Maider Eizmendi Iraola (Zizurkil, 1982). Kazetaritzan eta Gizarte eta Kultur Antropologian lizentziaduna, ‘Emakume eta Gizonen arteko Berdintasuna’ masterra du eta doktorea da Gizarte Komunikazioan, dena Euskal Herriko Unibertsitatean. EHUko Kazetaritza Saileko irakaslea da. Sexu-genero sistemak komunikazioan duen eragina ikertu du, bereziki zientziaz eta zientzialarien inguruan transmititzen den mezuan arreta jarrita. Aurretik, urte luzez kazetari modura egin du lan Gara egunkarian eta 7K aldizkarian, azken honetan editore gisa.
