Alaitz Aizpuru filosofoak Txillardegiren hizkuntza filosofiaren pentsamendua islatzen duten testuen hautaketa egin du Dabilen pentsamendua bildumarako. Euskarak Txillardegiren pentsamendua zeharkatu baitzuen. Hori azaltzeko mahai-ingurua antolatu zuten EHUk eta Jakinek Donostiako Filosofia fakultatean, eta bertan Aizpuruk emandako azalpenekin osatu du Miren Rubio kazetariak erreportajea Radio Euskadiko Jakingunea atalerako.
