GAIAK
INTERNET

Arnasgune digitala izatea helburu: PuntuEUS Behatokia ekimeneko datuek zer gehiago adierazten duten

Urteetako borroka luzearen ostean, PuntuEUS Fundazioak 2014ko amaieran lortu zuen .EUS domeinuak publikoari eskaintzea, euskara eta euskal kulturak sarean izango duten ardura indartzeko asmoz. Urte bete beranduago eta beste erregistro batzuek egin moduan, Fundazioak Behatokia kaleratu zuen, .EUS domeinuek izan zuten eragina aztertzeko. Artikulu honetan Behatokiko ondorioak interpretatu eta argudio gehiago gehitu zaizkio aldagai bakoitzari, euskarak Interneten zeukan gabezia bat indartzeko jaio zen ekimen honen egoera hobeto ezagutzeko asmoz.

Gure berri

Gogoeta atalean bi dossier berri: "Zergatik eta zertarako euskaldun?" eta "Unamuno 1864-2014. Euskararen eta abertzaletasunaren antidoto"

JAKIN | 2014-11-18

Zergatik eta zertarako euskaldun?

1967ko urtarrilean, Zeruko Argia astekarian, Joxe Azurmendik galdera hauxe planteatu zuen Alemaniatik idatzitako artikulu batean: «Zergatik eta zertarako euskaldun?». Istilu galanta sortu zuen, erantzun andana ere bai hurrengo hilabeteetan. Unamuniano, barojiano, españolista, traidore, erreazionario, burjes... denetik irakurri behar izan zuen Azurmendik. Soka luzea ekarri zuen, eta besteak beste, Joseba Intxaustik, Juan San Martinek, Julen Kalzadak, Imanol Laspiurrek, Paulo Iztuetak, Gabriel Arestik. Xabier Letek eta Rikardo Arregik hartu zuten parte.

Azken buruan, Azurmendiren ustez, euskaldun izateko ez da nahikoa euskaldun jaiotzea. Ekintza, ahalegina, lana, ezinbestekoak dira. Kontzientzia. Eta justizia gosea.

Ez al da hau gaur egun bizirik dagoen eztabaida bat?

Gogoeta atalean, eskura daude orduko idatzi guztiak, norberak ikus eta azter ditzan.

 

Unamuno 1864-2014. Euskararen eta abertzaletasunaren aurkako antidotoa

2014ko irailaren 29an bete ziren 150 urte Miguel Unamuno pentsalari eta idazlea (Bilbo, 1864 - Salamanca, 1936) jaio zela. Euskararen pizkundearen eta euskal abertzaletasunaren etsai gogorra izanagatik, itzal handia izan zuen Unamunok frankismoaren urteetan euskaltzaletasuna eta abertzaletasuna biziberritzen aritu ziren idazle eta intelektualen artean. Salbatore Mitxelena, Txillardegi, Jorge Oteiza, Koldo Mitxelena, Joxe Azurmendi...

Jakin 203: Parte hartzea eta herrigintza: paradigma berri baten aurrean ote gaude?

[JAKIN] | 2014-10-14

Kalean da parte hartzea eta herrigintza gaiaren gainean osatu dugu Jakinen zenbaki berria, 203 zenbakia. Hitzetik hortzera darabilkigun gaia da azkenaldian. Gero eta leku gehiagotatik entzuten dugu parte-hartze prozesuen beharra. Eta horrekin batera demokrazia zuzena, gobernantza modu irekiak, partaidetzazko aurrekontuak, erabaki guneak eta baliabideak partekatzea, eraldaketa soziala, militantzia modu berriak, herrigintzan sakontzea, eta beste.

Parte hartzea eta herrigintza gaietan aditu eta aritu diren hurrengo hamar lagun hauen artikuluekin osatu dugu zenbaki berria. Zesar Martínezek marko orokorrean kokatu gaitu; Nicola Foronik bereziki Gipuzkoako erakunde publikoen jardun oparoari erreparatu dio; Jone Martínezek emakumeen parte hartzearen berezitasunez hitz egin digu, Jon Markel Ormazabalek gazteenez, eta Nerea Agirre eta Olaia Jimenezek haurrenez, gizarte inklusibo baten jomuga ez galtzeko. Eta, azkenik, Marta Luxán, Andere Ormazabal, Unai Txurruka eta Olatz Dañobeitiak herri mugimenduen baitatik bertatik egindako militantziaren gaineko gogoeta dakarkigute. 

Jakin 203: Hazkunde-osteko Euskal Herria eta euskal izendegiaren

JAKIN | 2014-06-23

Jakin 203ak lau artikulu bildu ditu. Elkarrekin loturarik ez badute ere, sakonean, denak azken xede bertsura hurbiltzen dira: alegia, euskal komunitatearen eraikuntzaren eta deseraikuntzaren atzean dauden giltzarriak atzeman eta horien nolakotasuna arakatzera.

  • Joseba Azkarraga Etxagibelek hazkunde-osteko Euskal Herrirako alternatiba proposamen landua dakar.
  • Idurre Eskisabelek euskal izendegiak gizartean dagoen genero desberdintasuna iraun arazten duenaren hipotesia jorratu du. 
  • Eneko Bidegainek euskaldunek euskal identitatea gal zezaten eta frantses identitatea onar zezaten Frantziako estatuak 14ko gerra baliatu zuela arrazoitzen du.
  • Ainhoa Fernandez de Arroyabek, Iñaki Lazkanok eta Nekane Zubiaurrek azken hamarkadetako animazio esperimentalaren ezaugarriak aztertu dituzte.

Jakin 202: Hazkunde-osteko Euskal Herria eta euskal izendegia aztergai, Joseba Azkarraga eta Idurre Eskisabelen eskutik, hurrenez hurren

JAKIN | 2014-06-23

Jakin 202 zenbakiak lau artikulu bildu ditu. Itxuraz, elkarrekin loturarik ez badute ere, sakonean denak azken xede bertsura hurbiltzen dira: alegia, euskal komunitatearen eraikuntzaren eta deseraikuntzaren atzean dauden giltzarriak atzeman eta horien nolakotasuna arakatzera.

  • Joseba Azkarraga Etxagibelek hazkunde-osteko Euskal Herrirako alternatiba proposamen interesgarria dakar.
  • Idurre Eskisabelek euskal izendegiak gizartean dagoen genero desberdintasuna iraun arazten duenaren hipotesia jorratu du. 
  • Eneko Bidegainek euskaldunek euskal identitatea gal zezaten eta frantses identitatea onar zezaten Frantziako estatuak 14ko gerra baliatu zuela argitzen du.
  • Ainhoa Fernandez de Arroyabek, Iñaki Lazkanok eta Nekane Zubiaurrek azken hamarkadetako animazio esperimentalaren ezaugarriak aztertu dituzte.

Joxe Azurmendi eta Andoni Olariaga, bi pentsalari Euskal Herria hausnartzen

JAKIN | 2014-05-19

 

 

Joxe Azurmendi eta Andoni Olariaga, bi belaunaldi desberdinetako pentsalariak dira. Azurmendi maisua eta Andoni dizipulua direla ere esan liteke. Izan ere, bata bestearen ikasle izan da. Nork bere pentsamolde propioa izanagatik, biek kezka bera dute: euskal komunitateari etorkizun bat ematea. Eta horixe izan zuten maiatzaren 22an, hizketako gai.

   
Joxe Azurmendiren argitalpenak

599 argitalpen
Memoria atalean

Joxe Azurmendiren argitalpen guztiak eskura Memoria atalean.

 

 

 

'Historia bizia': audioak

Historia bizia saileko solasaldien audioak
Memoria atalean

Historia bizia saileko solasaldien audioak entzungai Memoria atalean.

Piarres Xarriton, Juan San Martin, Ander Manterola, Joseba Intxausti, Jean Haritxelhar eta Ramon LabaieniImanol Murua Uriak egindako elkarrizketak.

 

 

Diruz lagundua:

JAKIN FUNDAZIOA

Tolosa hiribidea 103 - 1C

20018 DONOSTIA

943 218 092

jakin@jakin.eus