Cristina Jerónimo Moreno (Barakaldo, 1971). Arte Ederretan lizentziaduna da Euskal Herriko Unibertsitatean. Diseinatzaile grafiko eta arte zuzendari gisa jardun zuen lanean hainbat publizitate agentziatan, sektorez guztiz aldatzea eta ingurumenaren alde lanean hastea erabaki zuen arte. Zenbait urtez boluntario gisa aritu ondoren, 2014an Lurgaia Fundazioaren lantaldean sartu zen, administrazioan, egitasmoen kudeaketan, boluntarioekiko harremanetan, erakundearen komunikazio eta argitalpenen diseinuan eta landa-lanean laguntzeko.
