Osteguna, 2018ko azaroak 15
Gora joan

Caliban eta sorgina

Caliban eta sorgina

DATA: 2017

Papera 25,00 €

Epub 13,99 €

Caliban eta sorgina, Silvia Federici: Garapen kapitalistaren genealogia bat, Erdi Arotik gaur arte. Eta bide horretan, sorginkeria egotzitako milaka emakumeren gorputzak. XVI. eta XVII. mendeetako Europako eta Mundu Berriaren kolonizazioko sorgin-ehizek funtsezko rola bete baitzuten kapitalismoa abian jartzeko. Horixe Silvia Federiciren lan honen ardatzetako bat: deabruaren aurka borroka egitearen izenean, harreman kapitalisten aurrerabidearekin bat ez zetozen subjektu eta praktiken mundua suntsitu zuten. Soldatapeko proletariotza osatzeko, lurrak itxi behar zituztelako; eta ezinbestekoa zutelako erreprodukzio lana debaluatzea, emakumeen gorputza eta erreprodukzio gaitasuna lan indarra ekoizteko makina bihurtzea. Merkatuaren agintaritza nagusi den honetan ere, emakumeak ari dira garestien ordaintzen. Emakumeen gorputza kontrolatzeko ahalegina urratsak egiten ari da etengabe. Sorgin-ehizak ez dira iraganeko kontua.

Erlazionatutako albisteak

Silvia Federici ikerlari feministaren Caliban eta sorgina. Emakumea, gorputza eta metatze primitiboa kaleratu du Eskafandrak egilearen berak propio edizio honetarako idatzitako hitzaurrearekin. Kapitalismoa eta emakumeen kontrako jazarpena ulertzeko ezinbesteko saiakera.