Asteartea, 2024ko martxoak 19
Gora joan

Jakin 244

Jakin 244
Erlazionatutako albistea

Jakin 244: Artea, memoria eta identitatea

Jakin 2021-06-30

Lau artikulu bildu ditu Jakinen 244. zenbakiak. Berez artikulu independente eta autonomo izan arren, “elkarrekin elkarrizketan” suma daitezke, Lorea Agirre zuzendariak azpimarratu duen gisan; arte adierazpideei begira txirikordatzen dira “memoria, identitateen eraikuntza, traumaren kontaketa, narrazio edo errelatuen industria…”. Ane Lekuonak arte plastikoei begiratu die, Nerea Arrutik literaturari, Gaizka Arangurenek iruditeria kolektiboa eraikitzen duten ikus-entzunezko adierazpideei, eta Juan Gorostidik musikatik abiatu du begirada. Memoria eta identitateari buruzko azterketa da, beraz, lau artikuluak lotzen dituen haria.

Aldizkaria Erosi
PDF 10.04 MB 14,00 €
Papera 14,00 €
Izan zaitez Jakinkide Harpidetu

Gaiak sailean, lau artikulu datoz, gai hauen inguruan: Gaur taldeko artisten lengoaia plastikoaren hedatzearen eta Eusko Jaurlaritzaren kultur politiken arteko harremana (Ane Lekuona Mariscal), traumaren dinamika euskal literaturan (Nerea Arruti Etxeberria), iruditeria kolektiboen sorkuntza eta ikus-entzunezko hedapena (Gaizka Aranguren Urrotz) eta Laboaren Lekeitioak eta kontzientzia modernorako jauzia 70eko hamarkadatik aurrera (Juan Gorostidi Berrondo).

GAIAK

Arteak euskal identitate 'bati' forma eman zionean. Kultur politikak, artearen historia eta generoa

Gaur taldeko artisten lengoaia plastikoaren hedatzearen eta Espainiako trantsizio urteetatik aurrerako Eusko Jaurlaritzaren kultur politiken arteko harremana aztertzen da, eta haren ondorioak ikuspuntu feminista batetik hausnartzen dira.

Traumaren ondoren: gehiegizko oroimena eta ahanzturak euskal literaturan

Traumaren dinamika aztertu nahi da literaturan, trauma bera eztabaida kritikoaren hezurdura bilakatu gabe. Traumaren denbora narratiboan jartzen da arreta, eta 2018an argitaraturiko Fakirraren ahotsa du ardatz.

Zoparen Teoria Orokorra. Identitatearen atarietan

Gizatalde bakoitzak bere zopa egiten du. Munduko zopa-lapikoen arteko interakzioa eltzeen tamaina eta suaren indarraren araberakoa da. Pantailaratzeak baldintzatzen du, egun, zoparen biziraupena.

Lekeitio Lemoizen da

Euskaldunok joan den mendeko 70eko hamarkadatik aurrera bizi izan genuen ‘Kontzientzia Modernorako’ jauziaren ezaugarriez egiten da gogoeta, Laboaren Lekeitioak jauzi horren erdian eta seinale gisa hartuz.

Egunen Gurpilean
Izan zaitez Jakinkide Harpidetu