Larunbata, Igandea, 2020ko uztailak 04
Gora joan
Menua

Pentsamendua irrati uhinetan

Hainbat hitzaldi eta eztabaida podcast bihurtu ditu Jakinek Euskadi Irratiko Jakingunea tartean

2020-07-23

Paperetik belarrietara jauzi egin dute ikasturtean zehar Jakineko hainbat gogoetek. Izan ere, Miren Rubio Iturria Jakineko kazetariak hainbat hausnarketa jaso ditu Euskadi Irratiko 'Jakingunea' tarterako: bertsolaritzaren etorkizuna, euskararen erabilera sexista, hiperindibidualismoa, kultura eta Joxe Azurmendi, euskal rapa, euskaldun berriakā€¦ Erreportaje gisa emanak, podcastak dituzu entzungai 'Jakin Irratian' atalean. Hona 2019-2020 ikasturtekoak:

 

Pentsioen geroa aztergai Aleka bildumaren liburu berrian

Jon Fernandez 'Berria'-ko kazetariak idatzi du 'Pentsioen geroa. Eztabaida sozial baterako gakoak' saiakera

2020-06-25

Pentsioen eta sistema publikoaren krisiaren erroetara jo du Jon Fernandez Berria-ko kazetariak Aleka bildumako Pentsioen geroa. Eztabaida sozial baterako gakoak saiakeran.

Joxe Azurmendiren pentsamendua iturburu hartuta Jakin zenbaki monografikoa eta sareko gunea

Iazko Joxe Azurmendiri eskainitako kongresuko hitzaldiak jaso ditu Jakinek aldizkariarekin eta sarean

2020-06-19

2019ko abenduan egin genuen Joxe Azurmendi. Euskal pentsamenduaren ur-jauzia kongresuaren erauntsitik dator Jakinen 237-238. zenbaki bikoitza zein sareko gune berezia. UPV/EHUko Pentsamendu Garaikiderako Joxe Azurmendi Katedra proiektuak eta Jakinek antolatuta, 50 bat hizlarik jardun zuten gogoetan Azurmendiren ekarpenaz eta euskal pentsamenduaz. Han esandakoak jaso nahi izan ditu Jakinek, bai paperean aldizkari monografikoarekin, eta baita sarean ere hitzaldien bideoei eta artikuluei eskainitako webguneko atal bereiziarekin.

Online modalitatea izango du 'Birusak, distopiak eta mundu berriak' Jakin Jardunaldiak

Jardunaldiari segida emateko beste lau urterako hitzarmena sinatu dute UEUk, Jakin Fundazioak eta Usurbilgo Udalak

2020-06-17

Segurtasun neurriengatik urri geratu dira aurten uztailaren 16an Usurbilen egingo dugun Jakin Jardunaldian parte hartzeko lekuak. Hori dela eta, online modalitatea ere eskaintzea adostu dute hiru erakunde antolatzaileek: Jakinek, UEUk eta Usurbilgo Udalak.

Ekai Txapartegi Zumetaren erremintak

Zientzia objektiboaren beharraz gogoeta egin du Ekai Txapartegi Zumetak Jakinen Erreminta kaxarako

2020-06-12

COVID-19 gaitzaren pandemiak ekarri digun normaltasun distopikoari aurre egiteko lanabesak biltzen dabil Jakin. Zer eta zergatik gertatu den, eta zer ikasi dugun ulertzeko eta irtenbideak begitantzen asmatzeko tresnak eskatu dizkiegu hainbat pentsalariri. Horien artean duzu Ekai Txapartegi Zumeta UPV/EHUko Filosofia Saileko irakaslearen gogoeta ikus-entzunezkoan jasota.

Euskal Herriko pentsamenduaren historia aztertu du Joxe Azurmendik bere liburu berrian

Hamabost mendetako Euskal Herriko pentsalari eta eskolen bilduma osatu du Azurmendik

2020-06-08

Erdi Aroan hasi eta XX. mende hasiera arteko pentsalariak eta eskolak aztertu ditu Joxe Azurmendik Pentsamenduaren historia Euskal Herrian. Eskolaren eta gogoetaren lana gizaldiz gizaldi liburu berrian. UPV/EHUko Joxe Azurmendi Katedraren eta Jakinen elkarlanari esker argitaratu da Ur-jauzia bilduma berrian.