Jose Ramon Etxebarria irakasle, fisikari eta euskaltzalearen bizitzan eta jardunean sakontzeko aukera eskaintzen digu elkarrizketak: haurtzaroa Gernikan eta Eibarren; ingeniaritza ikasketak Bilbon; soldaduska Cadizen eta Gasteizen; herri mugimenduekin lehen harremanak; lehen idazkuntza eta alfabetizazio prestakuntza Anaitasuna aldizkarian; fisika irakasle Zientzia Fakultatean; euskarazko apunte eta testuliburuen sortze lanak Saioka egitasmoan eta UEUn, besteak beste; militantzia politikoa eta Guardia Zibilaren torturak La Salven; zentral nuklearren aurkako borroka; Xabier Amurizaren bertso ikasle; Gernikan Espainiako erregeari Eusko gudariak abesten; lan politikoa Herri Batasunan; Euskal Herriko Unibertsitatean irakaslego propioaren figura sortzeko borroka luzea...
Historia bizia sailean, Jose Ramon Etxebarria irakasle, fisikari eta euskaltzalea elkarrizketatu du Miren Rubio Iturriak. Gaiak sailean, Jexux Larrañaga Arriolak "neuro" aurrizkiaren inflazio kulturala aztertu du, bere eragina hezkuntza-kulturan kokatuz.
