Joan Mari Torrealdaik 2017an euskaraz argitaratutako liburuen azterketa aurkezten du: liburu produkzioaren zifren iturriak; argitalgintzari dagokionez, liburu ekoizleen izaera eta aniztasuna, argitaletxe emankorrenen aipamena eta kanpoko eta bertoko argitaletxeen ekoizpenaren konparaketa; argitalpenaren zenbakien inguruan, argitaratutako tituluen zifrak eta nobedadeak eta berrargitalpenak; azkenik, gai multzoen sailkapenari buruzko datuak eta azterketa.
Gai nagusia sailean, 2019ko kultur balantzea egin dute Gorka Urbizu Ruiz, Alberto Barandiaran Amillano, Miren Rubio Iturria, Peru Iparragirre, Antton Olariaga, Txakur Gorria, Eneritz Artetxe Aranaz, Diego Pallés, Josevisky, Beñat Gaztelumendi Arandia, Aiora Sampedro Alegria, Arrate Rodriguez Martin, Leire Palacios Egiguren, Loinaz Lekuona Izagirre, Xabier Gantzarain Etxaniz, Eider Eibar Zugazabeitia, Maialen Goñi Balentziaga, Nerea Unanua Otxoantezana eta Libe Mimenza Castillok. Liburuak sailean, 2017ko euskal liburugintza aztertzen du Joan Mari Torrealdaik (1976tik egindakoaren ildo beretik).
