo hiru hilabetera, etxe ingurua amaituta zegoenean, baimena eman nuen. Hiru-lau familiarekin haserretu nintzen —ni ez eurekin, ez neukan
zertan haserretu—, baina arrazoi haiek emanda.
“ ”
keria gabe
Zementu larregi
ikusten dut.
Herriak hazi behar
du, baina gehiegi
82
BALENDIN LASUENI ELKARRIZKETA
MIEL A. ELUSTONDO
Alkate izatea, hortaz, lagunak egiteko baino, haserreak izateko
hobea da...
Ez, ez... Astean bi egunetan, goiz osoa, hamarretatik ordu
batera, herriko jendea hartzeko neukan. Jendeak txanda eskatu eta etortzen zen bere kuitak konfesatzera. Denetatik
entzuten nuen, mota guztietako kontsultak, pentsatuko duzunez...
Bestelako kuitak izan ziren Bergarako alkate mugimenduan...
Bai, oso diferenteak...
Zelan sartu zinen mugimendu hartan?
Arrasateko alkateak, Altunak, deitu zidan behin, zaborrei
buruz berba egiteko. Zelan moldatzen ginen eta informatzeko. Horrelako kontuak ziren. Nire lehenengo alkatetza
denboran izan zen hori eta uste dut hortixe etorri zela gero
niri Bergarako horretara deitzea. Aditzera eman zidan zer
plan zegoen Bergaran batzeko, foruak kendu zituztela ehun
urte betetzen zirenean, uztailaren 21ean. Bergarara deitu zidaten beste batzar batera eta han batu ginen Elkoro, Imanol
Murua... Eguna zelan egin ere pentsatuta zeukaten: kontzentrazioa, meza nagusia, kalejira ikurrina eta pankartak
hartuta... Meza nagusiaz ondo akordatzen naiz, ni musikazalea naizelako eta Bergarako koruak kantatu zuelako bertan... Egun haren inguruan osatu zen alkate taldea.
Taldeko batzar txikiko kide zinen...
Bergarako Jose Luis Elkoro, Arrasateko Altuna, Zarauzko
Imanol Murua, Oiartzungo alkatea, Legazpiko ordezkaria,
besteren bat, eta ni, Bizkaitik. Baina ez nintzen Bizkaiko bakarra mugimenduan: Dima, Zeberio, Ondarroa eta beste
hainbat sartu ziren han. Batzar txikia, ordea, arin ibiltzeagatik egiten genuen. Presaka bildu behar bagenuen zerbait eztabaidatzeko, telefonoz deitu eta biltzen ginen. Bergarako
batzar hura ez ezik, Bilbon ere egin genuen manifestazioa,
Casillan amaitu genuena.
83
BALENDIN LASUENI ELKARRIZKETA
Orduan egunero zen manifestazioa bazterretan...
Ez dakit zein zen motiboa... Hauteskundeak, udal hauteskundeak eskatzen genituen! Batzar txikian asmatu genuen
hori ere. Ez dakit non hasi ginen, baina Casillan amaitu genuen, behintzat. Eta hitzaldia gertatu zidaten, euskara batuan.
Nik, berba batzuk aldatu egingo nituela esan nien, «jendeak
hobeto uler dezan». Altunak esan zidan: «Gero, amaieran,
‘Gora Euskadi Askatuta!’ indarrez esan behar duzu!». Horiek
denak egin genituen. Manifestazio hura egiteko baimena behar genuen, Bizkaiko gobernadorearena, eta harengana joan
ginen Jose Luis [Elkoro], Altuna eta hirurok. Emango zigula
baimena eta zenbait gomendio eman zizkigun, manifestazioa
zuzentzeko. Honetaz eta hartaz ari ginen eta, momentu batean, nik: «Horrelako neurriak hartzea erabakitzen baduzue,
gu pase foralaz baliatuko gara». «Pase forala? Horrelakorik
ezin duzue egin», gobernadoreak. Han ibili ginen gobernadorea eta biok, atzera eta aurrera. Handik irteeran, Jose Luisek
eta Altunak: «Zer ibili duk hor, pase forala gora eta pase forala behera. Zer da hori?». «Obeditu bai, bete ez», gaztetan irakurrita neukan, eta gogoan hartu ere bai...
Zergatik ez zuen aurrerago egin alkate mugimendu hark? Zergatik ez zuen iraun?
Saltsak etorri ziren! Nire buruko ordenagailu zaharrean
baztertuta neukan gai hori, baina eragin beharko nioke! Akordatzen naiz Martin Villak ere gonbita egin zigula Gasteizen,
merezimendu sariren bat-edo zen aitzakia, baina kondizioren
batzuk ere bazituela uste dut, eta ez ginen joan, apropos. Batzar txikian ez joatea erabaki genuen... Ez naiz gogoratzen,
baina polita izango litzateke mugimenduaren historia berreskuratzea. Eta esaten dizut, baztertuta eduki dut nire buruan.
Bestalde, aspalditxoan ez naiz egon Jose Luisekin. Pasa den
Durangoko azokan ez nuen ikusi. Aurrerakoan, bai...
Hura itzali zen, Zaldibarko alkate izan zinen 1983 arte. Batzar
nagusietako kide ere izan zinen garai hartan...
84
MIEL A. ELUSTONDO
Alkatetzako bigarren agintaldia hauteskundeak irabazita
egin nuen. «Legealdi bat behintzat egin behar dut!», neure
buruari esanda joan nintzen. Alkatetzarako eta Gernikako
batzarretarako aurkeztu nintzen eta bietarako irten nuen.
Eta ez dut damurik.
Bizkaiko batzar nagusietako kide zinen Espainiako erregeak bisita egin zuenean. HBko parlamentariek Eusko gudariak kantatu ziotenean, alegia.
Bai, han nintzen. Batzar nagusietan egin nuen lehenengo
legealdian izan zen... Han nintzen bai. Are okerrago, batzar
nagusiaren ordezkari legez, Espainiako errege-erreginekin
egin zen bazkarira joan behar izan nuen, Axpen. Atxondon
izan zenez, Durangaldeko batzarkideari egokitu zitzaion joatea, niri.... Geroko batean, bertoko ugazabak esan zuena ere
gogoan daukat: «Isiltasuna entzun ere egiten zen baserri-jatetxean».
Axpeko jatetxean isiltasuna, Gernikako batzar etxean kantu eta
zalaparta.
Erregea zuri-zuri. Erregina ere bai. Denok ginen urduri
han. «Zer pasatu behar du hemen?»... Horrelakorik egiten ez
zen garaian egin zen, eta istilu handia izan zen. Gaur egun ez
genion batere inportantziarik emango. Baina, orduan, non
eta Gernikako batzar etxean, Espainiako errege-erreginak
han zeudela... Gauza asko ikustea tokatu zait, bai.
Ondoren, Eusko Jaurlaritzaren Bizkaiko kultur ordezkaritzara igaro zinen. Hantxe egin zenuen lan 1994 arte, erretiroan sartu arte...
Hiru legealdi egin nituen han. Alkatetza utzi nuen urtean,
batzar nagusietarako hautatu ninduten, Gernikarako. «Erraz
egiteko moduko lana, gustatzen zaidana... Jarraituko dut»,
esan nion neure buruari. 1983ko martxoan Zaldibarko alkatetza utzi eta, uztailean, hilabete bi edo hirura, deia Gasteiztik. Jose Mari Velez de Mendizabal zen, kultura sailburuorde orduan. Lehendakari, Garaikoetxea zen. Ez nuen Jose
85
BALENDIN LASUENI ELKARRIZKETA
Mari ezagutzen. «Zelan alkatetza utzita?», eta «Apur bat lasaitxoago». «Gonbita daukat zuretzat. Ea nire eskaintza onartzen duzun... Bizkaiko kultur ordezkaria izatea». Nik momentu hartan ez nuen karguaren dimentsiorik ikusten. Informazio eta Turismo bulegoan zen, baina ni inozoa, ez zitzaidan iruditzen bulego hark Jaurlaritzaren kultur ordezkaritza izan behar zuenik. Joan nintzen eta «Ene, baina hemen egonda nago ni makina bat bider!». Izan ere, Gerediagako-eta, Koral Elkarteko-eta... baimenak ateratzera joan
behar izaten zen Francoren denboran. Jose Mariri esan nion:
«Ez neukan horrelako asmorik. Ez dago ni baino pertsona
zeragorik lan horretarako?». «Hori beste gauza bat da. Zuk
esadazu ahalik eta bizkorren». «Noizko behar duzu erantzuna?». «Gaur hobe, bihar baino!», Jose Marik. «Etxean esan
behar dut!». Ustekabean harrapatu ninduen deiak.
Onartu zenuen.
Bai. Galdetu nion Jose Mariri: «Eta, bulegoren bat-edo
izango dut, ezta?». «Bai, bai...». «Eta zenbat langile?». «Ehun
eta hogei lagun inguru!». Madriletik transferitutako langileak
ziren. Sekzio femeninokoak-eta ziren tartean, eta bateko eta
besteko gazteriakoak... Izan ere, han kultura, turismo, gazteria, gizarte ekintza... denetarik zen han. Mazarredo, Egaña
eta Ibañez de Bilbao kaleetan zeuden bulegoak. Langile
haiek han izan ziren hilabete batzuetan. Gero, transferentziak egin ziren Jaurlaritzatik Diputaziora eta ni, azkenerako,
berrogei-berrogeita hamarren bat langilerekin geratu nintzen.
Informazio eta Turismo bulegoak bazituen artxiboak...
Hori beste historia bat da, eta uste dut badakidala nondik
datorren galdera... Gure bulegoak hainbat diru-laguntza
deialdi egiten zituen, auzolantegiak, GKEak... Erregistroa ere
bagenuen, liburu eta argitalpenei lege gordailua emateko...
Bada, Jakin-eko burua, Joan Mari Torrealdai, etorri zitzaidan behin, ea erregistroak ikus zitzakeen. «Bai, gizona», nik.
86
MIEL A. ELUSTONDO
Euskal kultura eta literaturaren zentsurari buruzko lan bat
egin behar zuela-eta egun bitan edo hirutan etorri zen. Edozeini ezin zaio erregistro libururik erakutsi, baina hura ezaguna zen, eta lana ari zen egiten. Azkeneko egunean esan zidan: «Gehiago ez daukazu, liburu hauek besterik ez? Nik
pentsatzen dut hemen falta direla». «A, bai? Ideiarik ere ez
daukat», nik. Orduan ez nuen jakin, hura ez zelako erraz
kontrolatzen. Baina gero, pentsatu nuen eta Joan Marik arrazoi izango zuela erabaki nuen. Neuk ere, alkate egon nintzen
denboran, gauza batzuk hartu, poltsa batean sartu eta denak
erre nituen zapatu batean. «Hauek daudenik ere ez duk komeni inork jakin dezan». Gero, pentsatu ere egin izan nuen,
«Ea baten bat etortzen zaidan niri honen gainean-edo galdetzen». Baina inor ez zen sekula agertu. Horregatik esaten dut
Joan Marik arrazoi izango zuela, gauzak falta zirela. Nik izan
nuen idazkaria lehenagotik zegoena izan zen. Hark gehiago
jakingo zuen... Kortesiaz tratatzen genuen elkar, baina nork
bere alderdia zaintzen genuen. Seguruenera, komeni ez ziren
gauza batzuk hark eliminatuko zituen. Ahal zuen, behintzat.
Ez dakit horrelakorik egin zuen.
Francoren argazkia zegoen bulegoan lehenengoz sartu zinenean...
Hura eta bandera eta denak kendu nituen. Francorena kendu eta egunetara lehendakariarena jarri nuen. Banderaren
ondoan, ikurrina. «Nik zerbait egin behar zioat ba bandera
honi!», eta idazkariari esan nion. «Bandera kontu hau ez zait
gustatzen. Hona jende asko etortzen da, zuk dakizunez. Batzuk joera batekoak dira, besteak bestekoak. Batzuei bandera
batek egiten die min, bestetzuei besteak...». Nik, zelan edo hala idazkaria bera konprometitu nahi nuen. Eta, horrela, esan
nion: «Tira, erregalatu egingo dizut». Eta berari eman nion
Espainiako bandera hura. Kito espainola nire bulegoan.
Ez alferrik! Hor ageri da piperpotoa, lehen ageri ez zen udaletxeetan...
Bai, hori ere egia da...
87
BALENDIN LASUENI ELKARRIZKETA
Enpresaburua izan zara. Nola moldatu izan zara enpresa zuzentzeko, bateko kultura jardunbideetan eta besteko politika arduretan ari izanda?
Beti izan dut norbait ondoan, laguntzaile. Dela koruan,
dela beste arloetan ere. Talde txikia izan dut alboan, laguntzaile finak eta jende leiala. Beti gertu laguntzeko, nahiz nik
eskatuta, nahiz eurek beren buruak eskainita. Koruan, banuen ordezkaria. Etnografia erakusketak egin genituenean,
lauzpabost emakume, sekulako lana egin zutenak. Enpresan, berdin, han ere banuen taldetxoa. Jubilatu nintzenean,
berriz, alabaren esku utzi nuen hura, eta kito. Baina beti
izan naiz horren aldekoa: jende askorik ez, baina lagun batzuk inguruan edukitzen ahalegindu naiz beti.
Orain arte! Zeu bakarrik ari zara Herriko Kondaira Koadernoak
egiten...
Nor bere lanetan ari da eta, gainera, ez dut inor behar lan
horretarako.
Eta ezinean gertatzen zaren egunean? Ez da talderik izango zure lanari jarraipen emango dionik...
Ez dut horren ametsik. Gai naizen artean, burua ondo dabilen artean, artxiboetan oraingo
moduan ibiltzeko gauza naizen artean... segituko dut. Internetez ere biltzen ditut artxiboetako
datuak, baina ez dut artxiboetako jendearekin
harremanik galdu nahi. Badiotsut, nahiz eta
etxetik, Internet bidez, datuak eskuratu ahal
izan. Ahal dudan artean, gurago dut artxiboetara joan. Gaur, ostirala. Bada, datorren martitzenean txanda eskatuta daukat Deriora joateko, artxiboak ikustera. Hogeita hiru urte daramatzat hara bueltaka! Koadernoak lantzeko ez
ezik, etxekoen zuhaitz genealogikoak egiteko.
Horrek ere hara joan beharra ematen dit. Ahal
dudan artean, horrela egingo dut. Gero, akabo.
“ ”
88
Ahal dudan artean,
horrela egingo dut.
Gero, akabo.
Gauza ez naizela
ikusten dudanean,
ezin dudala, huts
egiten dudala...
orduantxe amaitu
ko da nire lana
MIEL A. ELUSTONDO
Gauza ez naizela ikusten dudanean, ezin dudala, huts egiten
dudala... orduantxe amaituko da nire lana.
Zure lana amaituko da, eta herriaren eskuetan geratuko da... Zure material guztien dohaintza egina diozu Zaldibarko herriari...
Erabaki horixe hartu nuen orain dela lau urte. Ez nion inori saldu nahi, partikularra izan, erakundea izan. Ez dut daukadana baino gehiago behar... Neure herriarentzat, jaioterriarentzat izan dadin nahi nuen. Liburutan badira 7.000 inguru.
Artxiboan, 4.000 argazki eta klixe. Margolanak, koadroak,
grabatuak... Zenbait eskultura tamaina txikikoak, eta laborantza tresnez osatutako museoa. Eta zeramika lanak ere badira, antzinakoak batzuk eta berriagoak beste batzuk, baina
esku onek egindakoak. Zaldibarko herriarentzat izango da dena, udalaren bitartez, leku egokian gordetzeko baldintzapean.
Ez dut nahi funts guztiak biltegian gorde ditzaten, zein kutxatan zer dagoen jakiteko modurik gabe. Baina esana, Zaldibarko herriarentzat, nire jaioterriarentzat da ondare hori...
Harreman handiko bakarlaria
Jende askorekin izan ditu harremanak Balendin Lasuen Solozabalek. Askoren izenak isuri ditu elkarrizketan zehar. Harreman handiak gorabehera, bakarlari jardun du bere bizian. Hala ere, zenbaiten berri zuzenago eman digu. Tartean, hunkitu
ere egin da izen batzuk entzun eta hitzari lotu zaionean...
Jose Antonio Agirre.
Lehendakaria. Jaun agurgarria. Zintzoa. Politikari trebea eta
bihotz handiko gizona. Penagarria da erbestean hil izana. Donibane Lohizunen hilobiratu zuten, han nintzen hileta egin
zenean eta harrezkero hainbat bisita egin dizkiot hilobira.
Rikardo Arregi.
Ez genuen harreman handirik izan. Arantzazuko batzarraren inguruan izan ginen elkarrekin, eta aurretik Ermuan
89
BALENDIN LASUENI ELKARRIZKETA
egin genuen hartan. Mutil oso argia zela ikusi nuen, zentzun handikoa, hizlari trebea, noblea, idazle bikaina.
Juan San Martin.
Lagun maitea nuen Juanito. Asko ibili ginen elkarrekin
mendian, biok mendizaleak ginen eta. Bestalde, saltzaile
ibili zen denbora batean, urte pilatxo batean. Enpresa bateko makinak saltzen jarduten zuen eta beti bisitatzen ninduen lantegian. Saltzeko zituenak baino gehiago aitatzen genituen mendi kontuak, kobazuloak, liburuak eta abarrak.
Hori izaten zen gure materiala. Hondarribian eman genion
azken agurra...
Jose Luis Lizundia.
Esan izan dut taldetxoak eduki ditudala nire inguruan.
Gerediaga elkartean lehendakari izan nintzen urteetan nirekin izan nuen Jose Luis. Idazkari zen Garai, Izurtza eta Mañarian, oker ez banago. Administrazio kontuetan oso gizon
zaildua zen. Asko estimatzen dut.
Gerediaga elkartea.
Elkarte kuttuna dut. Bi ditut elkarte kuttunak: neuk sortutako Koral Elkartea, eta Gerediaga. Beste zenbait elkartetako kide naiz —Euskalerriaren Adiskideen Elkartea...—, baina aitatu ditudan horiek biak bereziak dira.
Bergarako alkate taldea.
Esperientzia polita. Elkoro, Murua, Altuna... Esperientzia
handirik ez genuen, baina borondatea bat! Borondateaz gainerako guztiak zapaltzen genituen... Uste dut denok elkar
asko estimatzen genuela, denok.
Jose Luis Elkoro.
Gizon indartsua, ausarta... Foruak kendu zituzten mendeurrenarekin batera Bergaran egin genuen batzarra ez zait
bizian ahaztuko. Eta Jose Luisek egin zuen hitzaldia! Mami
politiko handiko berbaldia egin zuen. Uste dut baten bati
90
MIEL A. ELUSTONDO
esan niola: «Honek esan dituenak batzuek entzungo balituzte, kartzelara eroango gintuzkete denok».
Ander Manterola.
Liburu azoka egiten hasi ginenean ezagutu nuen. Baina,
ordurako, lehenagoko erako euskal jaiak antolatu genituen
eta han zen Ander. Gaitasun handia erakutsi zuen orduan,
eta gaitasun handi hura bistara etorri da urteetan aurrera.¶
91
BALENDIN LASUENI ELKARRIZKETA
Bibliografia
Bilbao Bizkaia Kutxaren —lehenago, Caja de Ahorros Viz
caína— «Temas Vizcaínos» bilduman:
• Guerediaga y la Merindad de Durango (1984)
• Crónicas de las fiestas euskaras (1986)
• Orfeones y Corales de Bizkaia (1987)
• La anteiglesia de Zaldibar (1987)
• Los últimos hórreos de Bizkaia (1989)
• Puentes antiguos de Bizkaia (1989)
• Cruces de término en Bizkaia (1991)
• Agroturismo en Bizkaia (1993)
• Monumentos a vizcaínos ilustres (1995)
• Museos de Bizkaia (1997)
«Herriko Kondaira Koadernoak / Cuadernos de Historia
local» bilduman, 26 ale idatzi eta publikatu ditu, euskarazko eta gaztelaniazko edizio elebidunetan:
• Zaldibarko Bainuetxeak / Balnearios de Zaldibar (2000)
• Zaldibarko San Andres eliza eta baselizak / Iglesia de San
Andrés y ermitas de Zaldibar (2001)
• Garitaonandia’tar Bitor / Victor de Garitaonandia (2001)
• Euskal Pilota Jokoa — Zaldibar / Juego de pelota vasca en
Zaldibar (2001)
• Euskal Abertzaletasuna / Nacionalismo vasco en Zaldibar
(2002)
• Herriguneko Etxe eta Sendiak / Casas y Familias del Cas
co Urbano (1930-1940) (2002)
• Zaldibarko Kapera Neoerromanikoa / Capilla Neorromá
nica (2002)
• Argazki zaharrak (I) / Fotografías antiguas de Zaldibar
(I) (2003)
• Antzinako Ogibideak / Antiguos oficios en Zaldibar (2003)
• Antzinako Argazkiak (II) / Fotografías antiguas de Zaldi
bar (II) (2003)
• Zaldibar Dorrea eta Leinua / Torre y Linaje de Zaldibar
(2003)
92
MIEL A. ELUSTONDO
• Antzinako Argazkiak (III) / Fotografías antiguas de Zal
dibar (III) (2004)
• Aranguren, Gazaga, Urizar auzoetako basetxe eta sendiak
/ Caseríos y familias de los barrios de Aranguren, Gazaga
y Urizar (2004)
• Antzinako Argazkiak (IV) / Fotografías antiguas de Zal
dibar (IV) (2004)
• Eskolak eta irakaskuntza / Escuelas y enseñanza en Zal
dibar (2004)
• Goierri auzoko basetxe eta sendiak / Caseríos y familias
del barrio de Goierri (2005)
• Antzinako Argazkiak (V) / Fotografías antiguas de Zaldi
bar (V) (2005)
• Zaldibar Koral Elkartea / La Sociedad Coral Zaldibar (2005)
• Antzinako Argazkiak (VI) / Fotografías antiguas de Zaldi
bar (VI) (2006)
• Jaiak, Ohiturak eta Gertaerak (I) — Zaldibar / Fiestas,
Costumbres y sucesos (I) (1900-1960) (2006)
• Jaiak, Ohiturak eta Gertaerak (II) — Zaldibar / Fiestas,
Costumbres y sucesos (II) (1900-1960) (2006)
• Zaldibarko zuhaitzainak (1906-2006) / Arboricultores de
Zaldibar (1906-2006) (2007)
• Antzinako bideak — Zaldibar (1787-1999) / Caminos an
tiguos de Zaldibar (2007)
• Elizateko sinboloak — Zaldibar / Símbolos de la Anteigle
sia de Zaldibar (2007)
• Eizaga auzoko basetxe eta sendiak / Caseríos y familias
del barrio de Eizaga (2007)
• Garitaonandia dorrea eta leinua / La torre y el linaje Ga
ritaonandia (prestatzen)
Bestalde, artikuluak ditu Gerediaga, Anaitasuna eta Zeruko
Argia aldizkarietan.
Gainera, hainbat artikulu ditu argitaratuak Zaldibarreko
jai-egitarauan, eta hogei ikerketa genealogiko eginak zenbait familiaren enkarguz.
93
Page:
1,
2,
3,
4,
5,
6,
7,
8,
9,
10,
11,
12,
13,
14,
15,
16,
17,
18,
19,
20,
21,
22,
23,
24,
25,
26,
27,
28,
29,
30,
31,
32,
33,
34,
35,
36,
37,
38,
39,
40,
41,
42,
43,
44,
45,
46,
47,
48,
49,
50,
51,
52,
53,
54,
55,
56,
57,
58,
59,
60,
61