Ainhoa Fernandez de Arroyabe, Iñaki Lazkano eta Nekane E. Zubiaurrek Euskal Herriko animazio esperimentalean nagusi diren bi korronteen ezaugarriak definitu eta horien adierazle diren hiru emakumezko sortzaileren lanak aztertzen dituzte. Lehen joerak (Begoña Vicario eta Isabel Herguera) asmo narratiboa eta esperimentazio formalaren uztarketa du ardatz. Bigarrenak, berriz (Izibene Oñederra), narrazioa ukatu eta sormen artistiko hutsaren alde egiten du.
