Ibai Iztueta Azurmendi (Zegama, 1977). Biologian lizentziaduna eta Irakasletzan diplomaduna da Euskal Herriko Unibertsitatean, eta Kognizio Zientzien eta Giza Zientzien adarrean doktorea da EHUn ere. Irakasle aritu da AEKn, Haur nahiz Lehen Hezkuntzan. Gaur egun Bigarren Hezkuntzan dabil Biologia irakasle. Baditu zenbait argitalpen Utriusque Vasconiae argitaletxean: Oro bare (2008, poesia), Jesus Mari Lasagabasterrekin hizketan (2012), doktoretza lanean oinarrituriko Cultura vasca vs Euskal cultura (2015) eta Sexologiaz hizketan Manuel Lanas Lecuonarekin (2016).
