Andoni Olariaga Azkarate (Berriz, 1984). Filosofian doktorea da Euskal Herriko Unibertsitatean. Iratzar Fundazioan egiten du lan. ‘Euskal Herriko pentsamendu kritikoa XX-XXI. mendeetan’ graduondokoaren sustatzaileetako bat da. Argitalpen hauek ditu, besteak beste: Modernitatearen auziaz (Jakin, 2009; Jon Jimenezekin batera), Independentzia helburu (Txalaparta, 2015; Jule Goikoetxea, Imanol Galfarsoro eta Unai Apaolazarekin batera), Erlatibismoaren egiak. Konstruktibismoa, egia-ostea, postmodernismoa eta beste mamu batzuk (UEU, 2019) eta Euskal matxinada. Genealogiak eta egungo eztabaidak (Txalaparta, 2020). Jakin Taldeko kidea da.
