Asteartea, 2017ko azaroak 21
Gora joan
Menua

Begirada

Egilea: Jean-Paul Sartre

Begirada

DATA: 2017

Papera 12,00 €

PDF 7,00 €

Jean-Paul Sartrek 1943an argitaratu zuen L'Être et le Néant (Izatea eta Ezereza) izatearen inguruko tratatu filosofikoa. Autorearen askatasun aldarritzat hartu izan da tratatua, bere oinarrizko obra filosofikotzat. Bi bloke ditu: izatearen inguruko teoria eta askatasunaren teoria. ‘Begirada’ tratatu horren kapitulu luze bat da, obra osoaren egituraren argitan funtsezkoa; izan ere, Juanmari Agirreurretak euskaratu duen testu horretan, teoriaren aparatu kontzeptual osoa biltzen du Sartrek. Begirada aurkezten da bestetasuna nitasunera datorreneko fenomeno bezala: Bestea da uneoro begira diezadakeena. Ildo horretatik, Bestearen existentzia oinarrizkotzat eta jatorrizkotzat jotzen da, bigarrentasunik gabekotzat. Sartreren lan literario nahiz filosofikoetan etengabekoak dira kapitulu honekiko erreferentziak. Juanmari Agirreurretaren beraren hitzaurreak Sartren ibilbide biobliografikoa eta testu horren irakurketa filosofiko eta literarioa azaltzen ditu.

AURKIBIDEA
  • Hitzaurrea: ‘Begirada’, Sartreren funtsezko testu bat (Juanmari Agirreurreta)
  • Jean-Paul Sartre: ‘Begirada’