Alba Garmendia Castaños (Ikaztegieta, 1992). Filosofian doktorea da Euskal Herriko Unibertsitatean, eta Giza Zientzietan graduatua Deustuko Unibertsitatean. Filosofia Garaikidean masterra egin du Granadako Unibertsitatean, eta Irakasleen Prestakuntza masterra UNEDen. Doktorego tesian, utopiari buruzko ikerketen markoa (gehienean anglosaxoia) euskarara ekarri du, eta marko horretatik irakurri du Michael Hardtek eta Antonio Negrik Empire bilduman argitaratutako filosofia politikoa. Utopia du ikerketa lerro nagusia, eta utopiek errealitatearekin izan ditzaketen harremanak interesatzen zaizkio.
