Asteazkena, 2018ko abenduak 19
Gora joan

Eskafandra liburuak

Feminismoaren azken hiru mendeetako hainbat lan giltzarri euskaratzea du helburu bilduma berri honek, eta horrekin pentsamendu feministaren eremuan euskarak duen hutsunea betetzea.

Kontratu sexuala

Bilduma: Eskafandra | Zenbakia: 5 | Data: 2018

Emakume eta gizonen arteko desberdintasun sozialen erroetara jo zuen Carole Pateman politologo feminista britainiarrak The Sexual Contract saiakeran. 1988an argitaratua, emakumeen gorputza menperatzeko dagoen gizarteko hitzarmen patriarkala azaleratzen du liburuak. Jean-Jacques Rousseau pentsalariak izendatutako kontratu sozialaren oinarrian itun sexual-soziala baitago, egilearen hitzetan.

Izan ere, iraultza frantsesak liberté, egalité, fraternité aldarrikatuz ezarritako ordenak kontratu soziala jarri zuen indarrean, ustez askatasunean, berdintasunean eta elkartasunean oinarritzen zen ituna. Baina kontratu soziala ez da askatasunez egiten, ez berdinen artean, ez eta adostasunez ere, ez bada anaidiaren barnean; fraternité ez baita elkartasuna, anaien, gizonen arteko aliantza baizik.

Kontratu soziala libertateari buruzko fikzio politiko bat baino ez da; kontratu sexuala, berriz, menderakuntzari buruzko historia bat, gizonezkoek emakumeen gorputzez jabetzeko itundua duten sexurako eskubidea duelako oinarrian. Patriarkatua iraunarazteko itun bat baita kontratu soziala, eta, horretarako, ezkontza, enplegu, prostituzio eta haurdunaldi subrogatuaren kontratuak baliatzen ditu.

Carole Pateman politologo feministaren lanik esanguratsuenetakoa da Kontratu sexuala, orain euskaraz ere irakur litekeena Maialen Berasategi Catalán itzultzailearen lanari esker. Azala, aldiz, Dora Salazar artistak ipini dio.

Papera 24,00 €

Eskafandra 4 (2018)

Papera 21,50 €
Epub 13,99 €

Eskafandra 3 (2017)

Papera 25,00 €
Epub 13,99 €

Eskafandra 2 (2017)

Papera 15,50 €
Epub 9,99 €

Eskafandra 1 (2016)

Papera 23,00 €
Epub 13,99 €